| 22 | ЯКСТЕРЕ ТЕШТЕ. | 3 |
истя атокить эрзянь седейс ды пряс, кода эрзянь валось. Мекс истя? Кевкснемс теде аэряви: рузунь келесь ачаркудиви эрзянень.
Ежли зняро превть максы эрзятненень ве газет (улить эщо колмо газет, но сындест весе эрьзатне аздыть), пурны сынст вейц чопуда чинть карчо боруцямо, то зняро разт седе ламо лезэ максоволь эрзянень автономия? Сестэ бу эрзянь улевель аволь вейке центральной газета.
Саемс черемисэнь, чуважонь, вотяконь; сынь революциядо икеле ульнесть эрзядо чопудат, аней сынь икельдимизь. Мекс? Сынст ули автономия. Сынь ламо школат панчсть, ламо газет и кинигат нолдасть эсь кельсэ, тейсть театрат, косо налксить сынсист кельсэ пьесать. Эрзянь нетне весе аломат (кинигаст, газетэст и школаст, а театраст совсем арась); рузунь кинигатне и газетне а чаркудевить; секс эрзятне и кадовсть сех удалов. Штобу те тевенть витемс, эрзянень эряви хлопочамс автономия.
Ив. Прокаев.
| ВЕЛЕНЬ СЁРМАТ. |
| Весе тееде Оркина веле лацо. |
Эрзятне аламонь аламонь кармасть чарькодеме кодамо покш лезэ максы сыненст эсь кэльсэ сермадозь газет. Сынь истямо газетэнь ловнозь содыть кодамо велесэ кода эрить эрзятне. Кодамо таркасо тейсть мезень паро эли мезень берянь тев. Газет эрзянень нефти кода эряви парсте эрямс, мезе а эряви теемс. Эрзянь газет весе вийсэ бажы ливтеме эрзятнэнь чопуда чистэ. Эрзятнэ ней кармасть те тевесть чарькодеме. Ванодо Саратовской губернянь Оркина веле лангс. Таго вейке велестэ сядо комсь эриця рамасть эстэст эрзянь газет „Якстере Сокиця“. Эрьва велева эрицятнэнень истя жо эряви теемс. Эсинек кельсэ газетень питнезэ аволь покш — беднойстэ эрицянтеяк астака рамамо — лезэзо жо пек покш. Илязо кадовт вейкеяк ловномо маштыця эрзя апак рама газет. Сермадстодо эстенк эсинк губерниянь газет ды весе эрьзятнэнь, центральной газет „Якстере Теште“. „Якстере Тештень“ ловнозь эрьва эрзясь карми содамо кода эрить эрзятне лия губернява ды кода юты весе эрзянь тевесь.
| Мокшот эсь пряст илядо кекше. |
Лукояновской уездсо улить кавто мокшонь велить Темяш веле ды Печь веле. Алкокс ёвтамс велетне як покшт анцяк лезэ тень эйстэ пек аламо. Печь велесэ коть бу вейкишка коммунист уливиль, культурно-просветительной робота тосо арась кодамо як, эрить овто лацо овтонь таркасо, роботамо як тосо а кода, сынсист мокшонь развитой ломать арасть, а рустнэнь сынь а чаркудить, эрьзякс тожо беренстэ чаркудить. Темяш велисэ улить ветешка коммунистт, ну сынь сынсь пек не развитойть ды бажить (стараить) яла кодабу рускс парсте тонавтомс кортамо, секс и лисни истя, што улить ли сынь или арасть народонтень яла теке — сынст пельде арась кодамо як лезэ. Велетне пек чоподат. Грамотнойть сынст ютксо пек аламо, рузонь литература — газет ловныть пек аламо секс, што а чаркодить мезеяк.
А умок уполитпросвет сынест сермадстызе книгат и газет — „Одвеле“ мокшонь кельсэ, но мон арсян, што яла теке те аламо сыненст эряви вельмезь мокшонь вал — сестэ тевись туи седе парсте.
Улить кавто мокшот советской роботыцят. Вейкецесь предвик Якушкин роботы Тоцинкасо якамо тензэ акода пек васало. Омбацесь зав. уздрав врач Касыгин те мокшонь званиенть сёпи и только аумок сонендэ эрявсь совамс партиясь и савсь евтамс, што сон мокшо и парстэ корты мокшокс, эряволь-бу мокшо—ялгатнэнь лездэмеде сонзо тосо косо, сон седе пек эряви.
Тарад.
| Месть сермадыть красной армиясто. |
Якиминкань Иван Красной армиясто братонстэнь Московов сёрмады истяня:
Дорогой брат!
Сёрмат монень пачкоць. Мелем пек эйсэнзэ паркстумтик. Исяк кудосто сась тень сёрма. Эрить тосо чумбрасто. Учить эйсэть кудов.
Мартон дядянь Мисей ды Ига лелянь Марте. Эрямо чинек вадря: тонавтыть эйсэнек сермас, евтнить тенек кода эрямочись моли масторонок лангсо, кода тевтне молить лия масторга.
Начальникенек парт. Эрятанок мартост, кода ялга марто. Военкомонок стяко родной тетя, весе тевденек соды, весеменек мельга ваны. Курок тутанок лагерев.
Прощай
Сёрмат седе сеецтэ.
Те сермась кучозь Ростовсто, 9-й донской дивизиясто, 1-й батареясто.
Данилов.
| Самогононь председатель. |
Председателесь ютась |
| Бутылка. |
| Ленин ялгань памец. |
Минек Бугуруслан городсонь, Самарской губерниясо Ленин ялганть куломодо мейлэ постановили путомо памятник и тееме кругомганзо сад. Весе уездонть ярмакт каясть народось те тевеить эйс и ней уш минек памятникинь площадинть пиризь и пиренть эйс кенирьсть путомо сякой чувтот. Курок и паметникинть прядсызь. Ищо Ленин ялганть памец тейсть кудо мужикненень городонтей, козой кармить городов яксицятнень нолтнимест квартирц стяко (ярмактомо) и тосо кармить максомо истяжо стяко сякой совет, конанень мези эряви. Кудонть уж кенерстизь и 6 июльцтэ панчизь самой республикань народонть празднувамо чистэ.
Велинь Ялгат, эрьзят—мокшот, Бугуруслань уездень, кодак городов мольдядо то или удомо или превень кевстеме непременна совадо мужикень кудонтей, косо превть кармить максумо истяк и тынь акарматадо зря якамо эрьва кува.
Платонов.
| Кооператив иля удо. |
| (Ташто-Дема веле Петровского уезда, Саратовской губернии). |
Ташто-Дема ды Ташто Захарвалень ведгевсэ умок уш эрить арендаторт Здобновы тетят-церат, Иван Стяпаныч ды Петр Иваныч умонь буржуйть. Июнь месецта племяницаст максызь мирдининь. Гуляестькак парсте — пек ламо самогононть копордасть. 4000 пондо тенст свадьбась стясь. А ней народонь кшис педясть. Граби, салы яжавтыцятнень кетстэ. Яжавтумань кис (гарец) 5 фунт пондосто саи. Яла теке-мере-Здобнов — не симезь ярмакнень велявтсынь.
Яжавтыщятнэ мерить: „Вана коса буржуй, антанок, симтяно эснензэ. Секс петянь пекезеяк эчке — 9 понт тарги, теке паро тувань туша.
Месть ваныть кооперативтнэ, конат эрить маласо. Мекс не ведьгевтнэнь а айсьзь сынцист кедь ланкс. Паньдаль бу не дармоедтнень готовойса — андумс.
Кочетов.
| Ломать маньчи. |
| (Ташто-Борис веле сок Кармалинской волости, Бугурусланского уезда, Самар. губернии). |
Ташто-Борис велисэ ули вейке Истюшкин Андрей баба. Кода сон ульнесь седе аламодо од — сон яла яксекшнесь бабушкакс авань чаштамсто. Ней сон пек сырец, бабушкас атертнесызь. Сон сестэ месть арсесь? Кармась орожиямо, аватнень маньчемэ, вишка эйкакшт (пакшат) лечамо, пешксесэ авань пекень штюпамо. Те бабань тевезэ тусь лац. Эрьзянь аватнэ туить пакшат тензэ кудос. Чинь чоп кудозо теке паро больниця Андрия баба пиже эйкакшнень карми минекс, цюнокс ёзамандо, озне, сюды (прокляне), куловт поцеды. Ламо од эйкашт нолдась тона светэв. Ай-ей бу Андрий бабань остка пейтнень синтремальть маньчиманть кис.
Пицикспалакс.
— Чумбрат, Никит Иванович — кода бути сэтьместэ пшкаць десятник.
— Чумбран, а тонсь тазат?
— Монсь ничево! Горя вана Микита леляй. Война, салдат саить. Тынь тетят церат понгиде. Кучимизь ефнеме, штобо течи кудосо улемс.
Серовно лощавсь Микита атя. Мазилкась кадовсь тонгозь чарыньтень. Эще месть бути кортась десятник, сон эзинзе маря. Анцяк пилесэнзэ увнось: Война — тетят церат.
Кудосо аватне тожо маризь десятникенть валонзо. Кепетець шум. Керькс пакша кармась рангомо аватне мельга. Мейсь авардить пакшатне а содыть. Нейсызь покшт авардить, значит мезеяк пек берянь. Серовно сыргойсь Микита атя. Чарысь ащи боком. Эряви тонгомс. Паньдя нать. Кильдевсть, ледевсть и весе теевсть. Ней минь аволь минць.
— Эх бабаян штоли мон, турван нолдынь. Серовно нать, истя эряви, — думазевсь Микита атя. Хотел веселгадомс, но анцяк бойкасто тонгизе чарынть, совась кудов. Сон вете иеть служась салдатокс, содасы те эрямонть — тонавтнемс а эряви.
Кудосо серовно вергист весе урныть. Кой-как кирьдевсть сельветьне, натой кулаконзо сювордызе Микита атя. Кирга паресь серовно лепштявсь.
— Ну, пандядо. Эще можот киньгак браковасызь эйстэнек. Икелевгак пелемс а эряви — койкак меревсь сон.
Микита баба лайши. — Кинь ланкс минек кадасмизь уух, ху, ху.
Совась Микол. Абунгадозь лоткась кенкш ланкс.
Ну Микол, кавунек служамо саить, война — мольсь малав Микита атя — лединек нать пинементь. Роботанок оделовсть. Микол аздан тандадозь, аздан радувазь, местькак а карты. Седеньгак бузмулгаць семиясь. Микита баба повоць Миколонь киргас лайши — Кинь, ох кинь ланкс минек кацамизь. Ох церынем, левкскем, Уух, ху, ху. Калаць эрямось.
IV.
Кияк уш эзь юта паксяв. Весемень горя. Анцяк марят велень келес лайшить. Омбоце песэ марят уш морыть ютыть гармуния марто, конат понгсть мобилизацияс.
— Эх, Фетька! Весек паро, анцяк бабась жалка кадови, ды теяк эще ничево. Кудом эзь оделав. Плотник сиведекшнинь. А ней — кадови сельведень пачк корты салдын Вася.
— Егор! Токить гармуятнень — Пижна ки бути.
Серьгедсть маро. Морыксыльть веселасто лиси аварьдезь. Гармониятнь сэргедсть киштима моро. Серовно юло кармась киштеме Микол. Лощасынзе пильгензе таго чары. Пилькне серовно атокшитькак масторов. Гармония вайгельтне капишть, Миколонь пилькне седеньгак, мерят ловажанзо-як арасть. Шум. Те веселасонть кияк а пейди. Моразь, кишьтезь ютавтыть горянть. Можот истя седе чождыне кирьдемс.
Тусть велень кувалт. Промсть весе салдатокс туицятне. Пакшанек сыренек листь ваномо. Ваныть, пейдить ды аварьдить. Анцяк колмо чить кадовсь кудосо эрямс, а мейле.... Чавот паксятне. Аволь весёласто ваныть апак леть сюротне, учить хозяинест. Ледсызь сынст седе позда, ней аютко.
V.
Панизь стадатнень. Течи сыргамо чи. Анокстыть кором, ваднить чарыть. Кудотнень икелев, косто проводить салдот, кармасть промомо народ.
Микита атень алашазо-як понксь. Кочкизь обойс. Цёранек алашанек — ды сонць. Кудос кадовить ават ды керькс пакша конат киненьгак а эрявить. Сыргамс. Кудось пешксе народто. Сельведь поцо Микита баба ды Микол-низэ анокстыть понкст—панарт, кши.
— Пеньчть илядо стувт путомс, ды эчкинеть. Салдат пеньчтеме — берянь салдат — Корты Микита атя. Сон содасы мезе эряви. Таго лисць ушов. Весе ли путць мезе эряви. Ютась кильдезь крандазонть кругом, серовно мезе бути ванн. Щека бокаванзо повнень, повнень тусть сельведть. Чамазо ловташкаць.... Авулдась кецензэ, совась мекев кудов.
— Ну седе курок. Ведьгемень верст городов. Кенеремс чокснес — капшавты Микита атя. Микол месть бути сокари сундокесэнзэ.
— Ну, тон седе курок. Мейсь сайсак те дерьманть! Тосо седе паро вешнень ерцыть. Од эще, эзь служа, анцяк месець зудясть эйсэнзэ... Эще бу бабанть саевлик мартот — шути Микита атя.
Весе кашт молить. Чекить. Шалакасть. Микита баба кармась лайшеме. Пакшатне — рангомо. Весемень акирьдевить сельветне.
— Ох, церынем, ох Микита — а соды кинень уш поводемскак Микита баба.
— Кинень минек каца мизь те кирьксэнть марто. Уда-ху ху. Серовно весе кудось потолокс пешкоць горядо. А ков, а кинень жалямс. Самай трицятне туить, кацызь семияст. Ков, киньгис, кие теизе те войнанть? А содыть. Лайшить аватне, рангить пакшатне, народось.
Лиесть. Ульця кунчкава тожо ютыть проводицят. Лайшить. Иретстэ салдатнэ морыть. Весе човорявсть. Пакшань вайгельть, лайшимат, морот. Сыргась, серовно чады ведь, эли менсь брудь, весе народось. Ков, кинь-кис кияк асоды. Мерсть сыргак, ну и сыргак, иля кевксне.
Тусть. Кадовсть пакшат, ават. Кода хочешь, истя эряк. Ярцамс эряви. Сю-
| Паз лангс а кемить — сынсь кундасть тевс. |
| (В.-Толкай, Полудн. вол., Бугур. уезда). |
Тече валцке, цють только кармась ашолгадомо куренкасонок кепедевсь булга. Мезе думан, куринканьтень теивсь? Истямо спокйной эрицят тесз, а
