Лама минь мораме
Морот шить стяманцты,
Гайфнемя шобдовань
Зорятнень эса.
Вадендеськ мяльнеконь
Эрь каготкять шаманцты,
Кеняндезь, мораень
П‘орошка песа.
Морасаськ сембонь —
Мезя минь няхтяма,
Сьормацаськ, мярьктяма:
„ Пара лийкстак ни... “
Но эряви азомс,
Видесь аф вельхтяма,
Алашать, ялгат,
Юкстаськ минь.
„ — Тят вов поэтт, —
Колхозниксь—ударниксь,
Абончнезь, пеедезь
Колганок корхни, —
Коса жа алашась?
Коса свинарниксь?
Кали поэттне
Исть неяндя йофси?.. “
„Рана юкстамасть, —
Цяфай эр алашась, —
Партиять путфксонц
Тинь йотнесасть вакска.
Лятьфтасаськ „... улемс
Алашать маласа.
Видема пинкти
Сонь анокламс лацкас...“
— Содасть, вийда
Эсон монь лама,
Цебярста яказь
Сонь ламоса касфцасть.
Мархтонт мингя
Ударникт ульхтяма,
Темпонкса видемста
Шийнеськонь макссаськ.
Меляфтость, коряван
Ашкозя улеза,
Кольфт тяст улендя
Сокамста мяшцон
Сатомшка норманкса
Кемоста тюреда,
Вракне тяст салсе
Пинепнень эшксстон.
Танга аф ламне,
Хоть вешемась визькс,
|
Но мяльнеськонь
Шарьхкодесть тингя:
Карцонок
Сидеста уленди пезкс...
А коськонять
Кельголеськ мингя.
Сембе. А морайть
Аф токасаськ минь,
Садасаськ ширезнок
Мор нц* аф шарфцы,
Содасаськ ули
Аф мялезост синь,
Мзярда колгаст
Минь ялганеськ парксни“.
Шарьхкотьф. Сави
Прянь комафтозь мярьгомс:
Видя, вдь ширеса
Алаша ялгась.
Д кода жа
Тяфтаня эздонза эрьготьф?
Кали минь яксемя
Кельмя ковть ланга?
Алашать мархта
Минь аленьке шачсть,
Соксесть мода,
Яксесть извезска...
А йотай кизоть бригаданеське саць
Сонь вельденза
Васенце казнеть колхозста
А нингя...
Мзярда моданькя палсь,
Лангознок яцесть
Акша бандиттне.
Буденаень конницац —
— Якстерь шквалсь,
Перьсезень акша
Бандиттненди китнень.
Мингя, тинь
Няйсасть, эряфть „ усаськ“
Касфттама темпнень
Моротнень эса.
А алашать,
Арьсесть, — юкстаськ!..
Зорятнень гайфнемя
П‘орушке песа.
|
