Панжесть тинь темницать тейне,
Дайте валдонянц шинять,
Каряй лишме, горбун шейня,
Равжа сельме од стирня.
Стирть мон палан щеканянзон,
Одонь танцти сонь трванзон,
Тоса лишмоть лангс куцян,
Степи вармакс мон лийкстан.
Но шить валдоц аш тюрьмаса,
Стака кенкшнень эшкссан мон;
Равжа сельмось аяш тяса,
Мазы теремсонза сон;
Лишмось пиже паксять эса
Ноктафтома, воляняса
Арни, вяри кепотьф пряц,
Кожфса люжняй пулоняц...
Ськамон — эстейне аф радан:
Галыш стенат перьфкан монь.
Цифторды нувазь лампадать
Толняц, валдоц олаф сонь.
Аньцек кулеви: ульцяса
Кайги ровнай аськолмаса
Сетьмонц эса веть, немойть,
Якай фалу часовой.
