Эрясть кальдявста Сокай алятне, Ашель модасна, Ашель виресна, Ашель ляйнясна, Ашель пересна. Кинь ульсть виретне, Кели паксятне? Веронь симихнень — Козя баярхнень. Корхнесть, аварькшнесть Сокай ломаттне, Кода шавондомс Сембе козятне. Сявомс модаснон, Сявомс виреснон, Сявомс ляйснон синь, Сявомс переснон. Тошналь аляти, Тошналь авати, Сядонга тошналь Стирти, цёрати.
Губорть ширеса Мокша веленясь, Сонне песонза Сяньгяря вирнясь. Велеть пеняса Наксада кудня, Эряй эсонза Постуф атяня. Кулось вачеда Кельгом поланяц, Тяни сонь илядсь
