Йотась сёксесь ни,
Якшам тялось сась,
Эи модать лангс
Пухонь ловнясь прась.
Тялонь варманясь
Мярьгат аварди,
Ляйхнень, велетнень
Ловса тавады.
Якшам ширеса
Грознай каторгась,
Кевонь стенатнень
Ломань верса штась.
Што ли Полю стирсь
Нинге жив тяса?
Али керозь сонь
Оржа шашкаса?
Аш сонь няиняц,
Аш сонь маряйняц,
Аш сонь аляняц,
Аш кинь кялиняц.
Аеркс оцязорть
Грознай каторгац,
Тоза пякснефт, паньфт
Трудяй ломаттне,
Оцязоронь властть
Каршес тюрихне.
