Сиянь щамса ащи ковнясь
Тяшттнень еткса менельса.
Колхозникне паксянь станцот.
Аш кашт моли велеса.
Ламос Ванять инкса шаронь
Ну кенярдень мумстонза,
Ванясь Машань мархта тошксесь
Паксянь стану тумстонза.
Звенанеське лац работай,
Ляпоняста сон инзай
Сянкса штоба тя кизоня
Сявомс оцю урожай.
Паксянь станца позна мадонь
И пяк пара няень онць
Мес мадомстон мокшень морат
Вакссон морась микрофонць.
Одтне тонафнемать вельде
Кяшезь калму „вярьдень шкайть“.
Колхозникне паксянь станцот
Празнондайхть синь Васень Майть.
Митянь звенац илядсь фталу —
Аф ламода новлат синь,
Васень Майста, пара мяльса
Оцю казьнеть сявоськ минь.
Од ломаттьне весяласта
Васьфтезь Васень Маень шить
Кафта частста дружнайняста
Велеть песта петезь кить.
| 
