Стяда варьхмодсь,
Стяда варьхмодсь,
Стяда, стяда, стяда!
Фкя-фкянь йотазь,
Фкя-фкянь йотазь,
Лядема кундада.
— Сембе анокт,
Сембе анокт, —
Бригадирсь ивадсь.
Фкя-фкянь йотазь
Пеелепне
Тишети сувасть.
Серьцек, мельцек,
Серьцек, мельцек
Лядихть сембе фкакс.
Лядихть, лядихть...
Мельгаст лаймоть
Тингокс шамац штадсь.
Пеелепне
Коршазь — коршайхть,
Нарайхть лаймоть прянц.
— Аф йотаван,
Кенерьхть мельган, —
Ювади Гурьянць.
— Гурьянть мельгя,
Гурьянть эзда
Тят ляда фкя вакс!
— Эряздоня,
Финишсь мала,
Няеви ни флагсь.
Серьцек, мельцек,
Серьцек, мельцек,
Тюже тишесь прафтф.
Менельть няфтьсы
Гурьянть кядьса
Вяри кепотьф флагсь.
