Orações Tupis sem Hifens

by João Filipe Bettendorff

[ 1 ]

PELO SINAL

Santa Cruz ra’angaba resé, oré pysyrõ ı̂epé, Tupã oré ı̂ar, oré amotare’ymbara suı́. Tuba, Ta’yra, Espı́rito Santo rera pupé. Amém, Jesus.

PAI NOSSO

Oré rub, ybakype tekoar, i moetepyramo nde rera t’oı̂kó. T’our nde Reino. T’onhemonhang nde remimotara ybype, ybakype i nhemonhanga ı̂abé. Oré rembi‘u, ‘ara ı̂abi’õndûara, eı̂me’eng kori orébe. Nde nhyrõ oré angaı̂paba resé orébe, oré rerekomemûãsara supé oré nhyrõ ı̂abé. Oré mo‘arukar umẽ ı̂epé tentação pupé, oré pysyrõte ı̂epé mba’eaı́ba suı́. Amém, Jesus.

AVE MARIA

Ave Maria, graça resé tynysemba’e, nde irũnamo ı̂andé ı̂ara rekóû. I mombe’ukatupyramo ereı̂kó kunhã suı́. I mombe’ukatupyra bé nde membyra Jesus. Santa Maria, Tupã sy, etupãmongetá oré i angaı̂paba’e resé ko’yr, irã oré ı̂ekyı̂ oré rumebéno. Amém, Jesus.

SALVE RAINHA

Salve Rainha, moraûsubara sy, tekobé, se’ẽba’e, oré ı̂erobı̂asaba, salve. Ndebe orosapukapukaı̂, i pe’apyramo, Eva membyramo. Ndebe oronheangerur, oré poasemamo, oroı̂asegûabo ikó ybytygûaı̂a ı̂asegûaba pupé. Ene’ı̃, oré resé ı̂eruresar, eboûı̃ nde resaporaûsubara erobak oré koty. A’e Jesus, i mombe’ukatupyra, nde membyra, ikó ı̂epe’asagûera syk‘iré, esepı̂akukar orébe. Nherane’ym, moraûsuberekosar, se’ẽba’e, Virgem Maria. Etupãmongetá oré resé, Santa Maria, Tupã sy, t’oré angaturãne Cristo remienõı̂gûera resé, oré ı̂ekosubagûama ri. Amém, Jesus.

CREDO DOS APÓSTOLOS

Arobı̂ar Tupã-Tuba opakatu mba’e tetiruã monhanga e’ikatuba’e, ybaka, yby abé monhangara. Arobı̂ar Jesus Cristo abé, ta’yra oı̂epeba’e, asé ı̂ara, Espı́rito Santo i monhangápe pitangamo onhemonhangyba’epûera. A’eba’e o‘ar Maria abá bykagûere’yma suı́. Pôncio Pilatos morubixabamo sekóreme, serekomemûãmbyramo sekóû, ybyraı̂oasaba resé i moı̂arypyramo sekóû, i ı̂ukapyramo, i tymymbyramo. Ogûeı̂yb yby apyterype. ‘Ara mosapyra pupé, omanõba’epûera suı́ sekobeı̂ebyri. Oı̂eupir ybakype. Tupã-Tuba opakatu mba’e tetiruã monhanga e’ikatuba’e ‘ekatuaba koty seni. A’e suı́ turi oı̂kobeba’e, omanõba’epûera pabẽ rekomonhangane. Arobı̂ar Espı́rito Santo. Arobı̂ar Santa Igreja Católica. Arobı̂ar Santos rekokatu ı̂emoı̂a’oı̂a’oka. Arobı̂ar tekoangaı̂paba resé morupé Tupã nhyrõ. Arobı̂ar asé rekobeı̂ebyraûama. Arobı̂ar tekobé opaba’erame’yma. Amém, Jesus.