ИЗДАТЕЛЬСТВАТЬ ЭЗДА
М. И. Безбородовть произведениянзон тя изданиясна ащи васеньценнекс сонь куломдонза меле.
Шарьхкодеви, што фкя книгас поэтть сембе наследствац ашезь тяльге. Писателень союзть оргкомитетоц и издательствась арьсезь, што тя книгати, кона ащи васень томкс, эрявихть сувафтомс поэтть ся произведениянзон, конат печатлафтольхть ни башка книгаса, журналса или газетаса, и конат поэтть творческяй планонзон ширьде аделафт или апак аделакт афламода.
Апак аделакнень эзда минь тя томти сувафтоськ „Колма морот, или колма пинкт” поэманц. Нят произведениятне сувафтовихть тяза сяс, што синь максыхть полнай картина поэтть общай планонцты сонцень темать коряс.
Омбоце томти арьсеф сувафтомс сембе апак аделак произведениянзон, очерконзон, статьянзон и сьорманзон.
Тя изданиять анокламста пользовандаме нолдаф книганзон мархта, сявфт материалхт „Колхозонь эряф” журналста, и синь оригинальнай точностьсна проверяф поэтть архивста рукописнень коряс. Кодамовок существеннай, нльня орфографическяй, редакционнай петемат произведениятненди редакциясь ашезь тий. Аньцек петьфт кой-кона произведениятнень башка вастсна, коса ульсть искаженият, конатнень тиендезь народть врагонза. Тянь колга морафтысь содасы предисловиять эзда.
Материалхне тя изданияса латцефт кизонь коряс, мзярда синь ульсть сьорматфт, и анцек аф ламотне латцефт тематикань коряс. Шарьхкодеви, што тяфта латцемстост ульсь ванф сявок, штоба синь йотксост улель марстонь соткс, единства.
5
