— 66 —
48. Іудеень царствадо.
Іудейтнень царствась Израилень царствадонть 133 іеть седе куватьсъ эрясь (ащесь). Іудейтнень васеньсе инязоростъ Соломононь цёразо Ровоамъ ульнесь, а весемеде меельсе инязоростъ Седекія лемсэ ульнесь. Іудейской царствасонть инязоротне весе Давидэнь родсто ульнесть. Неть инязоротне ютксто седе ламотне Пазонь почитаиця инязоротъ ульнесть. Давидэнь роддонзо инязоротъ Христозонь шачомсъ ульнесть.
49. Іудейтнень Вавилонской инязоронь плѣнсъ саемадостъ.
Вавилононь Навуходоносоръ лемсэ инязоро (Христозонь шачомадонзо 588 іеде искеле) Іудейтне лангсъ войнасо сазь изнинзе да Іерусалимъ городостъ саизе. Сонъ Іерусалимъ городстонть весе, кодамо паро эйсэнзэ ульнесь, эстензэ саизе; Соломонъ путозь церкуванть пултызе, весе кудотнень, весе городонть синтринзе. Се шкане Іудейтнень онязоростъ Седекія лемсэ ульнесь. Навуходоносоръ сонзо сельмензэ таргавтынзе; Іерусалимстэ Іудейтнень Вавилонсъ эрямо саинзе. Іудейтне Вавилонсо 70 іеть плѣнсэ эрясть. Те плѣндэнть Вавилононь плѣнъ мерить.
