Ostpreussische Sagen und Schwänke/1870 mötgemoakt

„Dat wär 'ne Tiet,“ seggt Schnieder Hopp,
„Im Joahre siebzig on darop,
Als wi bekriegde dem Franzos
On kloppte siene rode Hos.

Wi hadde doamoals et sehr schwer,
E leicht Stöck Oarbeit et nich wär,
Denn manchmal ging et Schlag op Schlag,
Gefecht on Schlacht an jedem Dag.“

„Wat,“ schriet darop de Schmödt Alboat,
„Du böst gewese nich Soldat
On lögst ons vör so ganz vertroakt,
Dat du dem Krieg häst mötgemoakt!“

„Natürlich,“ seggt de Schnieder dann,
„Keem ene Siegesnachröcht an,
So drunk wi späd on sunge fein:
Fest steit on treu de Wacht am Rhein.“