Page:Безбородов М. И. Сочиненият 1-це томсь (1939).djvu/127

КОЛМА ПИНКТ, ИЛИ КОЛМА МОРОТ

СТИХСА ПОВЕСТЬ

„Ольксезь авардезь

Эрясть эряфса”.

(Мороста).

ВАСЕНЦЕ ВАЛТЬ ЭЗЕМС

Ляй велесь оцю,
Ульцянза келихть,
Кафта церькунза
Оцюфт и серихть.
Колма сядот куд
Велеть эсонза,
Шуфтонь школане
Ащи песонза.
Тьожяньда лама
Ломань ваймонза;
Келихть паксянза,
Келихть ламйонза;
Аньцек паксятне
Салаюф баярть —
Сокайхнень кядьста
Эряфонь салайть.
Ляй велеряйхнень
Шуфтонь куднясна,
Лоскодса паннефт
Колсеф вальмасна.
Тунда аф эряй
Ярхцамс кшинясна,
Якамс аф сатни

---

122