Page:Евангелие от Луки на мокшанском (1891).djvu/133

127

отъ Луки.

---

латъ тага пшкяць Іисусэнь нолдаманцъ инкса, ²¹ Асинь сересьть: яськептькь, якькептькь Сонь. ²² Пилатъ колмэцеда мярьгсь теестъ: кодама кальдявъ тись Сонъ? Монъ мезе-вэкъ ашэнь му Сонь эздэнза шавмашка. Наказаса ина Сонь да нолдаса. ²³ А синь оцьу вайгельса анасьть Сонь яськептемсъ. Синь да первосвященникнень серемасна вишкя сявсь. ²⁴ Пилатъ путэзя тіемсъ синь анамаснэнъ корясъ: ²⁵ нолдазя теестъ ломанень шавмань да ломанень мутендаманкса мурьявъ путфть, конань синь анасьть, а Іисусэнь максэзя синь кядезэстъ. ²⁶ Сонь вятемстэнза сявезь паксяста ётай Симэнъ лемса Кириней ошэнь эряйть, да путэзь сонь лангэзэнза крёзть, да кошардэзь сонь кандэмсъ Іисусьть мельгя. ²⁷ Іисусть мельгя мольсть лама народъ да аватъ-ка, конатъ летьнязь аварьцть Сонь инксэнза. ²⁸ Іисусъ теестъ шарфтэзь мярьгсь: Іерусалимень стирьть! тяда аварьдя Монь инксэнъ, аварьдеда эсь инксэнэнтъ да иденьтень инкса. ²⁹ Веть сайхть стама шитъ, конаста мярьгихть: Павазуфтъ идень афъ шачфтыхня, да идень афъ потяфнихня. ³⁰ Эста кармайхть кортама пантнэньди: прада минь лангэзнэкъ, да куборхненьди: вель-