| Конституция (основной закон) | 37 |
номнай республикань Верховнай Советтненьди, автономнай областень трудяень депутатонь Советтненьди, трудяень депутатонь округонь, райононь, ошень и велень (станицань, веленянь, хуторонь, кишлаконь, аулонь) Советтненьди, — йотафнесазь кочкайхне всеобщай, равнай и прямой избирательнай правать коряс, тайнайста вайгялень максозь.
135-це СТАТЬЯСЬ. Депутатонь кочкаматне ащихть всеобщайкс: СССР-нь сембе граждантнень, конатненьди топодьсь 18 кизот, йоньда лисьф и судса кочкама праваста валхтф ломаньда башка, ули депутатонь кочкама правасна и кочкафокс улемань правасна, апак вант синь расовай и национальнай принадлежностьснон лангс, вероисповеданияснон, образовательнай цензснон, оседлостьснон, социальнай происхожденияснон, имущественнай положенияснон и синь йотай-пингень деательностьснон лангс.
136-це СТАТЬЯСЬ. Депутатонь кочкаматне ащихть равнайкс: эрь гражданинти макссеви фкя вайгяль; сембе граждантне участвовандайхть выборхнень эса равнай основанияса.
137-це СТАТЬЯСЬ. Аватне пользовандайхть кочкамань и кочкафокс улемань праваса алятнень марта фкя лаца.
138-це СТАТЬЯСЬ. Якстерь Армияса ащи граждантне пользовандайхть кочкамань и кочкафокс улемань праваса сембе лия граждантнень марта фкя лаца.
139-це СТАТЬЯСЬ. Депутатонь кочкаматне ащихть прямойкс: трудяень депутатонь сембе Советтненьди кочкаматнень, трудяень депутатонь велень и ошень Советста сявомок и мянь СССР-нь Верховнай Советти молемс, йотафнесазь граждантне непосредственна прямой кочкамань вельде.
140-це СТАТЬЯСЬ. Депутатонь кочкамста вайгялень максомась тайнай.
141 це СТАТЬЯСЬ. Депутатонь кочкамста кандидаттне лихневихть кочкама округтнень эзга.
Кандидатонь лихтема правась макссеви общественнай организациятненьди и трудяень обществатненьди: коммунистическяй партиянь организациятненьди, профессиональнай союзтненьди, кооперативтненьди, од ломанень организациятненьди, культурнай обществатненьди.
142-це СТАТЬЯСЬ. Эрь депутатсь эсь кочкаензон ингеле эсь работанц и трудяень депутатонь Советть работанц колга обязан макссемс отчет и, законса путф порядкать коряс, может улемс валхтф (отозваннай) любовай пингеня кочкайхнень оцюшкаснон решениянц коряс.
| XII главась
ГЕРБСЬ, ФЛАГСЬ, СТОЛИЦАСЬ |
143-це СТАТЬЯСЬ. Советскяй Социалистическяй Республикань Союзть государственнай гербоц ащи тарвазста и молоткаста мастор шарть лангса, кона няфтьф шить лучензон эса и шарф колазса, союзнай республикатнень кяльсост надпись марта:
„Сембе масторонь пролетариятне, пуромода марс!“. Гербть вельксса вете ужеса тяште.
144-це СТАТЬЯСЬ. Советскяй Социалистическяй Реснубликань Союзть государственнай флагоц ащи якстерь котфста, сонь вярьце ужесонза неденц ваксса тяштьф золотань тарваз и молотка и синь велькссост вете ужеса якстерь тяште, конань трваванза моли золотань кайма. Келенц кувалмонцты отношениясь 1:2.
145-це СТАТЬЯСЬ. Советскяй Социалистическяй Республикань Союзть столицац — Моску ошсь.
| XIII главась
КОНСТИТУЦИЯНЬ ПОЛАФТОМАНЬ (ИЗМЕНЕНИЯНЬ) ПОРЯДОКСЬ |
146-це СТАТЬЯСЬ. СССР-ть Конституциянц полафтомац (измененияц) йотафневи аньцек СССР-нь Верховнай Советть решениянц коряс, конац примсеви сонь эрь палатанц эса большинствать марта аф 2/3 вайгяльда кржаса.
