„Ульсть времат, цьорай,
Мзярда уросня
Масторть келева,
Ошка, велева
Срафтфтольхть—
Иоряфтфтольхть.
Яксесть вачеда,
Нярьсна нолдафтольхть.
Ашоль андысна,
Ашоль симдисна
Пара эряфти
Кисна перяфоль
Вов кода морсезь
Урос иднятьнень
Инь азоронь пингть
Стака шинятьнень:
„Урос Ягорнясь
Сюдуф цьоранесь;
Ялганзон йоткста
Нужа няинясь.
Колма кизоса
Теряда иляць,
Омба кизоня
Кулось сонь аляц.
Арась Ягорнясь.
Кевфки кизоса,
Фкявок шиц ашоль
Топоцтонь пекса,
Постуфонь слава
Ягорнясь канды, —
Тунда сьоксеть самс
Жуватат ваны.
|
|
Топоцта эряй,
Ягор — кизонда,
Сянь инкса няи
Нужа тялонда.
Сьоксенда Ягор
Олькси-аварьди:
Мес йотась кизось, —
Тялось малады.
Тялонда арай
Теенза якамс
Веледа—велес,
Штоб кшиня анамс.
Сидеста арай,
Ягор няендемс,
Кода вальмети
Венепцы кяденц.
Нолдцы вайгеленц
Сельма веденьпачк:
„Максода теень
Пеконязя вачсь“.
Тяфта йотафцынь
Шабакс кизонзон
Урос Ягорнясь
Весяла шинзон,
А тяни цьорай,
Эряфкесь морай.
Саветтнень пингста,
Хоть улихть ицна
Урозда—урост,
Но синь ошова,
Оцю велева
Фкя кудняс пуроптфт.
|
|
Тоса тонафнихть.
Книгат морафнихть.
Тоса шархкоцазь,
Кода кевсь веляфтф,
Трудехнень лангста,
Кода од эряф
Тиема марса.“
Вов тяфта корхтась
Моньцень атезя
Идень куцта саф,
Моньня батезя.
Урос иттненьди
Тоса покоди
Йофкскат азонкшни,
Моронят морси.
Кизонда вири
Марса яксекшнихть,
Мази моронят
Марса латцекшнихть
Вов синь моросна,
Конатьнень теень
Ошста фатезя
Моньцень атезя.
„Минь оттама,
Одне тихтяма,
Од эряфонкса
Тюринь иттяма.
Вию тюринкса
Минь ащетяма
Пачкотьф виеньконь
Теест макстама!!
М. Безбородов.
|
