24. Видеста, видеста кортан тееньнть: тозер-зёрнанԙсь станяк иляды ськамнянза, кулъфтԙрԙй сон модас прамстънза; а кулъньдԙрԙй, лама кенерьфь канды.
25. Кельгись эсь ваймънц, юмафцы сон: аф кельгись эсь ваймънц тԙ эрямстънза ванфтсы сонь пингень-пингсънь эрямати.
26. Урԙзԙ Монь мельган молезавък: коса улян Мон, эзк ули урԙзевък. Моньдень служама кармайть лувсы Монь Алԙзԙ.
27. Тԙни каньзедезюсь ваймезԙ; мезяма азан Мон? Алԙй! ванфтъмак сԙ частстън! Да Монь саньгԙ тԙ частти.
28. Алԙй! туфтк менелень-славас Эсь лемцень! Эста сась менельста вайгԙль: туфтынԙ, тагънга туфцан.
29. Тԙнь марямста ащи народсь мԙрьгсь: тԙ атяма; конат-конат кортасьть: Ангел Теенза пшкԙдьсь.
30. А Іисузсь, ушъдъзь кортаманц, азсь: тԙ вайгԙльсь аф Монь кувалмън кайгсь, а народть кувалма.
31. Тԙни судендави мастърсь; тԙни мастър-лангстътьнень оцювъсна паньфь ули мастърть лангста.
32. Мон, мастърть вельксс кепедьфтемден мелԙ, сембень шарфтсайнԙ Эсь пԙли.
33. Тԙнь кортазԙ Сон, шарькъдест, коданԙ Сон кулы.
34. Народсь пшкԙдьсь Теенза: минь законстънък марԙськь пефтемԙ улеманц Христозть; коданԙ Тон кортат: эряви Ломанень Цёрась кепедьфтфь улемс (кулъманкса)? Кіԙ тԙфтамъсь Ломанень Цёрась?
35. Іисузсь мԙрьгсь теест: тага аф ламъс валдсь ули мартънънт; якада ина, мзярс валда, тԙдԙзь кԙшԙ шобдась, шобдать эзга якайсь афълԙ содай, ков молемац.
36. Мзярс валдсь мартънънт, кемесьть валдть,
