| 2 | ЯКСТЕРЕ ТЕШТЕ. | № 14 |
| Кода минек артеленок каладокшнось и мекс. |
| (Трифоновка веле, Бугурусл у., Самарск губ.) |
Минек велисэ тейсть с-х. кооперативной артель „Садовка“ и хлопочасть мода. Максть тенст „рендань мода“ велинть ваксц. Те мадась революциядо икеле ульнесь вишкине помещикень Золотухинынь. Революциянь шкастонть сонзо весе грабизь и сонь тукшнось тосто. Вейке помещикень братось мейле молькшнэсь семиянзо марто, Середневкантень эрямо, а городсо кудонзо квартиракс лиянень макснизь аламос. Васинь рендовицесь кулусь, а церанзо совасть артелентей членкс и мода кармасть получамо. Артельсонть улить эрицят и беднойть и сюпавт. Ломатни пелить озамо артельс, учить мезе бути, а кой гить кармсть отказамо.
Сынь вана мекс отказакшность и пелильть озамодо тозой: помещикень цератне яла салава кортнить тесэ—тосо, што минек лелянок служи Ленинградсо и сон хлопочизе моданок эстянек совсем, значит таго ульдям помещик лацо, кода ульнинек икеле. Весе моданть кецтэнк нельксынек а паро чинк — кудонк кардазонк весе кадувить миненек. Коли истя сынь кортыть, минек темной мужикне пелить озамост артельс и тевенть калавтокшнызь.
Эх! темной эрзят, знярдо тынь валдумгаттадо и знярдо кучкорцынк эсинк ютксто помещик левкснэнь, конат норовить сяводиксынк лангс озамо.
Ки чумось? Тынсь чумотадо, умок бу панимальть юткстонк боярунь породанть.
Равынь атя.
| Кода минек эрзятне ваныть эрзя ланкс |
Минек уездсонок эрить пек ламо эрзят. Улить ютксост грамотнойть ды партийнойть. Ули эрзень педагогическ техникум, косо танавтнить учителькс эрзень од ломать.
Эрзетне пек темнойть. Сынст ютксо ламо эряви работамс, штобо сынст кармавтомс тонафнеме ды кой мезинь содамо.
Тедиде Московсто кучсть школав эрзень букварть. Конань эйсэ кармасть тонавтомо эрзякс. Кой кона школатнень эзга арасельть эрзень учительть, тува тонавсть русскс. Рузонь учительтне мерить, што а мейсь ютавтомс пустас шкась (времась) эрзякс тонавтомас.
Нетне жо учительтне уездной с‘ездэ—як кортасть, што эрзень буквартне ды газетнэ а мейс.
Народось соньць отказы эйстэст.
Истяжо уездной партиянь с‘ездсо кой кить кортасть. Призидиумс пурнакшность кавто эрзят, конат сроду ней а басить эрзякс — виздить. Аразди сынст эйстэ толк ули коли сынць виздить эрзякс басямо.
Эрзят, эрзят, мекс тынь отказатадо эсь прянк эйстэ? выписывали—ли сынь эрзень газет сермадсть ли сынь тов мезеяк велень нужадо. Истят эрзетне умок эрявольть тулкадемс эрзя ютксто.
Кода, козой гак кочкамс, сынь эрзят, а работамо эрзя ютксо, сынь виздить эсист кельдест.
Эрзень комунист.
Редакция пельде: Истятнэнь пурнакшномскак а эрявить эрзень работникекс. Сынст пельде толк а ули. Кадык сынь работыть руз ютксо.
| БАРЩИНАНЬ ШКАСТО |
| (Кавто актонь пьеса). |
| Налксицетни: | |
| 1. | Кузьмич, 30 иесэ, кежей, бояронь управляющий. |
| 2. | Александров, Иван Емельянович, 48 иесо, староста. |
| 3. | Фрол Тихоныч, 29 иесэ, покш пеке, атнаватой (глуповатой), бурмистр. |
| 4. | Оношенкань Мося, 31 иесэ, вдовец. |
| 5. | Жидковинь Окан, од цера 23 иесэ, а мазый, пек бедной. |
| 6. | Игошань Лиса, 27 иесэ, вдова, мазый авине, орчезь эрзякс сорока марто, эли похожа мокшо ава лангс. |
| 7. | Марква баба, — бабине 69 иесэ. |
| 8. | Маря 17 иесэ, пек мазый тейтерь, средней эринь кудосто. |
| Тевесь ульнесь Иванцева велесэ Нижегородской губ. 1831 иестэ, сексня. | |
| ВАСИНЦЕ АКТ. |
| Кузмич, Иван Емельяныч ды Фрол Тихоныч. |
(Кузмичинь кудосо. Кузмич ащи столь экшсэ, Иван Емельянович и Фрол Тихоныч ащить икелензэ чапкавтомо. Фрол Тихонычень кецэ локшо. Шказо — сундирьгадозь).
Кузмич: Ну, Иван Емельяныч, пивсыматне веси пивсывсть?
Ив. Ем.: Арась, Афанасий Кузмич, кавто копнат кадовсть.
Кузмич: (кежейстэ). А мекс ино эсть пивсывть? Месть ино тынь те шкас тейниде?
Ив. Ем.: Ненастия тусь, Афанасий Кузьмич, начко. Авнятнэ (овины) апак урядак.
Кузмич: (кежейстэ). Мезе ино тон тейнят? Тон содыть эли арась, что сынь кармить эрявомо? А?
Иван Ем.: Содынь. Ды тосо тевесь аламо, анцяк авня кияксонть урядамс.
Кузмич: Ну ладна... (Чатмони). Мон тече меринь умарь чувтнэнь чувомост, тосо чувить штоли?
Ив. Ем.: Чувить. Тов мольсть кемветее (15) ломать, ды пизимесь пек меше.
Кузмич: А пизимесь, видна, меше, нузякс чись меше. Эряви седе парсте сынст панцимс.
Фрол Тихоныч: (сюкуни) Мон истякак, Афанасий Кузмич, парстэ эйсыст панцян. Валцке вейкень истя пидия, что панарозо керявсь мик. Ванан, сон мотыганть нузяксто пек кепси, а сонзо цирей штоли котмирсынзэ, мон кода сонзо стекадия, сразу верть тусть. Цирейзэяк пичкась. (Раки).
Кузмич: Панцят. Содан, кода тон панцят. Локшось колмоце ие кецэть и те порас одны ащи, буто вестькак эйсынзэ эзить цекать.
Фрол Тих.: Авуль, Афанасий Кузмич, мон сонзо уш ниле раз поладокшныя.
Кузмич: Ну и паро!
Ив. Ем.: Ну, Афанасий Кузмич, можна туимс?... Ванома, мезе тосо, кода тевесь моли... Пора прядомс роботась, эль чополгады...
Кузмич: Азюдо. Тосо киньгак кучодо Игошань дованть кис, сонзэ норовить чиямонзо.
Ив. Ем.: А ки?
Кузмич: Ну ки, ки, те а тынк тевесь. (кежейстэ). Тыненк мезе мерсть, сень и тееде! Мариде?
Ив. Ем.: Ну прощей, Афанасий Кузьмич. (Сюкуни).
Фрол. Тих.: Паро ве тенть, Афанасий Кузмич, паро онт бредямс (Сюкуни).
Кузмич: Тыненкак тожо... А тон, Фрол Тихоныч, локшонть иля жаляк, ата веси пек нузялгацть, етегаяк парынестэ.
Фрол Тих.: Мон истякак стегаян парсте! (Вейсэ Иван Емельяныч марто): Прощей!
Кузмич: С богом.
Кузмич: (Ськамонзо, стесь, яки кудова). Так! Тевтне знярц молить парсте. Вана не кавто копнатнень пивсысынек ды карматам сюронть „Чукалав“ усксиме ды алашень заводонть эйстэ знярояк алашат тов проводятам. (Думаи). Аздан, кодат кармить улиме читне, эряволь бу озимтнень ванкшномс, кодат сынь. Улималть парт, розь вицьнень парт максокшнынь. Ну ды уж мезе ули, те тевесь пазонь кецэ. (Маряви, таго ки эль сови). Ки тосо? (Совась Мося).
Мося: (Чапкавтомо. Сюкуни).
Кузмич: Ну мейс тон сыть? А?
Мося: Секе тевенть мельга сынь, Афанасий Кузмич. (Сюкуни).
Кузмич: Ага! Значит нороват Игошань дованть саймензэ?
Мося: Да, Афанасий Кузмич. Улть тетень таркас, колияк парот а стувса, мерть саиманзо Лизань, Игошань дованть (сюкуни).
Кузмич: Ладна, ладна, иля мелявт. Сон авинесь а берень, коть и дова, ды тонгак ведь давець ломанят... Эйкакшот улить?
Мося: Улить.
Кузмич: Зняро?
Мося: Кавто. Кавтнеск церынеть, Вейкесь кото иесэ, а омбоцесь кавто иесэ.
Кузмич: А дованть улить?
Мося: Вейке церыне, потиця эйкакш.
Кузмич: Ну те а беда. (Озась).
Мося: Сон, Афанасий Кузмич, вицтэ ефтамс, минь эрятам а пек сюпавсто, монцинь кавто эйкакшнэ, ды сонзэ вейке. Бедась се, что сонзояк церыне. Уливель бу тейтирне... ды уж мезе теят, сонстимензэ од доват арасть, а тейтерь а моли кавто эйкакш лангс.
Кузмич: Мекс тейтерь а моли? Чей эйкакшнэ сонзэ а сэвсызь? Месть эйкакшнэнь эйстэ пелят?
Мося: Сон, Афанасий Кузмич, сэвиманть а сэвсызь, ды перькаст ламо озямс эряви, орчамс-сустамс эрявить сынь.
Кузмич: И орчамодо тожо а месть пелимс. Мон думаян, что тонеть лучи тейтерь саима. Ки тонеть эряви? Евтак! Любой тейтерь максан тонеть! Тонь ней самай паро шкат ды и содан мон, что ломаниськак тон превият.
Мося: Сон мерян, что а моли, Афанасий Кузмич.
Кузмич: А моли? (Кежейстэ). Кода а моли, буди мон мерян тензэ? Мейс ино бурмистрынь локшось? Ваткамс сонзэ ды моли! Чарькудить тон тень эли арась?
Мося: Чарькудьманть чарькудинь, Афанасий Кузмич, ды уж лучи дованть сайса.
Кузмич: (Кежейстэ). А! истя тонь мельц эзь тук, месть мон кортынь тонеть? Ванок! Ата тонетькак локшось саты!
Мося: (прась кумажа лангс). Афанасий Кузмич! Жалямак монь! Мон колияк тонеть, пародо, башка, мезияк эзинь тей. Мон и роботан парсте теть, мезе мерят, сень теян, анцяк мерть сайме Игошань дованть! (сюкуни). Жалямак, Афанасий Кузмич! (Сюкуни).
Кузмич: Ну ваннынек, сон курук тей сы, мон мерень сонзэ тердимензэ. Оно некак эль сы.... (Маряви, таго ки сови. Совась Окан. Мося стесь кумажа лангсто).
Окан: (Совась чапкавтомо, сюкунесь).
Кузмич: Мейс тон?
Окан: Мон тонеть, Афанасий Кузмич.
Кузмич: Мезе теть эряви?
Окан: Афанасий Кузлдич, мерть монень урьвакстомо. (Сюкуни).
Кузмич: А кинь саят?
Окан: Ды минь ломатне пек беднойтям тейтересь уж а моли монь экшс... Максувлик бу монень Игошань дованть....
Кузмич: Игошань дованть? Сонзэ чийси Мося вана.
Окан: Афанасий Кузмич, сынь эрить а пек беднойстэ, сонензэ тейтерьгак мали, а минь пек беднойтям, тейтерь....
Мося: (Оканнэнь). Да! Тонеть тейтерь а моли. а монень кавто эйкакш лангс тейтерь моли... (Кузмичнень). Максык монень, Афанасий Кузмич. (Сюкуни).
Окан: (Мосянень). Да! Сы монень тейтерь. Сы кодамояк кромой! Ды парось сыньдерейгак, так козейкась а монь ули кодамояк паро церань... (Кузмичнень) Афанасий Кузмич, жалямак монь! Тейтерь саян — пек свадьбас росходось покш ули. Косто мон саян? Минь беднойтям... Максык монень!
Кузмич: Ну вана мезе: сон курок сонци сы тезэй минь и кевксынек, кинень сонь
| Стараядо сермадомс газетас истя, штобо серманк ловноволь ды чарько- дивель.
Сермат можна кучумс маркавтомо. |
| МЕСТЬ СЕРМАДЫТЬ ВЕЛЕСТЭ |
| Эряви kиртямс. |
| (Ново-Федоровка веле, Зильдяр. в., Белебеевск, кантона Б. С. С. Р.) |
Минь а умок эсинек велесэ теинек культурно просветительной кружок самообразования (эсь прянок тонавтомо) членкс совасть 17 ломать.
Минь получатам «Якстере Теште», косо ули сермадозь пьеска «Кавто киява». Те пьесанть кундынек налксиме иничинь омбоце чисты школасу. Кода кундынек те тевентей то савсь ламо работамс. Чоп первой чинть чийнинек велева, пурнынек доскат-сценакс, пологт-занавесэкс, скамикат-озамо таркас и теинек репетиция. Те тевесь, конань минь ушудынек, сюпафнень мельс эзь туе. Сынь кармасть кортамо народоньтей: — „Тедиде таго ули вачо год, секс што велентей теить антихристынь тев, секс пазось пиземе амаксы“. Сыре ломатне кемсть не лабердыцетнинь, кода тусь пиземе, — лоткасть кемиме. Омбоце чинть весе ульнесть анокстазь и карминек тееме остаткадо репетиция. Ирицты прясо, самай первой велинь кулакт — мироедт Кузьма Осипов, Гаврилань Пашань церазо, сон жо ульнесь членкс кружоксо, Микита Полякшин и тетязо сонсь Степан, конань кецэ ульнесь тумонь кол и тейсть эсист „спектакль“: кармасть кройсеме ава-лемсэ, пижнеме, што весек кружоконок тапасызь а налкицетнинь машнесызь. Степанынь Микита вейке членонок, кона сермадозь комсомолсо, Иванынь Стрелошниковонь кундызе сиведе и кармась ускомо эйсэнзэ ушов, штобо чавомс.
Старуста ды милиция иритстыть сынць. Оймавтомс азаргадозь кулакнинь а кинень.
Кружоконь тапсицятнень эрявольть бу киртямс, кадык сынь содасызь, што ней тенст аволь икелень шкат, кода сынь тапасть ды сэвсть минек бедной ялганьть эйсэ.
Истямо спектакольде мейле минь эсинек спектаколенть эзинек кенерь се чинть тееме. Теинек колмоце чистэ, ульнесь ламо народ. Спектаклесь весинь мельс тусь. Тусь мельс аволь анцяк эрзенень, руснэ як кевкснесть, знярдо ули эще спектакль.
П. Жедяев.
