|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 11. | 13 апреля 1924 г. | № 11. |
| Тееде велева эрзень рассказонь сер- мадыця и корреспондентэнь кружокт.
Стараицятненень редакциясь максы помочь и карми лездэме кучумаст учеб- ной заведенияв. |
Пурнадо эрзень евкст ды морот, ку- чинк Редакцияв.
Сермадодо велень эрямо койдэ евт- нимат (рассказт). Витинк эсинк газетанк, сермадодо тыньць и рамадо эйсэндэ. |
| Лемдинк одов „Якстере Тештенть.“ |
Миник газетанть лемдизь войнанть пингсты. „Якстере Теште“ канить армиясо, сон значит, — кода бу веси мастортнынь эйсты тейме вейки Советэнь мастор. Миник газетась авуль военной, сонензы эряви путомс лия лем. Кодамо лем макстам газетантинь? Ки максы пар лем — се карми получамо цела год ярмактумо газетанть.
Эрзят! Лемдинк эсь газетанк. Леминть кучудо редакцияс „Якстере Теште“
РЕДАКЦИЯ.
| Газетс сермадыценень и эрзень учительнень. |
Эрзень газетсэнть „Якстере Теште“ ули отдел, козой редакциясь печаты эрзень евкст (сказкат) и евтамот эрзень эрямо чиде (рассказт). Газетэсь лиси колмоце ие (год), но те времас (шкас) аламо эще ульнесть печатазь мазый евкст и (рассказт).
Сяко соды, кода газетсэнть ули печатазь мазый рассказ эли евкс, то газетэнть эйсэ ловныть—как седе охотнасто. Нежевтеме лиясто газетэнть ловносызьгак.
Редакциясь получась ламо велестэ сермат, косо эрзят сермадыть, штобо газетсэнть больчи улест печатазь мазый евтнемат, велень эрямо чиде и пиескат.
Седикеле арасельть эрзень газетт и кинигат. Анцяк революциядо мейле Советской властесь те паро тевеньть нолдызе. Тевесь од, мастерт сермадомо арасть и эряви эще тонафнемс сермадомо. Секс минек эрзень писателене-как арасть и секс аламо эще газетсэнть печатазь евкст и евтнемат (рассказт).
Якстере Тештень редакциясь ней арси теемс Московс эрзень писателень кружок, козой пурнавить весе Московсо сермадыця эрзетне. Те кружокось карми тонафнеме, кода седе лучистэ кармамс эрзякс сермадомо, штобо весе эрзятне чарькодевлизь.
Москово эрзетнеде аламо, эряви штобо велева эрзетне кармаст сермадомо. Сынь эрить велесэ, эрзень басямонть и эрямо-чинь койтнень содасызь парсте. Велесэ эрзянь корреспондентнэнень и учительнень эряви кундамс те паро тевеньтей. Теемс тоско велева истят эрзень кружокт. Кармамс сермадомо и вейсе кружоксо ловномо сермадовкснэнь и мезе эряви витемс, мирем теемс и мейле кучомс редакцияв. Кува теить истять кружокт, сермадост тей Московов. Пароль бу кажной велесэнть теевельть истят кружокт.
Эрзякс сермадомо тонафнемс куваць пек аэряви. Велева улить ломать, конат парсте маштыть евксонь и рассказонь евтнеме. Лиясто истямо ломанесь сизимазот ракавтандат эли аварьстяндат, а сонць евтницесь грамотас-как амашты. Если бу сонде евтнимандо мельга сермадомс, то меревлить бу те паро писатель сермадызе. Сермадомс эряви истя кода кортат. Анцяк улезе охотат а сермадомо тонадат. Коли ули ломаненть охотазо евтнеме евксонь и сон евтни, сень талантозо-як ули и талантось кармавты мазыйстэ евтнеме.
Аэряви анцяк пелемс, кадык васьня беряньстэ сермадови. Тесэ редакциясь витсы петьсы и печатасы, улезэ мезе витемс.
Кода эряви сермадомс, примеркс можна нефтемс истят рассказт: „Велень эрямосто“ „Роки туво“ „Пеень лечиця“, „Олда левкс“ и „Кавто Киява“, конат ульнесть печатазь Якстере Тештесэ.
Кружокненень, конат пурнавить велева и сермадыть тей, Редакциясь карми кучнеме газетт, кинишкат. А евкснэнь и рассказснень печатасыньде газетс и панды кисэст ярмак, 3 трешник строчканьть. Паро, покш мазый рассказснэнь печатасызь книгас.
Конат кармить стараямо, Редакциясь карми помогамо (лездэме), штобо сынст кучомс учебной заведанияв.
Ялгат! тееде седе курок истят кружкот и сермадодо тей. Минь карматано тенк помогамо и максомо совет.
Эрзень учительт! те тевсенть куш тынь помогадо, пурнынк кругомганк велень молодежоньть, тееде кружокт.
Редакциясь тыньдянк карми помогамо.
Редакция.
| Эрзень тонавтыцят-учительть—учительницат! |
„Якстере Теште“ колмо иеть лисиль казнань ярмак лангс. Ней эрявуль бу эрзетнининь аламудо эстест кирдиме эсь газетанть. Питнизы газетанть а покш. Теиди подписка „Якстере Теште“ ланкс тынць, кармавтудо рамамо газетанть эйсы эсь велинь эрзятнинь. Сермадудо редакцияс велинь тевтни кувалт.
Сетне эйстынк, конат парсти тейсызь те тевинть — получить премия. Кона мезеяк а теи — тожо „премия“. Пора кундамс те тевинтинь тыненк, эрзень тонафтыцят!
Редактор „Якстере Теште“ Т. Васильев.
Секретарь Чесноков.
| Лия редактор. |
Редактор «Якстере Теште» Окин ялгас тусь редакциясто, сон карми тонафтними. Окин ялгась колмо иить ульнись редакторокс, тонаць кода эряви ветямс эрзень газетанть. Редакциентинь жаль маряви, что Окин ялгась тусь.
Окин ялганть таркас арась Васильев ялгась, конань статьянзо ульнисть сёрмадозь «Тимо» лемсы.
| Иkелень редаkтордоньть. |
Окин ялгась, кона ульнесь, колмо годт редакторкс «Якстере Тештесэньть» тусь редакциястоньть. Сонде ней пек ламо роботазо Промышленно-Экономической Институтсо, косо сон тонафни остатка ие. Тедиде эряви сондяндэ прядомс тонафнимандо. Сондэ бу истяк авулизь нолда. А роботась редакциясоньть аволь чождыне. Весимезо газетэньть эйсэ нолдыть кавто ломать, редактор и секретарь.
Окин ялгась Якстере Тештеньтей ламо пуць вий. Самай берянь пораньть (шканьть), кода эще арасельть газетной работникт, арасельть сермадыцят и арасель кодамояк эрзень кельсэ кинига, сон кундась те стака и эрявикс тевеньтей.
Кода эще васня кармасть нолдамо газетэньть, эрявсь сермадомс истя, чтобо сон ловноволь и весе чарькодевлизь. А минек эрзень келесь кажной велесэнть разной. Тесэ истя мерить, а лиясо совсем лиякс. Эрявсь ламо робота и ламо превь путомс, Окин ялгась тень ланкс эзь ван. Сон кундась те тевеньтей и газетэнть ладизе. Ней газетэнть эйсэ ловныть велева эрзятне.
Зняро ульнесть басицят тендэ, што газет эрзенень аэряви. Сон эзь ван те ланкс. Лиясто сизиль и кармиль машнетеме, а мейле эще виевстэ кундыль тевезэнзэ.
Сон вейке содась, што темной эрзя ютксо эряви печатной вал.
Зняро раз газетэнть лоткавтнизь, арасельть ярмак теяк эзизэ кадовт те эрявикс роботаньть. Сон хлопочась ярмак и таго карминек роботамо.
Московонь эрзетне, конат сондэ содасызь истя и мерить. — Анцяк Окинэнь упорствасо и терпениясо можна роботамс те каторожной роботасоньть.
Ней Окин ялганьть таркас арась Васильев ялгась. Сон икелевгак яла сермалесь газетсэ, Те роботаньть содасы и надеятана истяжо карми роботамо.
Чесноков.
| Лия масторга. |
| Германенть повить. |
Англия ды Франция думить ваткамс Германиенть пельде контрибуция войнанть кис (вети и нень ютазь) вети сяду милионт цалковойть золотасу. Истя сынь пачк розорясызь, истякак нищой, Германиеить. Газетнэ сермадыть, что истен зняру ярмакни а папдувить*.
| Румыния. |
Румыния тандаць, што минь карминик кортамо Бессарабиенть кувалт. Переговортны калацть. Бессарабиень народонть мелезэ — арамс Советэнь мастур алув. Народось тосо бушуви румынынь жандартны марто.
| Китай. |
Китаинь главнокомандующиись мерць эсь правительствантинь, чтобо седе курок тейме союз Россия марто.
| Советской Россиява. |
| Сельско хозяйственной машинат велев. |
Центросоюз рамась колмо пель марто миллион целковоень питьне сельскохозяйственной машинат, конань карми явшиме долкс крестьяннэнь.
Губерняв нолдасть ярмак заем явшемс.
| Кшнинь петьненть валкстызь. |
Центросоюз валкстызе питьненть жестентей и сякой лия кшнинь товароньтей (эскненень, узиряс и лияс).
| Льготат коллекттивтненень и селько.-хозяйственной това- риществатненень. |
Народ. Комис. Земледелия тейсь проэкт, косо евтазь, што коллективнень и товариществанень кармить тееме сякой льготат, штобо седе курок витемс хозяйстваст.
