| И. Я. Франко |
Иван Яковлевич Франко — украинскяй крупнай художник-реалист, переводчик и ученай. Шачсь 1856 кизоня, велеса, кузнецень семьяса. Кулось 1916 кизоня. Тядде майть 28 шистонза сонь куломдонза меле топоди 25 киза.
Эсь произведениянзон эса Иван Франко няфнесь народнай эряфть, сянь, конашкава жестокайста эксплоатировандакшнезь рабочайхнень и крестьяттнень. Но, рисовандамок трудящайхнень стака эряфснон, Иван Франко надиясь, што сай пинге, мзярда народсь поработителензонды пандсы кяженц.
Поэтть валонза ётафтовсть эряфс. Западнай Украинась, коса шачсь Иван Франко, минь Якстерь Армияньконь лезксонц вельде освобожденай панскяй гнётть эзда; трудящайхне сатозь эсь павазснон.
Мзярда ульсь освобожденай Львовсь, васенце шитнень пингстокиге Иван Франконь калмонц лангса состоялся оцю митинг, коса участвондасть Львов ошень тёжятть трудящай, Якстерь Армиянь боецт и командирхт, советскяй писательхть и поэтт.
| |
| ТУВОНЬ КОНСТИТУЦИЯ | |
| Казендьса Антон Грицуняконь памятьс. |
Тя рассказсь — тя монь духовнай собственностезе. Мон кудине сонь Збаражса, восточнай Галицияса, сире крестьянинть Антон Грицунякть эзда, кона азонкшнезе тянь народнай вечаса (собранияса). Грицуняксь — тя пяк интереснай ломань, сон, кода лия аф пяк лама нинге живой (сон кулось 1900 кизонь мартть 29 шистонза) ломаттне, ульсь илятф рассказчикнень-бандуристтнень плямаста, конат латцесть сире думат Грицька Сборовский, Кишка, Безродный, Андыбер казакнень тевснон и приключенияснон колга, полякнень каршес Хмельницкяйть битванзон колга, и Азовста колма браттнень трагическяй ворьгодемаснон колга и морсезь-азонкшнезь синь оцю мяльса кулхцонды казацкяй войскати. Сон, лангс ваномок, ульсь ломатт-
2 Колхозонь Эряф.
