|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 17. | 19 июня 1924 г. | № 17. |
| Льготат налогонь пандомсто. |
| Ки розорявсь пожардо, сенень максыть льгота.
Если сюронк чавизе цярахман эли сэвизе саранча, седе курок евтак налоговой комисянтень. Кинь мордо кулцесть скотинанзо, сенень максыть налогонь пандомсто льгота. |
Од декретсэнть единой сельскохозяйственной налогонть кувалма евтазь, што беднойстэ эриця семиятненень, красноармеецэнь семиянень ды конат од койсэ кармасть сокамо видеме кармить максомо льготат.
Эще кармить максомо льготат семиятнень, конанень мекскак апандови налогось, теевсь меньгак несчасия
Кинь чавизе сюронзо цярахман, эли палсь кудозо-кардазозо, салызь эли кулось алашазо, скалозо, нетненень кармить максомо льготат.
Семиянть, конань сэреди эли кулось паро роботникест-хозяинест и сонстемензо кармась розорявомо хозяйствась, нетненень тожо мыксыть льготат.
Если семиянть анцяк кавто крупна скотинанзо ды юмась жардо эли мезде видезь сюрозо, нетнень пельде налог акармить саеме знярояк.
Конань истяжо юмась весе посевезо, но скотинанзо кавто прядо ламо, се карми пандомо анцяк скотинань кис. Модань кис сестэ налог а пандыть.
Льготат кармит максомо семиятненень, конань аволь весе юмась посевезо.
Если семиянть весимезо видезь сюрозо сисемь десятинат, а кавто десятинат чавсь цярахман, сестэ налог кармить пандомо анцяк вете десятинань кис.
Семиятне эйсэ, косо едакс саты анцяк ¾ десятины пашня, эли пель десятина едакс видезь сюрозо и те семиянть кулцесть весе скотинанзо, сестэ семиясь а карми пандомо налог. Конань кадовсь скотинастонзо анцяк вейке скал, то сень пельде саить ⅔ весе налогостонзо.
Если едакс саты ¾ десятинадо больше и те семиянть кулось весе скотиназо, то сон панды анцяк налогонть колмоцекс частензэ.
Конань сетыки знярояк кадовсь скотина, се карми пандомо налогонть пелензэ.
Кияк азды, кодамо беда тееви хозяйствасот. Икелев асодави, кинень эряви максомс льгота ды мезень кувалт.
Истямо тевсэ карми ваномо местной налоговой комиссия.
Если киньгак тиньге пиресэ палсь весе сюрозо, сестэ налоговой комиссиясь тень пельде совсем апандовты налог.
А если палсь кодамояк сюва кардыне ды тосо ульнесть аламошка кой месть, то те семиянтень максыть аволь покш льгота 10—20%.
Налоговой комиссиясь, косо улеме карми велень пельде ломань, ловносынзэ весэ убыткатнень, конат теевть несчасиясо. Мейле теить убытканть коряс скидка.
Если весе веленть сюрозо чавозь цярахмансо эли сэвизе саранча, сестэ весе веленьтень максыть льгота. Се велетьненень путыть алкине разряд.
Кинь хозяйствасонзо теевсь меньгак несчасия палсь эли мезе, сестэ эряви максомс заявления окладной листэ получамодо икеле ве недляс. А если окладной листэнть получик ды седе мейле теевсь несчасия, сестэ эряви кавто недляс теемс заявления.
| Ловнодо газетт, карматадо содамо кинень максыть льгота налогонь пандомсто. |
| Тедиде налогонь пандомась ули седе шождыне. |
| Мелят. |
Сась сексь. Велева фининспектор сюровидицятнень пани каявксонь ускомо.
Берянь киява, пиземе шкане, колмонькеменьшка вайгель петь эряви ломатненень ускомс сюро заготконторас. Тосо сави кавто—колмо чить черед учомс ды сюрот ощо а примасызь — кондициязо евтыть эзь листь. Велявт мекев сюрот марто кудов.
Сельхозналогось, хоть ульнесь ловнозь весе сюросо, — пелезэ эрявсь максомс ярмаксо.
Уски ломанесь кеветиешка пондо сюро базаров. Сюронь рамицятнэде базарсо аламо. Питнесь ащи алкине ды максыть сюронть кис совзнакт. Теемс а мезе — агентэсь а учи. Сави сюронть дешувасто миемс спекулянтнень. Моли атясь омбоце колмоце чистэ совзнактнэнь марто каявксонь пандомо. Кассасо ярмакнень саилть уж анцяк кемень пондонь кис. Юмасть ломаненть вете пондонзо стяко. Велявты кудов ки лангонь перьть севнозь. Кардазонзо пачкодемс поминасынзе кеме валсо весе светойтнень ды шайтятнэнь.
Истя ульнесь сельхозналогонь пандомсто мелят. Стакасто савиль крестьянтнэнень. Ламо сюрост емиль стяко совзнакнень марто, государстваськак емафтыль пек ламо. Таркава пурназь совзнактне знярц ащить кассасо ды знярдо тосто кучсызь губернияс — Московс пачкодемс ярмакнень питнест пелест юми.
| Тедиде. |
Кода жо тедиде кармить пурнамо сельхозналогонть?
Те иестэ весе каявксонть ловносызь ярмаксо ды пандомскак сави анцяк ярмаксо. Ней од ярмакнень марто тевесь моли лиякс. Од ярмакнень питнест ащи кеместэ. Аламонь—аламонь, апак капша, икелев можна ули ярмактнесэ таштамс ды мейле эйсэст пандомс налог.
Кинь лангс зняро целковойть каявкс ловнозь ули — не целковойтнень сави пандомскак тензэ.
| Питьнень прамодо пелемс а эряви. |
— «Ярмаксо пандомс вадря ули ды вана сексня опеть сюронть питнезэ пек пры» — кияк тынк ютксто истя, можот, мери. Ней питнень прамодо пек пелемс а эряви. Те иестэнть ламо сюро рамамо карми государствась ды кооперативтнэ. Мелят сюронть ульнесь теимс аков, рамицятне араселть, секс питнеськак сюронть лангс пек пракшнось. Тедиде ламо сюро туи лия масторс.
| Буржуазиянень вечкевсь большевиктнэнь товсюрост. |
Буржуазия минек пек а вечксамизь. Франция кода минек лангс пейть пори — те шкас Советской правительстванть властекс а лови ды, мезе теят мартонок, пек вечкевсь тензэ Советской товзюрось. Франция рамась уж кецтэнек сюро кемколмо миллион пондо. Англия рамась вейксэ миллион пондо.
Кадык буржуйтне кастыть пеке минек товсюронь кшисэ. Максост миненек анцяк сырне (золота) сюронок кис. Минсь уж кодаяк знярц цидяртанок раужо кше лангсо. Минек сюронок заграницева ащи Американь сюродо дешува, секс Советской сюронть кармасть улиме ламо рамицянзо. Мелят лия масторс минь миинек сюро ниленькемень миллион пондо. Тедиде микпшима программанок кувалт пурнатанок миемс ниле сядот миллион пондо, сюрось карми эрявомо. Секс те иестэнть а эряви пек пелемс сюро лангс питнень прамодо.
Секс карматанок арсеме, што тедиде сельхозналогонть пандомс ули седе шождыне.
Глухов.
| Кода сермадомс „Якстере Тештес“. |
| («Якстере Тештес» сермадыцятьненень корреспондетнэнень). |
Чтобу сермадомс серма минек эрзянь газетас, аэряви улемс пек грамотнойкс. Коли аволь пек валанясто сермадозь сермась, редакциясь сонзэ витьнесы.
Сермадык серманть истя, чтобу сон ловноволь редакциянень.
Сермасот улезэ сермадозь лемет, тетя лемет, фамилият и адресэт. Сетьнеде башка, сермадык кият тон: сокицят, учителят эле волорганизаторат, партийноят эле беспартийноят.
Коли мелет, чтобу лемет аздылизь лиятьне, сестэ сермат лия лем, напр: сокиця, ютыця, салмукс, велень эрзя, сардо и лият. Виде лемет редакциясь киненьгак аевтасы.
Сермадомсто эрявить повнямо вана не правилатьне:
1) Серматт анцяк истямо тевде, кона алкукс ульнесь, кона тевенть тонсь неик и тонсь парсте содасак.
2) Сермат улест нюрькинеть.
3) Серматт анцяк истямо тевде, кона интересной, а истямо тевде, конань уш весе содасызь, иля серматт — роботат еми стяко.
4) Коли сермадат кодамояк тевде, сермадык знярдо ульнесь се тевесь, кие сонзэ теизе — се ломаненть леменэ и фамилиянзо, должностензэ, бути сон служи.
5) Ламо тевде ве сермасо иля серматт. Эрьва тевенть сермадык башка конев панкске ланкс.
6) Сермат истямо кельсэ, кодамосо кортат. Стараяк, чтобу сермат улизэ интересной.
7) Тонавтник сермадомо. Эрьва сер-
