Rassa boelă sè akompol èḍinto nèko kabbhi tanto padă ngèding berta, djhǎ' è Bătawi ghi' lambă' bădă Tjèna sè talèbat soghina, sabhǎrăng sè èkakareppè ghǎmpang ollèna, otabă ghǎmpang pabăḍă'ănna, maskè kalaban larang kabellina; anangèng dhoennjana so'è abit so'è bănnja' bhăi.
Dhinèng tètèngkanna Tjèna ghaneko tjè' angga'na, njalèndhă dări orèng bănnja', sabab mon aroko' ta' enda' ngangghoej lambărǎn kolè'na djhaghoeng, kaboeng otabă papir[1], mastè ngangghoej kertas[2]. Djhoe ta' tjè' njala-kanṭana ta' engghi?
E nalèka sèttong bakto Tjèna soghi ghella' terro ka orèng băbinè' sè andi' lake.
Bhender Tjèna ghǎnèko pon ta' kakorangan binè băn orèng băbinè', anangèng sarrèna èkennèng ghoeḍhă napsona ka băbinè’ ghellǎ', bit-abit lakèna orèng babinè' sè èkaterroè ghǎnèko pas èpatè'è polana sè binè' ta' enda' norotè pangaterrona. Amarghă ghǎnèko Tjèna soghi ghella' bi' poelisi ètangkep; potosanna Naghǎra: okom ghǎntong.
Lă, ghǎnèko kadhǎddhiǎnna orèng sè boer-lèboer ghålloe ka dhoennja.
Mètorot monjèna bhabhăd, tjè' bănnja'na naghără sè rosak, polana alantaran dari kasoghiănna èssèna, nangèng ta' kalabăn èkanţè'è kabettjè'an; terros ka sè marènta engghi bărinto kėja. Akanța naghără Rom, asalla kaètong naghără radjă, pas rosak alantaran tjara bhoeroe.
Bărinto kèja naghără Spanjol, sè pas soghi njakalèan, polana nemmo nagháră Amèrika; anangèng èmanna orèngnga pas djăhăt njakalean kalakoanna; ahèrra naghără rosak .
Perrang è tana Erropa sè abi' orèng amalijoenan, abi' bhănḍhă amalijoenan, sè malarat orèng sabhoemè alam, ghǎnèko taḍă' laèn marghǎna, tjoma bhoe'- rebbhoe'ăn pangabăsa băn kasoghiǎn .
Molana bhender tja'-otja'anna sodhăghår: „ Ta' kennjang bi' pèssè," sakabbhinna orèng èssèna naghără paḍă terro soghiă. Naghără ta' arèksakè bhǎb kasalamettanna bhăbă parèntana.
Pon tantona pa'-sapa'a sè ampo alompa' (alanggar) tata karaddjhǎ ăn, mastè abă'na sè soghi kaaḍă'.
Tèbhăna naghǎrăna pas roesoe, polana rèng-orèngnga bănnja' sè djăhăt kalakoanna, ghǎntè tèpo sabhǎreng , napè polè panjèttjè'na naghărăna (pamarèntana) engghi pas sara.
Bădă polè Rato kasorang asmana Sri Băgindă Napoelijoen (Napoléon), sè talèbăt băngalanna, tada' madhănè è bakto ghǎnèko.
