Кона кяжденза
Кулять содамс макссь.
„Ой! Война! Война!”
Кулезь пилене, —
Сельме ведьняса
Пяшкодсть сельмоне.
Вай, сяка шитнень
Сяка недялятнень,
Кармасть панема
Войнав алятнень.
Кармасть шамома
Ошне, велетне,
Явсть сокай вийда
Кели паксятне.
Моньге, идьняне,
Колазь седизень —
Веры войнати
Панезь идезень.
Вярьга вайгяльса
Пишкодсть аватне,
Кармасть кулсема
Ризфти бабатне.
Колма кизот мольсь
Тя оцю войнась,
Верса валондовсь
Сокаень модась;
Лоткасть касомда
Паксяв сьоротне,
Видиснон плхтазь
Равжа порохне.
Кармасть лядома
Ошне кшифтема,
Кармасть ащема
Завоттне тевфтема.
Эста трудяйхне
Нолдазь вайгяльснон,
Инь азорхнень лангс
