VII ГЛАВАСЬ
Автономнай советскяй социалистическяй республикатнень государственнай властень высшай органцна
89-це статьясь. Автономнай республикань государственнай властень высшай органкс ащи АССР-нь Верховнай Советсь.
90-це статьясь. Автономнай республикань Верховнай Советть кочксесазь республикань граждаттне ниле кизонь пингс представительствань стама нормань коряс, кона латцеви Автономнай республикать Конституциянц эса.
91-це статьясь. Автономнай республикань Верховнай Советсь ащи АССР-нь единственнай законодательнай органкс.
92-це статьясь. Эрь Автономнай республикать ули сонцень Конституцияц, кона лувондсыне Автономнай республикать особенностензон и тийф Союзнай республикань Конституциять полнай соответствияса.
93-це статьясь. Автономнай республикань Верховнай Советсь кочкси Автономнай республикань Верховнай Советти Президиум и тии Автономнай республикань Народнай Комиссаронь Совет эсь Конституциянц коряс.
VIII ГЛАВАСЬ
Государственнай властень местнай органтне
94-це статьясь. Крайхнень, областтнень, автономнай областтнень, окрукнень, райоттнень, ошнень, велетнень (станицатнень, веленятнень, хуторхнень, кишлакнень, аулхнень) эзга государственнай властень органкс ащихть трудящаень депутатонь Советтне.
95-це статьясь. Краень, областень, автономнай областень, округонь, райононь, ошень, велень (станицань, веленянь, хуторонь, кишлаконь, аулонь) трудящаень депутатонь Советтнень соответственно кочксесазь краень, областень, автономнай областень, округонь, райононь, ошень, велень трудящайхне кафта кизонь пингс.
96-це статьясь. Трудящаень депутатонь Советтненди представительствань норматне латцевихть Союзнай республикань Конституциятнень эса.
19
