| 48 |
ботникнень полафтомаснон колга, конат безвольнайхть и аф способнайхть предприятияса, машина киса руководствань вятема и производстваса порядкань тиема. Болтуттне, живой тевс аф способнай ломаттне, эрявихть валхнемс и путнемс сяда ёмла работас, аф ваномок сянь лангс, ащихть ли синь партийнайкс или беспартийнайкс.
3. Эряви машфтомс отрывсь железнодорожнай и воднай транспортонь политотделхнень территориальнай партийнай организациятнень эзда. Политотделхне должетт улемс подотчетнайхть партиянь обкомтненди, горкомтненди.
Партиянь обкомтне и горкомтне обязатт сатомс сянь, штоба улельхть машфтфт канцелярскяй метоттне политотделхнень работаса и шарфтомс политотделхнень партияти боевой органкс, конат пичедихть транспортть работанц инкса и активна лезнихть транспортонь кеподема тевти.
4. Эряви предприятиява и наркоматова восстановить производственно-хозяйственнай актифнень значенияснон.
Низовой работникнень, инженерхнень, стахановецнень опытснон сяда цебярьста использовандаманц и критикать и самокритикать вишкоптемаснон инкса эряви регулярна кочксемс актифнень наркоматть эса, главкаса, кить эса, заводса, шахтаса. Актифне эрявихть кочксемс кода синь эзост промышленностень всякай отраслянь работниконь привлечения мархта, тяфта и промышленностень и транспортонь башка отраслятнень эзга.
5. Эряви сембе ширде развивать стахановскяй движениясь, водендакшнемок стахановецнень инициативаснон трудонь производительностть касфтоманцты, пронзводствань инь важнай кизефкснень разрешандамаснонды, производствань фталу ляды участкатнень подтягиванияснонды.
6. Эряви машфтомс аф правильнай практикать, мзярда лама предприятиява партийнай, профсоюзнай, комсомольскяй и лия общественнай организациятне ётафнихть работама пингть собраният, заседаният, совещаният, тиендемок тя мархта дезорганизация предприятиятнень нормальнай работаснонды.
Эряви безусловна лоткафтомс партийнай, советскяй, профсоюзнай, комсомольскяй и лия общественнай организациятненди:
а) предприятиятнень и учреждениятнень эса работама пингста собраниянь, заседаниянь и всякай совещаниянь пуропнемать;
б) работама пингста рабочайхнень и служащайхнень тернемаснон;
в) предприятиянь и учреждениянь рабочайхнень и служащайхнень текущай кампаниянь ётафтома или шефскяй и лия тевонь коряс командировкас кучсемс сявондемаснон;
г) предприятиянь и учреждениянь рабочайхнень и служащайхнень работама пингста синь непосредственнай работастост общественнай организациятнень порученияснон коряс обследовательскяй комиссиятнень и бригадатнень эса участвондама сявондемаснон.
Эряви сембе пингонди ладямс, што предприятиянь и учреждениянь рабочайхне и служащайхне общественнай организациятнень порученияснон пяшкотькшнесазь аньцек аф рабочай времаста.
