Page:Колхозонь эряф 1939-11-12 142стр.jpg

This page has been proofread.

Поймань головась

Поймань головась —
Аф виде судьясь,
Взяткань сявись.
Взяткань сявсы —
Винас рамасы,
Винада симни
Оцю рьвянянц.
„Морак, рьвяня,
Морак, матушкай!“
„Моран, атяняй,
Моран, батюшкай,
Аф кяжень самга,
Аф вал мярьгомге:
Славаце оцю,
Поймань головась,
Взяткат сявондеть —
Мезе добувать?
Колма цёранди
Фкя кильдема ракшаце, *)
Фькянясь кильдсы,
Омбоцесь прьгафтсы,
Колмоцесь карду
Сувафтсы.
Колма рьвянянди
Фкя потям траксце,
Фкянясь нолдасы,
Омбоцесь потясы,
Колмоцесь кудста
Айдясы“.
Пойман головась —
Сон велень судьбась.

Народнай мор, сьормадозе Ковылкинскяй райононь Порапа велеста Ф. Дурнов.

*) Ракша — алаша.