Кеме козянь цёра Каворсь,
Алянц ламоль рамаф модац.
Лама няемс тейнек савондсь
Ширдест. Пинге содамс,
Кие Каворсь? Мес колхозста
Тялонь перьф сон салси тише
Тялонь перьф сон ошу усфса
Марстонь пулфнень усксесь, мишендсь.
Каворсь ульсь советскяй властти
Врагокс Врангельть, Махнонь пингста.
Ломатть тюрсть, сон вирьге ласькондсь
Вер изь пяярдь волять инкса;
Тяни русскяй горькайть вельде
МТФ-ти яцесь оцюкс.
Но аф ваны тракснень мельге,
Тиемс синь аф мялец лофцукс.
Траксонь потяйхнень аф кельги,
Сяс, мес салама аф кадсазь,
Сяс, мес вайть кядьстонза нельгихть,
Сяс, мес тракснень парста ванфтсазь.
Сонь вдь ётась пингонь шамац,
Саты лангозонза ваномс,
Тя кулакть эряви панемс
МТФ-ста... Минь учтама...
