Кяцон сьорма...
Сьорматф: „Тяни топоцть...
Пандовсь кяжсна,
Конань кирнесть ланксот.
Ули стака,
Но аф сави сьопомс,
Миша, иттце
Арась кяжень панксокс“
Сьормась равшкоць
„Шавозь“ стака валста,
Эскса сялговсь
Седизя тя пинкста.
Кали нельгозь
Од эряфонь валцта,
Вракнень каршес
Тюремазень инкса?
А тя сянкса,
Мес перезень песа
Лифнень, тарксень
Кулакт валда ведьти;
Вов и сусксть синь
Пеляс пинень пейса,
Седи ваксстонь,
Алешказень кедьти.
|
|
Изезь када
Касомс оцю алякс,
Кона теень
Максоль оцю лезкс,
Да, сонь лемонц
Равжа вийхне салазь...
Тяфта тисть синь
Эряфозьти сязькс.
Ашеть ванов,
Пиштезь кадыть эряфть,
Кадыть сембонь
Мезя ульсь ужяль.
Щетка корхтать:
„Аляй, Альожть меляфтк,
Кда кирдеть
Колган пара мяль“
Кирдень, кирдень
Седи ваксстонь цьорай...
Тяни сяда
Касфтонь тюремазень.
Сяда кяжда
Кулакть каршес моран,
„Куломс тюремс“ —
Волозень мон азонь.
|
