Кельгом—ялгат!
Тячи сась Саратавонь университету «Валда Ян» журналть омбоця номероц. Сембя мокшонь-студеттня педезь-пецьть эзонза. Яряскадыхть ваномонза, морафтомонза.
И, мезень дива! Ванат лангозонза, — кеподи седиця, кенерьдят мокшотнень-инкса, вдь тя минцень кяльсонок журнал. Да нингя стама журнал, кодамда кржа рузонь кяльсонга! А эзонза сьормадфт мокшонь эряфть тяниень, живой вастонза.
Ваномска пара, а сяда цебярь потмоста. Содержанияц кочказь-кочкаф, няйви, што лама вий эзонза путф, нолдаф кельгомга и тевонь-содазь пуроптф.
Пензаса работай мокша ялгатненьди тя журналсь пряньшнаманьди, а сембя мокшотненьди седиень петем-васта и эрямшиса „Валда Ян“.
Тя тевсь сембоньди тага няфнесы, што Советонь власьць ды Коммунистонь партиясь, аф анцек корхтафцазь йолма нациятненьди лездомать, но тевс путнесазь валснон и эрямас сувафнесазь.
Мокшонь оцю спасиба Редакцияти тяфтама паронь тиемда,
Шумбра-ши тевонь вятити, Иван Васильевич Шотин—ялгати и тейнза лезды мокшотненьди!
И. Черапкин.