|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 10. | 6 апреля 1924 г. | № 10. | ||
| ||||
| Редакция „Якстере Теште“ кучсь председа- тельнень ВЦИК серма: Михаил Иванович Ялга! |
| Эрзень сёрмадыцят „Якетере* Тештес“, тече, знярдо ютасть вети иеть, кода тонь кочкидезь Советэнь масторонь старустакс жалаить тонеть паро чить.
Тонь лемить, вети минь ютазь, кармасть содамо эрьва зрзень велива. Арась больше истямо вели, косо бу а содавлизь Калинин ялганть, кона парсти содасы сокиця ломанинь нуженть. Тон эрить робочей и крестьян ломатни юткова, тон жо парсти содасыть лия нациень сокиця ломатнинь. Эрзетни седе ламо нейсть стака чить инязор пингсты, секс ней седе пек кунцолыть тонь валут, весиминь Советэнь старуста! Икилив—гак — истя роботак, минь тонеть карматам лездыме. |
 Жалаятанук тонеть чумбрачить, Калинин ялга! Сёрмадыцетнинь кис. Ред. „Якстере Теште“ Т. Васильев. Секретарь: Ф. Чесноков. |
| Крестьянунь выигрышный заем. |
Цють учовсь те заемсь. Но васня эряви кафто-колмо валт ефтамс, мезе истямо те выигрышный заемсь. Те тевсь вана кодамо. Государствась теи заем сонцинзэ нароцть кецтэ 3-5-10 иес. Те заемсть тейсазо истя. Сон нолды истят конефт (облигацият), конатнэсэ карми микшнеме. Но микшнеме карми эсныст аволь се питнесэсть, конась сермадузь лангсуст, но седи дешовасту. Мекев жо рамамо не облигациятнесэ карми се питнесэсть, конась сермадозь лангсуст. Облигациясость улить купот, конасть питнезэ, мермекс, 15 коп. Истямо купонсть печксак сы шкастунзо и полавсак ярмак лангс.
Те тевсь истяможо, кода, мермекс, тон максат процент лангс заем. Мейсь мерькшность эстэдинзэ выигрышный заем?. Вана мейсь. Кой знярдо (иезынзэ весть-кавксть) государствась тейникшни (налкси) выигрышт. Не выигрыштнэ эрцисть эрьва кодат и покшт и вишкинеть. Эрьва облигациясть номерс может прамо истямо выигрыш. Мелят ве Ленинградской аванень понгсь сядо тыстянь выигрыш.
Ламо ли лезэ максы истямо облигациясь?. Пек ламо. Аволь жо стяко буржуйть эряскадыть рамамо ламине истят облигацият. Лиясто появи лишной трешниккеть. Кода сонзэ кирдемс?. Сон чуросто кирдеви нужа ломаннень. Лиясто а нейсакак, кода срафлесы ярмаккенть. Но зярдо рамат облигация, сестэ а мезе теймекс, кирть эснынзэ. Анцяк печксек купот шкасто-шкасто.
Но те крестьянунь заемсть еще ули парозо. Мужик парсте соды, кодамо пси эрци налогунь каямо шкась. Се шкастось питнезэ сюрость пек валгокшны. Но крестьяннэнь а мезе теймекс, сави миймекс сюрость, коть и дентувасту, и пандомс налогсть. Вана истямо шкастость и паро таркасунзо карме улиме облигациясь. Правительствань распоряжениясость вицтэ мерезь, что крестьянинсь может пандомо налог истямо облигациясо.
Крестьянин эзь тонат рамсеме истят облигацият. Ды и а косто тонадмокс. Инязоронь правительствасть пингстэ сонзэ эзэс а нолдылизь не облигкциятнэнь*. Ней анцяк Советской власть забути, кода бу шождыльгафтомс мужикинь эрямость.
Д. Ж.
| Красной армия. |
Ульнесь шка, зярдо саилть инязорунь армияс салдатокс мужикинь церасо. Тосо кармафтылть эснынзэ турьме капиталистынь кис.
Пек авардилть сонзэ роднянзо провожамо чистэсть. И авардилть аволь стяко. Ниле-вете иеть ломанесть пекстылизь казармас. Ниле иеть сонзэ эстэде теилть машина. Анцяк кулцонемс салдатость токавсть. И алкукс, сонзэ истя тонафтылизь, что сон а выныль, мезе икелинзэ и а чаркодиль. Сонензэ и а мерилть чаркодеме. Инязоронень се шкастость эрявсь истямо салдат, конасть маштовольбу анцяк кулцонеме да тейме, мезе мерить теизе. Инязоро пелиль се салдатост конасть кевкстиль, мейсь истя эряви теймекс и аволь лиякс. Инязоронень эрявсь салдат безграмотной и конась пелевель бу паздо и вечкевельсе инязорость. Сонензэ мерилть: — паздо пелть инязоронень тейть почет.
Мезинь кис салдаць сестэ служась и воювась. Сынест мерилть, что инязоронь, верань и тонцить масторонь кис. И салдат се шкастость пек турсь верань, инязоронь и масторост кис. Масторцость жо ульнесть и эресть — инязоро, попт и капиталист. Вана нень кис и служасть салдатнэ. Авольжо стяко сельведь марто яла провужасть эсныст служамо. Седейсыст сынь, аваст и нист, мересть, что цераст стяко служить. И аволь анцяк стяко, но дажи аванзо—тетянзо карчо служи.
Мейсь мон сермадан не валтнэсэ. Вана мейсь. Май месятцэ карми ульме призыв. Алятнэсэ, конатнэ шачть 1902 иестэ кармить сайме красной армияс. И наверна тожо кармить авардеме сынст провожамсто.
Ней аэряви авардемс. Ней, мон бу меревлинь, эряви радувамс. Эряви эрьва провужамстость теймекс вишкинкине празник и вана мейсь. Ней од алесь моли красной армияс аволь тыргадьмэ буржуинь кис и инязоронь властень кис. Сонзэ тозо тердить тыргадьме сонцизнэ властень кис. Ней сон уж алкукс красноармеецесь тыргади сонцинзэ модань кис, сонцинзэ масторунь кис. Но ули еще ве тев, конасть кис эряви мольмекс служамо красной армияс. Тосо тонафтыть аволь анцяк парсте турьме, но и тонафтыть паро превс. И грамотас и политикас, и сельской хозяйствас, — весемес тонафтыть красноармеецесть. Зярдо цераст сайсызь велестэ, сон чопуда, кода тумонь вирь. Колмо ие ютазь красной армиядо мееле се жо церась, зярдо моли кудов — аздави. Сон истя превии, что сразу кармашкны велесэсть роботам или сельсовеце или волисполкомсо. И коневс тонаць, и политикас и кодамияк общественной тев тейме. Ве валцо меремс — сон паро школа юты красной армиясо.
Вана мейсь аэряви авардемс церасть провужамсто красной армияс.
| Роднявтумо сиротатни пурнамот. |
Ялгат! Мон таго басян сиротань кувалма. Эрьва городга, веси губернятнень эзга газетсэ сермадыть, что эйкакшонь трямо лангс пурнасть сюрот, одижат. ярмакт, теить эйкакшонь кудот.
Эряви эйкакшнэнь пурнамс ве куцясь, тейме сыненст вадря эрямо чи, ата сынь улицява якить штапо, вачо, веси сэредить вачо ормадо. А ведь сынь тожо ломать и сынст истя жо сявады сельмист лиянь эйкакш лангс, конань улить тетяст—аваст.
Ялгат, Сазорт! Ведь неть бедной сиротатнень тетяст чавовсеть войнасо, аваст кулцесть вачо чиде ды ормадо. Ки сынст ней жалясынзе, коли а минь, конат кадувинек живстэ несчасной иетнень эйстэ мейле. Минь должны сыненст лездыме, минь должны сынст трямо, тонавтомо, кастомо. Сестэ минь, ялгат, тейдяно паро тев. Коли минь сынст пурнасынек ве кудос, орчасынек ды анцынек, сестэ сынь кастыть и мереть: „Минь аволь сиротат, миник кис заботесть паро ломать ды паро общества“.
Ялгат! Велинь атят, велинь ават Тынь тынць эйкакшт триде, а конат эйстынк ульнисть тожо сиротакс — содасынк сиротань апаро эрямонть. Кунцоломизь монь. Давайте сиротатнень пурнасынек эрьва велисэ, давайте тейдяно общества друзей безпризорного ребенка. Обществанть эряви кочкомс эсь эйстэ. Эсь юткова обществась теи комитет, кона карми пурнамо эрьва мейсы: косо сюросо, косо ярмаксо, косо картушкат, секлат. морковт, ямкст ловсыне, алныть; эрявить пурнамс сумать, ташто одижат, карть-пракстат, эрьва месть, мези лишноиник ули.
Тыненк мон сермадан, председателть комитета взаимопомощи, сельсовета, волсовета, учителть, учительницат, велинь интеллигенцият. Тынк пельде ламо учутам минь эйкакшнэ марто. Теиде велива обществат, пурнадо сиротатнень ве таркас, те тынк тевись.
Эрявить пурнамс ды трямс сиротатнень.
Зам. Предсовнацмена Самарского Губоно.
П. Башаев.
