Page:Колхозонь эряф 1940-03 73стр.jpg

This page has been proofread.

Кафта ширет

71

Мзярс тюринь мяльхне лознясть
Кудта-кудс веленьконь эзга.
Кяшне палсть колхозникть мяштьса,
Мзярда няендсь, кода Келюсь шарфты,
Кода тюри наява и кяшфста.
Саты!
Тяни азсы судсь эсь кеме валонц.
А мон тюрян «Зорять» инкса куломс,
Конань инкса лама верда валовсь.

(Лиси. Аф лама пингта
меле сувай меки).

Зафур корхнесь: «Келюсь кандидат...
Сон одть инкса»... Тевса лиссь —
Сире пингонь хват,
Конань лосядсь Октябрянь инь псись.
Вов ужяль! Аш тяса Гринясь,
Цёрась лама лангти штафтоль...
А тячи венясь, венясь!

(Сувай школав).

7-це лисемась

(Аф ламода меле сувай
Наста, кядьсонза сёрма)

НАСТА

(Пелезь).

Вов кда кяльсь сёрмаса маштоль, луволине.

(Панчсы школа кенкшть, серьгяди).

Кучесть Мишать!

8-це лисемась

(Наста и Миша).

МИША

Мезе ширден, Наста, вешат?

НАСТА

Обечкада теень почтась
Сёрма кандсь, а коста
Саф и кинь ширде,
Содамс эряви.

МИША

Мирьдень...
Аф, аф! Кядсь аф сонь.
Ну, кода?