Яровизированнай тозерть
Тяни курок видесаськ,
Тядде урожайсь цебярь
Сталинонь инжикс тердьсаськ.
Кельгомазе монь учитель,
Учителень думса.
Якай акша панарса,
Дорогой костюмса.
Айда мольхтяма тяни клубу,
Тоса морай патефон.
Мон аф молян Иванонди
Сяс мес нинге лодырь сон.
Вярьгя лии аэроплан,
Эхи машты лийма.
Тяни колхозу сувамя
Зажиточнайкс эрятама.
Платиязе кувака,
Сьормафстонза керан.
Цьора сявомак урьвакс.
Апак веньцяк эрян.
Дайка, ялгай, моратама,
Моратама цефксокс.
Колхозса лац эрятама
Азондомасть йофксокс.
Охай, ялгай, сака тон
Мезе азондан тейть мон:
Ударнайста работань
Получандань патефон.
