— 36 —
лензэ толсо панезь, ловажанзо апакъ янгакъ, сэвеме мерсь. Кона вестэнть Израильтянтнэ реве лявксонть сывелензэ ярсасть, Пазонь Ангелозо Египетской масторга якась, инязородо саезь эрва Египтянинонь васень шачозь семьясо покшъ цёрань маштнесь, Израильтянтнэнь кудосъ Ангелъ эзь совсекъ: эрва Израильтянинонь кенкшь косяконзо да брусозо реве лявксонть версэ ваднезь ульнесть. Се реве лявкстонть Пасхань реве лявксъ мерить. Израильтянтнэ Египетстэ лисемастъ а истувтомань кисъ те Пасханть эрва іестэ праздновить. Ангелъ кода Египтянтнэнь чавнось, Израильтнень, кенкшь косякостъ да брусостъ веревстэ неезь апакъ совакъ, кудостъ вакска ютась. Тень кувалтъ те чиденть Еврейксъ „пасха“ мерить, а Эрзяксъ меремексъ: „вакска ютамо чи“.
28. Еврейтнень Египетстэ лисемадостъ.
(Мосторонь* теемадо 3899 іень ютазь, а Христосонь шачомадо 1609 іеде икеле).
Фараонъ валске рана эрва Египтянинонь кудосо авардема вальгей марязь, пекъ тандадсь: эрва кудосо куловъ ульнесь. Сонъ седе курокъ Моисеень тердевтизе да мерсь тензэ: „Моисей, седе курокъ туеде монь масторстомъ: монъ пелянъ весеменекъ куломадонокъ“. Еврейтнэ кисъ умокъ пурназь сэрнязь ащесть. Кода фараонъ Еврейтненень туеме мерсь, сынь сескэ сыргасть да тусть. Еврейтне Египетстэ туемстэ сыретне-
