Ся ульсь пяк овал
Сире эрямась,
Козянди покась
Ашувонь цьорась.
Аляда сон ляц
Кафкса кизоса,
Лама няйсь нужа
Ашувонь шиса.
Сивоць йомласта
Мишась козянди,
Козясь мусь васта
Ашу цьорати.
Козянь кядь ала
Кальдяв эрямась,
Пялес вачеда
Стака покамась.
Сембе од вийцень
Козясь таргасы
Од эряма шицень
Сон юмафнесы.
Пяк кальдяфт ланксот
Щапне—каряпне,
Калада карьса
Карьсефт тон пилькне.
Эста козяти
Пароль эрямась,
Ашувонь эряфть
Синнезе нужась
|
|
* * *
Якстерь дуцясь сась
Сембе масторсь тарсь,
Сире эрямась
Оцю толса палсь.
Лама вер шудесь
Масторть паломста,
Вача кизот ульсть
Ся авал пинкста.
Вию ветькс шудесть
Йотай пинкне,
Коллективс пуромсть
Ашу сокайхне.
Коллективонь тевсь
Ашуть мяльс пяк тусь,
Лама виец шачсь
Цебярь эряф мусь,
Цебярь айгорса,
Од машинаса,
Молотилкаса
Покайхть ашуфне.
Мишась ударник
Колма сятт трудшиц,
Каясь утому
Ниле сятт пуд кши.
Од куд сон рамась
Кайги потмоняц,
Эряйкс сон арась
Ашувонь цьорась.
|
