НАУКАСЬ ЛЕЗДЫ СОКАЙТИ
Китнень кувалмос и паксява ламоннь касонды тише, конаньди мярьгихть донник (сонь кой-конат шьорсесазь никсама табак мархта таньцти шиннянц инкса). Сибирьса, велень-хоз. академияса профессорсь Бобкось варьчсезя тя тишеть. Исследованиясь няфтезя, што тя тишесь пяк питательнай и аф сяда кальдяв люцернада. Жувататне сонь эсонза порихть охотнаста и кеподи эздонза лофцонь максомаськя. Те богатстванекя можна мярьгомс пильге—алонк. Эряви варжамс кочкамс видьмот и видемс. Варжамда меле, можбыть, те тишеть уставатама витьцемя люцернать мархта фкакс.
Машфцайнек сьоронь гастяхнень
[ Певцовть Д. рисунка ульсь тяса, нардови тяста
сяс мес кардасамазь путомс сонь тяса. ]
АЭРОПЛАНЦТА САРАНЧАТНЕНЬ ЛАНГС
Эрь кизоня минь урожаеньконь пяльксоц юмси сьоронь гастяхнень эзда и те пялькссь аф йомбла. Кой-кона специалистнень лувомаснон коряс лисеньди 20 процент. Сяс, кда цебярьста ладямс тюремать сьоронь гастяхнень мархта, сьоронь шачемась кеподеволь пяк вииста. Минь сьоронь гастяхнень машфнесаськ брызгазь жидкосьца. Но паксяса, кда лама сьоронь гастяйда, те способсь пчтай аф кондясти и, тяда башка, пяк питьни. Тяни уставась ноляма стамка йомбла ядовитай порошоконят, конатнень мархта пулендамась машфцыень сьоронь гастяйхнень. Пулендамась тиеньдеви аэропланцта. Аэроплантть потмос путыхть аппарат — распылитель, кона аф оцю пинкть пулендай оцю васта.
Кода тийсазь работать, лац няеви картинкаста.
КОДА СЯДА КУРОК КЕПОДЕВИ ХОЗЯИСТВАСЬ
|
[ Певцовть Д. рисунка ульсь тяса, нардови тяста сяс мес кардасамазь путомс сонь тяса. ] |
