Novella IX della Giornata I del Decamerone (Lumbaart)/6
Dialet de Porretta Terme
edit
A digh donca che int i temp dal prim re dal Zipri, dop che Gotfré 'd Büglion avè conquistâ la Tera Santa, a süzzess ch'üna zentildona 'd Guascogna l'andò in pelegrinazz al Sepolcher, da dov tornand, in Zipri arivâ, da 'nsoquant bricon vilanament la fü maltratâ. Dal che lê, senza ensüna consolazion lamentandes, la pensò d'andarsen a ricorer dal re; ma a 'j fü dit da ün qualch d'ün ch'al srè stâ temp pers, perchè lü l'era acsì spauros e acsì poch d'bon, che non solament al n'arè fat giüstizia pr'egli ofes fat ai atri, ma anzi con carognisma e viltà l'in soportava üna infinità ch'ij füss fata a lü istess. d'mod tal che chiünch'aviss ün qualch desgüst, al le sfogava con farij a lü qualch dispet o vergogna. Quand la dona capì st'antifona qui, pr'aver ün solev al sò desgüst, la pensò 'd stüzzigar al re int al sò debol. E la j'andò dnanz pianzend e la 'j diss: "Al mè sgnor, mì an vegn dnanz a vü per dmandar vendeta dla cagnara ch'm'è stâ fata, ma siben in sodisfazion d'quela 'v pregh a isgnarem cmod a fa vü a soportar chel cagnar ch'ev fan. Acsì, imparand da vü, a prò anca mì soportar quela ch'i m'han fat a mì; la qual, al sa 'l Signor, se mì a psiss, quant av l'arnunziarè 'd lontera, perchè a sî bon 'd soportarla più che mì".
Alora 'l re, ch'al pareva ch'al dormiss, o si vé ch'al s'desviò e, cmenzand da la cagnara fata a 'sta dona, ch'a la vendicò 'd bon da vera, al dventò rigoros persecütor ed tüt quî che conter a l'onor dla sò corona qualch cosa al cometiss andand avanti.
Giovanni Papanti, Parlari italiani in Certaldo, pagg. 139-140