| 2 | ЯКСТЕРЕ ТЕШТЕ. | № 11 |
| ВЕЛЕНЬ ХОЗЯЙСТВА. |
— Ков истямо махинанть, алашасу аускуви.
— Кемветие борозда сразу теи.
— Улкуть Чапанов велис усксть истямо жо трактор, ускумстунзо окольця ортанть калавтызь, Мичкань сэдиньть лондавтызь ды колмо чить таргасть, насила таргавсь — мери Кулага атя.
— Миник ялгась а машты машинасо роботамо...
— Сявдикссы зато парсти роботы.
— А тынь кельцэ роботатадо.
— Лоткадо шумамо!
— Обществаник раматам вейки трактор, максцызь теник долкс. Сивидтям машинист. Беси велинь моданьть сокарясыник алашавтомо. Попонь ды церкувань лангс миник велисты седе ламо моли... А жалятам, а трактор лангс-жаль.
— А максума мезияк попнинь ды церкувас, — раматам трактор!
— Тагу сэдинь лондавтуму ды окольцянь ортань яжаму мартунзо.
— Тракторонть эйсы можна сокамо, изамо, понжавтомо, яжамо...
— Самогононь пидими бу эщо эйсэнзы бу уливиль. Ха, ха, ха — ракить.
— Тракторонть деготьсы аваднесак, сонензы эряви мазь, а косто сайсак?
— Канцеройсы ваднисыник.
Истя спорить эсь юткуваст эрзят. Кининь эряви поп, кининь самагон, кининь трактор.
Анцяк се эрзесь путнойстэ баси, кона красной армиясо тонаць.
Микитань Дригатни эйсты ламо велева ней. Сынь кармить попонь кудунь таркас тееме школат, самагононь заводонь таркас — заводямс машинат, самагононь копорямоньть таркас — теить читальня, козой пурнавить паро валонь кунцоломо.
Церкувань таркас витьнесэзь школатнинь, евангелиянь таркас — выпишут „Якстере Теште“ кона карми лездыме сыненст велисы паро тевинь тейме.
Тимо.
| Ортель „ИЛЬИЧ“ |
Пензенской губернясо улить кавто эрзень Курилова велеть. Неть велетнень вакссо ульнись ташто бояронь покш фруктовый сад. Те садунть кавтуниск велетне и саиз эстенст арендас 1919 иестэ март месецтэ.
Революциенть мейле садусь перешел Уездной Земельной Управленияс. Кавто велень пуромксто ульнесть кучозь городов ломать садунть вешиме. Земельной Управлениесь садунть максызе арендас вейксэ иес. Эрьва иене редесть пандомо 225 пондо умарть, эли ярмаксу. Секе садунть эйсэ улить чаво таркат, козо вицнить капстат ды куярт. Роботамо якить весе ортелень ломатне, а ортельц сермадозь 490 ломать. Умарень кочкомо ды капстань путомо якит вейсэ. Иень перть уездстэ якить агрономат ды садовникт, тонавтыт кода эряви сад-пире мельга якамо. Неть велетнень эйстэ вейкесь ульнись барской, омбоцесь — вольной. Ташту пингева неть велетне, бояронть пингстэ, вейкест вейкест ланге тюрилть, а травицесь ульнись бояр. Ней неть велитне тюримань таркас дружнасто роботыть вейсэ.
Ортельсэнть ули поп семиянзо маро (Илюша), конань эчкезэ пармошка, щекандо якстереть, вишка пандова дух а моливе. Кода яки велива, эйсынзэ ветить манашкат кавалалдо.
— Мекс а паньцынк те аэрявикс киненьгак „превий“ ломаненть? — кевкстия мон од народонть.
— Атетни а мерить панимандо.
Басинек аламудо попонть кувалт.
— Мезинь кис трямс попонть, сонзо таркас туво трямс, толк седе ламо ули — басить сынь.
Истя панизь ортельстэ попонть, лоткасть трямонзо. Тосо жо ули манашкань пизы. Сынь калить велень аватнень эйсэ. Эряволь бу сокордамс те пизэсь парстине.
1918 иестэ церьковав якиль веси народось, церькова кудыкильксыськак пешксель наротто, а ней обидня шканть эйстэ весе, аволь анцяк од народось, сыритнеяк якить крестьянской кудос, конань аволь умок теизь. Те кудось теезь. училищасо, косо улить книгат, газетат, картинат кучозь гороцто. Ярмакт кудонть кирдимс, уштомас, карасинц добувить спектаклинь теимстэ. Тосо ули мейс тонадомс. Икелень тюриманть таркас — весе сыринек — однык, аванек-тейтернек чокшне ланга аштить крестьянской кудосо ды кунцулыть кода ловны вальгейсэ комсомолец эли учитель. Ловныть од газетат эли кинигат, а мейле басить, мезди ловность.
Веси эрзетнинень бу истя эрямс.
В. И.
| Ташто Дема велинь мастя. |
Мастесь кармась малавтомо, |
Велиник веси морасть | ||
Кармасть веси гулеямо, |
Велинь кунчка улицясо, | ||
Самогонщикне не читнень Эсь велинь Эрзя. | |||
| МЕСТЬ СЕРМАДЫТЬ ВЕЛЕСТЭ |
| Виринь тевь. |
Ули од виринь закон, конась корты, что весе крестьянунь виртнэ мекив максувить. Знярдо макссызь виринть велетненень — а содави, а виринть эйсэ керить апак кевксть и кияк те лангс а варштыяк. Если истя ули еще аламус, то миник велись получи виринь таркас пенька корет.
Эрявуль бу киненьгак варштамс те лангс.
Шабра.
| Коли первой ловнынек газет „Якстере Теште“. |
| (Село Н.-Коки, Сенгилейского уезда, Симбирской губ.). |
Мартонь 15 чистэ учителенек ловнось газет № 6 „Якстере Теште“. Газетэсь мелезэнек тусь пек. Улевельть деря ярмаконок, сермацтувлинек бу газэт училищас. Кучудо газет коть сермадумань кисэ.
Ученики.
| Усла велень тевть. |
Валцке лангса маряса, ки бути стуки вальмалу. Лисинь — ашти десятник.
— Промксос молть, учитель сась — мере десятник.
Радувинь и чиизь молинь промкс кудос. Кудось уж пешксе.
— Кода ино, эряви тонавтыцясь, ата шка-пора юты, апак тонавт пакшатне кадовить — басить атятне. — Яла теке козласо анцяк налксить ды карть калавтыть.
Сась председателесь и тевись тусь, кода эряви. Сонць тонавтыцясь коть аволь пек бойка, ды коли лия арась, так теяк эрзянь атятнень мельс тусь. Председателесь мери:
— Атят, учителенек ули, ней эряволь бу кудо, косо пакшатне кармаволь бу тонавтниме.
Кувать апак арце од цератне рангстасть:
— Попонть кудозо покш, паро, тозой веси пакшатне кельгеть.
— Тынь попонть кадынк эсинзэ кудос, а пасаломщикенть кудосо кармить тонавтниме. Попось, меремс, сетыки тонавтозь ломань, а посаломшикесь минцинек ялга, мужик, моли попонь кухняскак эрямо, кодо эресь ютась иестэ — басить атятне.
Удалдо ки бути пшкаць:
— Посаломщикенть вети эйкакшондо, а попонть анцяк кавто. Посаломщикенть тейтиризэ покш, карми попось кстырямонзо. Сон ведь вечке ава мельга чийниманть.
— Ней попось урьваксць, истя а карми тейниме.
— Месть, монь койсы, зря кортамс? Минць кодат од пингеванок ульнинек? Ки эйстынек эзь шата ава мельга? А попонть чумондомскак а месть: ломанць сон од, ярцы-сими парсте. Сыриде — лотки якамодо — мери Ивашка атя.
Веси пуромксось раказивсь.
— Кода тон, Ивашк-атя, попонть кедензэ палцят, коли сон кува понгсь штюпи?
Тагу веси раказивсть.
— Усла велень попонть тевинзэ кармасть лангс лисиме, Алкукс ведь попось истямо, — мерць Захарунь Петра — чоподова тейтерь мельга чийни. Мон весть меринь тензэ: бачка, так неудобна, „Ничего, Петруха — мере попось — это дело торговое, кто кого обдуит“.
— Порядок! — рангстась председателесь. Школанть кувалт басядо.
Стесь предсельсовета ды мери:
— Да эсинек школась ульнись. Кортынек, церкованть эряви прязо витемс и кавто ряцо вальматнэ теимс. Церькова пренть теизе мастерысь, а рамкатнень эзинде тей, капшась кудов. Попось кисындэ поручась, мери, те пустяк, минць тейсынек, а мекс бути телень чись эзинде тей.
Дайте ней кевкстясынек предсельсовета, Журавлев ялганть, мекс сон попонтень вальмат путы? Нать алкукс тевесь истя ашти, кода ломатне кортыть: Церькувань теицясь туиместондо рамась четверть самагон и миник начальствась, радувамондо пачк, школанть стувтызе. Кода фатесть, тосо уж аволь пустяк. Каладо рига потмозо вееи пешксе ловдо, калидор пряст ков бути варма салызе, кенкшт арасть, вальма кенкшне кона масторо, кона вейке петля вельде нурьги, истя школань таркас — попонь кудот ды церкуват витнить.
Журавлев ялгась коммунист, а пряндо максызе попонень манямс. Ламодо кортни: «мон пек превиян, тевим монь пек парт, — но кияк а несынде, «моньдень мейле истямо велень превть тыненк тол марто а муиве». Путувлинк ламо превтнень школантень, сестэ бу эрьва ки неевлинзе. Тевтне парт ды ламу, цела угул апак устава. Заботяма аволь попонь кис, а школадонть.
Тевинь ушудыця.
| Почтовый ящик. |
П. П. Кочетовнень. (Ст. Демкина веле, Петров, у.) Редакциясь статьят печатынтдэ и карми печатамо. Кучтано корреспондентэнь удостоверения и гонорар.
Ф. М. Петровнень. Макс эзик сермат тонцить адресыть, ды кодамо велинь тевьде сермадыть. Теньстеме статьят а печатасынек, кучик адрэсэть.
Марьенкиннэнь. Симбир. Ард). Ергинень заивленияндо кучинек Центральн. Парт. Комитетов. Мезе евтыть сермадсынек мейле,
Лавр. Алексеевнень. (Кармас калы веле, Абукаев. вол Стер. кантон). Сермат кучнинк эрзень секцияв Центр, комитетсо, сермат эще.
Верендякиннэнь Ф. Б. Ицяло веле, Лукоянов. у.) Тон сермадат, што попонтинь алт ды ямкст макснитядо. Пеняцяду эсь прязунк, попонте коть весе кудут чить максык — сон сайсыньде. Попонь пеки знярдояк а топоди. Сермат седе нурькине статьят велинь тевень кувалт.
Сермат кучт маркавтомо. Иля мелявт — весе пачкодить.
| Издатель: Центр. Восточное Издательство | |
| Ответственный редактор: Редакционная коллегия |
| Главлит № 20.007. Москва. | Типография «Красный Восток» Никольская, 10. | Тираж 1000. |
