Při kolebcy

nadpis	Při kolebcy
awtor	Handrij Zejler
lěto
žórło	http://texty.citanka.cz/
licenca	public domain
nota	stary prawopis, Zhrom. spisy I.

    Do zahrodki wětřik duł
    A lisćička tam zelene je hnuł,
    Z ćicha zynčeše;
    Lisća spinkajće! Haj!

    Jandźelko naš lubozny,
    Nětk spinkaj, złoty hołbiko, tež ty!
    Lubosć maćeŕna
    Njespi, njedrěma. Haj!

    Na hałzy spja ptačatka,
    Je kryje štom azlisćom wodźěwa,
    Stražu na tebi
    Dźerža jandźelki. Haj!

    Tuj, tuj, złote dźěćatko,
    Nank, maćeřka za tebje stara so Strachi zdaluje,
    Mjehcy pósćele. Haj!

    W zbóžnym měrje, kuŕko, spi,
    Nětk hišće swěći złote słónčko ći,
    Dóńž će njebudźa
    Rany žiwjenja. Haj!

    Dóńž će starosć njebudźi,
    Zamkń módre kukulatko, změrom spi,
    Naša róžička,
    Naša lilija! Haj!