|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 5. | 24 февраля 1924 г. | № 5. |
| Троцкий ялганть чумбра чинзэ кувалт. |
 |
|
|
Троцкий ялгась тусь Кавказов. Тусь тов сон авуль васькамо али паро эрямонь вешнеме. Сон тусь прянзэ лечамо. Сонзэ сэредить легкоензэ, желудказо и седеезэяк. Докторт мерсть, что буди сон кадове Московс, то кувать а цидярды. Сестэ Партиянь Центральной Комитетось кучизэ сонзо Кавказов.
Докторось, кона ней лечи Троцкий ялганть эйсэ мере, что колмо месецень ютазь сонзэ виезэ прибави и сон таго карми роботамо. Истямо ломатьне весе эрямочист путнисызь народонь кис и эсь пряст ажалить.
Ленин ялганть калмамсто Троцкий арасель Московсо, сон уш туекшнось. Партиянь Центральной Комитетось кучсь тензэ телеграмм, кона застанизе Тифлис маласо и Троцкий хотел велявтомо мекев Московов, но сонензэ эсть мерь. Тифлиссто кучсь сон покш телеграмм, кортэ истя: „Ленин кулось и сон уш авеляфтуве. Но сон катсь минянек Советской власть и Коммунистонь Партия. Аэряве меляфтомс, лучи эряве повнямо, кода Ленин тонавць эйсонок работамо, кода тонавць эрямо“.
П. Р.
| Кодамо тев эряви теимс комсомолеценэнень. |
Минек ялгатне-роштува читнесэ весе ульнесть кудосо. Монгак якинь эсинь велес Саратовской губернияс. Савсь монень молемс Славка веле ланга. Велесь покш, кемень тыщат эрицянзо — весе эрьзят. Мелезень тусь. Карминь сокицятнень маро басямо: Кода мерян, эрятадо-ащитядо, кода пакшанк тонафнить.
Мон пек вечкса тонафтнима тевенть и, монь койсэ, весеменень эряволь тонафнемс.
Атинетьнеяк ней чаркодизь тонафнима лэзеньть и весе арсить пакшаст тонафтомо, арсить цёраст ломанькс лифтеме.
Истя сынь монень кортасть:“ Ульнесь* минек Славкинасо мелят учитель. Покшатне пек вечкилизь. Ламо паро тев тейсь. Таго мень бути станция тейсь. Ефнизь кодамо станциясь — монь чаркоднь — те метерологический пункт. Истямо станциясь кавто колмо чиде икелев нефти мезе ули — пиземе или маний или туи лов. Велесэ покш лезэ максы истямо станциясь.
Паро ульнесь учительсь ней тонафты пакшат рузонь велесэ. Славкина велес уездэсь кучсь лия тонафтыця. Од учительсь лия ломань ульсь. Вана кода кортыть сонзэ кувалт.: хоть эрьзя, анцяк аволь минек ялга од учительнек. Атятнэнь марто а кортакшны, велень тевде ащи васоло. Пакшатнэ инялдсть сонзэ путмо спектакль — аволь монь тевсь, мери. Пакшатне мерить культпросвет теймс, сон мери — амаштан. Мон чаркодин мейс учителсь истя кирди эсь прясонзо. Сон сюпавынь цёра. Сынст ульнесь сынсист лесопилкаст. Ней ялгат минек кеце властесь. Эряви, истямо ломанень кармавтома минек лангс важодеме. Инязоронь пингстэ минь сынст лангс роботынек. Монь превсэ, те тевденть комсомолецтнэнень аэряви ве ёно ащемс сынст те тевсть, мельга эряви ваномс. Эряви учительсть кармафтомо тейнеме беседат электрофикациядо, сюроньвидимадо. Комсомолецнэнень эряви тейнекшнемс спектакелть. Эряви теймс кульпросвет. А пособлиндерей учительсь те тевсэнть, вешемс лия тонафтыця. Эряви весе вейсэ миненек лисьме чопуда чистэ.
Сермадодо, комсомолец ялгат, кода, молить ней тевенк.
Прокань цёра.
| ЛИЯ МАСТОРГА |
Болгария.
Болгариясо пекстасть тюрьмас 40 крестьянт; суд сынст судиндэ ламо годс тюрьмасо ащеме, мекс сын ульнесть востаниясо правительстванть карчо.
Румыния.
Румынской правительствась капши, штобо седе курок теемс переговорт Россия марто.
Англия.
Англиясо 120.000 параходонь теиця рабочейть тейсть забастовка. Лоткасть роботамодо и вешить штобо прибавализь роботань кис питненть.
Франция.
Парижсэ (Франциянь столица) автомобильный заводсо 20.000 рабочей тейсть забастовка. Вешить, штобо хозяйтнэ прибавализь работань кис питненть.
Китайсэ (Пекинсэ, Китаень столицасо).
Весе тонафниця студентнэ вешить, штобо Китайской правительствась седе курок теезэ Россия марто торговой договор.
Чехо-Словакия.
Чехо-Словакской республикасо весе фабрикантнэ и банкиртне мерить седе курок теемс Россия марто торговой договор, ато аков ускомс товарост.
| Советской Россиява. |
| Кода кармить роботамо комитетнэ взаимопомощи. |
Помощь инвалидэнь хозяйстванень.
Центральной Исполнительной Комитетэсь нолдась сядо тыща целковой (зол.) инвалидэнь хозяйстваст кепедеме.
| Не ярмакнень явшизь истя: | |||
| Немецкой республикав | 6000 | целковой | |
| Саратовской губерняв | 7000 | „ | |
| Самарской | „ | 6000 | „ |
| Царицынской | „ | 7000 | „ |
| Чувашской областев | 5000 | „ | |
| Марийской | „ | 5000 | „ |
| Вотской | „ | 5000 | „ |
| Вятской губерняв | 5000 | „ | |
| Калмыцкой областев | 5000 | „ | |
| Башкирской респуб. | 7000 | „ | |
| Киргизской | „ | 7000 | „ |
| Крымской | „ | 7000 | „ |
| Татарской | „ | 7000 | „ |
| Дагестанской | „ | 6000 | „ |
| и 10000 целковой кадозь запайс. | |||
Нетне ярмакнень кармить максомо велева эриця инвалиднэнь, конат ранявсть гражданской войнасонть, хозяйстваст кепедемс.
Сиянь ярмакнень эйсэ кучнить уш губерняв.
Народный комисариат финан. кармась уш усксеме сиянь ярмакнень эйсэ губерняв. Штобо весе Россияванть сра-у* кармамс нолдамо, сиянь ярмак.
| Курок лисить сиянь ярмакт. |
Март месецтэ нолдыть сиянь ярмак 20, 15 и 10 коп.. Целковойть и полтинник лисить май и июнь месецтэ. Седе мелкой ярмак улеме кармить бронзань эли меднойть 1, 2, 3. 5 трешник.
Ней нень таркас нолдыть коневонь 1. 2, 3 и 5 трешникень питне. Кода лисить меднойтне и бронзовойтне коневоньцетнень полавцызь.
Декретэнть сиянь ярмакнень кувалт не читнень печатасынек.
Комунистической партияс.
Нетнэ читнень 100.000 робочейть максть заявленият, штобо сынст примавлизь партияс.
Кармасть рамамо сельско-хозяйственной машинат.
Украинасо крестьятнэ январь месеценть ниле раз больше рамасть машинат мелень каряс.
Кадомс колмо паксява видиманть-
Московской Советэсь нолдась 500 тыща целковой золотагсо ярмак, конань кармить нолдамо велетненень, конат кадсызь колмо паксява видиманть. Велетне не ярмакнень эйсэ кармить рамамо сякой видьметь.
Зняро сюро ютафтыть самагонс.
Алтайской губернясо ловизь, што годонть ютафты населениясь 944000 пондо товзеро. Зняро жо юми сюро весе Россиявонт? Зняро учильня можналь бу витемс те сюросонть, зняро кинига можналь бу рамамс учильняс.
Трахомань (сельме орма) лецямо.
Народ. Ком. здравохранения кучи врачебной отрядт, конат Рав лангонь губернятнень эзга кармить лецямо.
| Эрзянь газет Сибирсэ. |
Городсто мон ускинь ялгань кедстэ эсинек эрзянь газета „Якстере Теште“. Валске марто. Чизо ульнесь праздник. Попось сторожонзо кармафтызэ баягань чавомо, народонть озномо терьдемэ. Мон удумам пачк маряса авам пшкаць — церат, стядо обедняв, баягась уш умок чави. — Стинь, шлия чамам, саия газетэнть, лисинь орта лангс, озынь и ловнан. Боказон сась тетям и кафто шабрань церат, марясысь эрзякс ловнан.
— Тон те газетанть косто саик?
— Городсто уския.
— А косо эйсэст печатыть?
— Московсо — отвечинь мон.
— Ну-ка ловныкая месть сермадыть.
Анцяк карминь ловномо, Маря патям ведра марто юты. Здоровакшнось, лоткась боказонок, мон дальчи карминь ловномо.
Маря патям кедендэ вачкодинде.
— Ащек, ащек, ды тон тень косто саик те газетэнть? Весе валтнэ эйсонзэ эрьзякс сермадозь, ух авакай...
Маря патям ведранзэяк путынзе, лоткась кулцономо.
— Ащеде, молян Дригань кучса, сон радуви, монгак бу кулцуновлинь, но пецькам уштозь.
Анцяк кенерсь туемэ, марясынень Дрига ранги — Иван дедай, адякая, эрзянь газет Миколай ловны.
Састь, здоровакшность, озасть, кулцоныть. Мейле церкував ютыця ават, пакша марто лоткасть боказонок. А баягатне серовно нарушной седеньгак гайгить.
Иван дедам мери — экать, те шканть стардовсть чавомо. Ну ка, эще ловнык, пек парт валтне. Ловнынь как раз статейка мощань кувалт.
— Те, правда, што мощатне ульнесть мошенства — мерсь Иван дедам. Мон повняса службасо, седикеле офицертнэ эсь ютковаст кортыть и сынсь пейдить мощетнень ланкс. — Ламо мон пейдема марцинь темной народонть ланксо офицертнэнь курксто. Остатка трешникест мери канцызь не тряпкатнень кис.
Аватне кевкснить, — Ащекая, Иван лелей, правдой штоли мощетнень эйсэ манчисть?
— Мон монсь эсь пилесэнь маринь, а ней советской властесь марясак месть
