Ostpreussische Sagen und Schwänke/Wat e Scheper vom Spruch: „Ein guter Hirte läßt sein Leben für die Schafe“ denkt

De Scheper ön Pioade
Hadd ongeheuret Pech,
De Schoap krigde dem Dreller,
On sturwe alle weg.

Sien Herr wär ontofräde
On säd an cnem Dag:
„De Schoap gesund to moake
Ös, Scheper, diene Sach.“

Als nu am nächste Sünndag
Tor Körch de Scheper ging,
Da fledzd uck dorch de Körchdeer
Dat trie Spitzke flink.

Et wär de ole Scheper
E gottesförchtger Mann,
He sung fer dre, seech ömmer
Dem Pfarrer gläubig an.

[070]Doch als de Pfarrer predigd
Vom Hört on siene Schoap,
Da wurd er stracks sehr fuchtig
On dammlich wie e Oap.

„Komm Spitz, de Pfarrer stichelt,“
To sienem Hund he säd,
Ging noah dem Krog, besop sick,
On keem noah Huus sehr späd.