| ВКП(б)-нь ЦК-ать приветствияц Максим Горькаенди. |
ВКП(б) нь ЦК-ась азонды оцю паравал великай пролетарскай писательти Максим Горькаенди.
Эсь пяк цебярь художественнай произведениянзон мархта, конат арасть кельговиксонди лама миллион трудяень массатненди, Горькайсь „кемоста содозя эсь прянц Россияса и сембе мастарланкса рабочай движениять мархта“. (Ленин).
Максим Горькаень лемоц пяк питни сембе Советонь масторонь трудяйхненди, кода пяк оцю художник-революционеронь лем, конац вишкста тюрьсь оцю азоронь властть каршес, вишкста тюри капитализмать каршес, сембе масторонь трудяйхнень капиталисттнень люпштамаснон алда таргамаснон инкса.
ВКП(б)-нь ЦК-ась надияй, што Горькайть пяк оцю талантоц и сонь революционнай виец кармайхть ниньге ламос служама рабочай клазть тевонцты.
ВКП(б)-нь ЦК-ась
 |
| Енукидзесь, Сталинць и Горькайсь, |
| Кельгома ялгань большевиконь паравал. |
| Кельгома Алексей Максимович! |
Тонь нилекемонь кизонь славнай литературнай и революционно-боевой работацень юбилейста кучтама тейть кельгома ялгань большевиконь паравал.
Арсетяма тейть ингольпялингя лама кизот кепсемс лама миллион трудяень массатнень мяльснон коммунизмать инькса тюремать перьф
Калинин, Молотов, Каганович, Орджоникидзе, Куйбышев, Андреев, Рудзутак, Постышев, Микоян, Бубнов, Енукидзе, Пятаков, Яковлев, Любимов.
| Ленин Горькаень колга. |
Владимир Ильич пяк оцюста лувондозе М. Горькаень кода пролетарскай писателень. Ленинць кона литературань и искусствань кизефкснень кочксезень ся ширеса польза али вред канды революцияти и рабочай клазти, ся али лия писательсь, али художниксь, — лувондозе Горькаень кода художниконь сяс, што сон канды оцю польза рабочай клазти, социализмань тевти.
Сяда алува минь няфнесайнек Горькайть колга Владимир Ильичень сьорматфонзон, конат сьоматфтольхть Россияса революционнай молематнень башка пинкнень эзда.
1909 кизоня В. И. сьормаць:
„Горький ялгась пяк кемоста содондозя эсь прянц эсь оцю художественнай произведениянзон вельдя Россиянь и сембемасторлангонь рабочайнь движениять мархта“ (Ленин XI томсь 1 пялькссь)
Кизода меле 1910 кизоня Ленинць сьормаць:
„Горькайсь — аш месть корхтамс пролетарскай искусствань пяк оцю представитель, кона теенза пяк лама тийсь и нинге сяда лама теенза сафтови тиемс, Горькайсь авторитет пролетарскай искусствань тевть эса, тянь колга спорендамс аш месть. Пролетарскай искусствань тевса — М. Горькайсь пяк оцю васта“ (Ленин, XI томсь, 2 пяльксь),
1917 кизоня эсь „ичкиздя сьорматф сьорманзон“ эса Ленинць пяк оцюста кемокснесы: „аш месьть мельшемс, Горькайсь пяк оцю художественнай талантт, кона канць и канды лама пользада сембе масторлангонь пролетарскай движенияти“.
Горькайти эсь сьорманзон эса Ленинць максси идейновоспитательнай работань оцю кепотькст. Фкя сьорманц эса Горькайть лемс Ленинць сьормады:
Эсь талантонтень, художниконь талантонтень мархта тинь кандодя россиянь рабочайнь движенияти, и аф аньцек Россиянь — тяфтама оцю польза, и тинь ниньга канттада тяфтама оцю польза, што теентть коданянга аш кода макссемс пря стака мяльхненди конат листть заграничнай тюремань кепотькснень сюнеда.
5
