| 4 | ЯКСТЕРЕ ТЕШТЕ. | № 26 |
| Велень эрямо чи. |
| (С. Тарасовка, Атяшевской вол., Ард. у., Ульянов. губ.). |
Атяшевской волосне ямщинань таркас артни автомобиль велетнева тевень кувалт. Минек Тарасовка веленть как эзизе стувт. Косто-косто арды тенек. Весть истя арсь велезенек: пук, пук, пук. Народ дивась: „мень шайтянонь машина, лишмевтеме арды“. Сех пек дивасть сыре ломатне. Ольгай баба, Ларянь Надяй, Курамш Федор дивамо як натой эзь машт. Ольга баба и мери Ларянь Надя-
нень: „Ольгай бабай, правда кортасть сыре ломатьне, что кшнинь айгорт кармить масторонть ланга артлеме; вана вант, эсинек икеле артлить“. Надяй отвечи: „правда Ольга, монь ававтом тожо истя мерель, ней вана ванан од народонть ланкс, ды прямгак велямо карми. Да вара эсинек Сидоронок — Крест акантли, пост акирди, паз асоды, церкував иляк терть — маштандат“. Истя ват, састь шкатне сыре ломанень ефлимань кувалт.
Живаев.
| Сергей Сергеич манимизь. |
| (Ульяновской губ., Корсунской уездасо, ашо ведь велесэ). |
Апак тонафт сюровидицянь манямс вельть вадря. Минек, ашо ведь велисэ, пачкоць шка модань явшеме.
Эряви пурнамс ломань сермас маштыця. Пурнынек Сергей Сергеичень ялганзо маро. Ломатне дошлойть. Путынек питнэ пельпондо сюро чоп явшимань кис ды лисинек явшеме. Кавто недлят явшинек поксянок, кона вельть покш, аламодо авельтяви картуйсэ. Лисинек явшемеде мейле сокамо, ванутано тесэ-тосо вадря таркатнэ апак явше. Кода истя лись? Вана кода — не дошлой ломатне манимизь. Сынь кадызь паро таркатнэнь апак явше секс, чтобу салава видемс не таркатнень эстест.
Тынь превейдядо Сергей Сергеич, но минь бедной ломань седе превейть. Миньденек арциде какшеме велень паро? Ней тынк эряви кекшемс велестэнть тюрмав.
Бугурусланской Уземотдел, Уком РКП сельмеек икеле маньчить эйсэнк. Ней тыненк эряви сынст манямс тюрма енов. Илинк катт тевесть апак тейть.
„Ащо ведень эрзя“.
| „Вишкинетядо, грех басямс истя“. |
| (Титовка, Сам. губ., Самарского уезда.) |
Веленек покш. Ули эйсэнзэ школа, покш народной кудо, кавто учительницат. Лия велэсе народной кудот пешксеть ломаньде — учительть тонафтыть сюровидицясо паро тевс, а минек народной кудонок ащи чаво. кияк аяки тов. Мезе тосо теемс, коли тевень теиця тосо арась. Учительницянок кавонест ащить кудосо, ды кулцонить тетясонзо божейственной кинигань кувалт. (Тетязо поп). Хоть бу весть молевельть народной кудостень, ды мезияк ловновольть. Арась, вацев пикснэ аусковить тов.
Те ощо мезе. Тонафнемэ шкасто, учительницатнень кетсэ вишка пакшат (эйкакшт) кевстнить пазонь кувалт, а сынь отвечить: „тынь вишкинитядо, тынек грех басямс истя“. Истят учительницятнэ анця од превсэст гадить.
Попонь тейтерень пельде лезе неемс вельть стака. Мезе теемс истят ломатнэ маро? Панемс школаста анцяк кадовсь.
Петров.
| Окрябринат. |
Старо-Тепловкасо Сухореч. вол. Василий Прок. Ермолович лемдизе эйкакшонзо од койса. Сонзе коряс ульнись меля заметка газетасо: „Якстере Тештесэ“, Тосо сермацьть Ермолович попонь кеце лемдизе эйкакшонзо. Тедиде ве иеде мейле сон сень стувтувтызе. Июль ковсто школасо ульнисть октябринит. Партийной собраниядо мейле весе ячейкась и Нижне-Вязовской комсомолось мольсть школав Весе кудось пешкець народто. Тейсть собрание. Председателькс улинись Князев. Антон Феод. Бухарев тейсь доклад. Сон пек парсте народонтей евтнизе, мейсь эйкшнынь лемдясызь и мекс путыть тест лем. Кода лемдясть ташто правастоньть и мекс эйкакшиньть канниз попнинь. Кода лемдить од правасоньть. Од правасо и од койсо лемдязь эйкакшоньть. Тонавтумс сайсэ ячейка. Кода эйкакшось касэ сыняст эряви стараямс тонавтомс эйкакшость истя, чтобу сон моливиль робочиинь партия мельга и эрямонзо ветяволь. Ленинэнь учениянзо тевс. ячейкась кансь теизе Кинига Ленинэнь сочинения.
Эйкакшоньтий пуцьть лем: „Рема“. Мейле морызь „Интернационалонь*.
Весимининь, авуль только партийной ломанинь истя эряви лемдямс. Ванумс эряви икелей авуль удалов.
М. Пургаева.
| Ну, мазы доват, пурнаводо! |
Башреспубликасо Белебеевской кантонсо, Верхне-Троицкой волостьсэ ули а покшке велине Михайловка. Те велесэньть улить кавто пай томо пиштяка авинет: Николаень Ольга ды Петрань Ольга, колмонь-колмонь экакшост, кавонест вдоват, мирдест кулость. Сынь эрить веле песэ, кудост сюпав эрзянь тувонь кардодо берять, вальмаст поркснезь, потомтнезь лыткасо. Яла сюпав ава ланкс тев теить. Штерьдить, кодыть цюлкат вар гат, истя пряст трить, экакшост трить-кастыть. Оршамост, панарост каладот панксовт, экакшост лангсояк понксост-панарост каладот, нулавт. Николаень Ольгасть модозо-як арась, мода сюпав атят а максыть, сыньсь яла а пешкедить, хоть сон эри мирдевтеме Михайловкасо империалистической войнадо мееле. Июньсто не авинетнене ве валське рана сась сюпав Султановонь Васьконь Родя „ну, мазы доват, пурнадо Верхне-Троицкось, волостев, тынь эзиде каравля пожарнойсэ, чередонк эзиньк ютавт, ней волостьсэ тынк арестоватадызь“ „Ковминь мольдянок, мерит не авинет, ков кацынек экакшонок?“ Ну*, сестэ путодо алаша пожарноес, минь тынк кисэ а чумот“ . „Минь косто сайдямо алашат, улить воно кавто саразон, сынст чтоли пуцынь?“ „Вана мольдядо монень нуеме вейке-вейке чи, сестэ моньсь путан кисэнк алаша пожарнойс“. „Ино паро, мерить не авать, мольдянок теть нуйме ве чи“. Ават тандацьть те сюпавдоньть. согласясть тензэ ве чи нуеме. Истя кармить робутамо велень тевень кись, а ки трясыньзе экакшост? Ведь, сынст кудынедест башка мезесткак арась, вейке сэль видезь сюрост арась. Сельсовет, тон месть ванат, мекс Николаень Ольганень а максат мода, мекс арась чивтеме ломатнень пельде требоват велень тевть сыненст эстест эряви помогамс. Кияк ули эль арась Советской Россиясо пшкадиця, аштиця не ломатнень кис, а ведь истятне пекламо велева. Редакция, пшкатть истямо пиштякатнень кис.
Ютыця.
Редакциянь пельде. Сельсовет, Вол-ячейка Р. К. П. Р. Л. К. С. М., Волисполком тевсенть содак. Лездак сенень кинень эряви, содак, что сех покш тевенек лездамс эрьва косо эсинек ялгатненень — бедной ломатненень. Кучт редакцияв мезе теить тон не аватнэнень паро, максыть ли Ольганень мода?
| Истямо комсомольской ячейка неиде? |
Больше-Сутмет велесе, Бугурусланской уездасо, Сам. губ., ули комсомольской ячейка. Ячейкасонть улить ниле комсомолецт: Кокаев, Феодоров, Шалаев и Паряэв. Тевест молить велть „енсто“. Сех покш тевест тееме самогон чинек венек симеме. Косто бути максть тенст винтовкат. Иредезь якить ульця юткова ды леднить винтовкатнестэ. Улкоть леднесть, леднесть ды чуть эсть чавт ломань. Якить ульця юткова, морыть виськс морот. Улкоть тейнесть разрешениявтомо обыск велесэ. Ве свадьба а юты сынстемест.
Эряви тенст ваномс велень теима тев ланкс, а сынь симить, леднить, севныть. Укомол щупиньк истят комсомолецтнэнь юткстонк.
„Велень эриця“.
| Салава, ну ютатано икелей. |
| (Морд. Муромка велесе, Виргенской вол., Ниже-Ломовскаго уезда, Пенз. губ.). |
Стака ульнесь первой читнесэ теемс тэв од лома ютксо. Сыре ломать севност, арасель толковиця ломань, од ломатнеяк эсть кемть эйсэнек, акулцонильть. Кувать пищевтинек. Ней уж тевенек молить седи лац. Праздник читнева одломатне сыть минек юткс вейсэ тевень тееме. Ловныть газетат, кинижкат.
Сыре ломать ютыть церкував озномо, а од ломать ловнума кудос. Чаркадеме кармасть, что анця ловнума кудо лезе максы, а поп анця превстэ ливти.
Ламо лезэ теи ялгась Резаев. Сон максни эрьва кодат справкат эрьва мезень кувалт. Ней уж неяви тенек что минь лисинек виде ки ланкс, кона веди эсненек паро эрямо чис. Ялгат ки кадовс эстеденек, эряскадодо молеме мельганок.
Коммунист.
| „Комитеты взаимопомощи“. |
Ки асоды, што эрьзетнэ дружнойть Думаве, што комитотеньте взаимопомощи эрьзя ютксо пек вадрясто работамоль, а ней ванат, ванат кой канань лангс — седеить как новоле. Истямо комитетэсь ули Старо-Захаркинской волостьца, Петровской уездасо, Саратовской губернясо. Тосо велева аздыть ки председатель ком. взаимопомощи велесэнть, а уж волостесэнть седияк аздасызь. Добровольной членства арась. Кияк аздэ, сон член или аволь. Ульнесь видезь розест. Сокицятне видизь чачк (те Чиньдязь велисэ), ледизьгак розенть чачк. Ускись велень очередной подводасо, пивцызь лишмефтеме очередной работыцят. Велесэ аздать кинь те розесь советэнь или ощо кинь и козонь моли те розесь — тожо асодыть. Розь комитетэсь види эрьва иестэ. Лия тевинзэ комитетонть велиньте а неявить. Сынст эряви одс виемс. Волкомт, илинк стувт те тевеньть.
А. Ер.
| Анцяк кант ой — парсте лечатадызь. |
Даря патяй, тон мекс пек охаят?
Ох, Оксякай, не дай бох уш.
Мекс?
Сурозон лись апкаш (нарыв) и пек уш чулксити.
Больницяв мекс а молят, тосо сразу лечасызь.
Пелян, керьцесызь.
Иля пель, Даря патяй, анцяк только сайть кафто-колмо хунт скалонь ой и знярояк сараз алт, пек лезэ теить теть исеск лечасызь тонть сурот.
Мон уш якинь Оксякай, только мезияк эзинь сайне тест. Максть тень ведне мезинь бутим, сюлмсизь бинцо и седи паро ней маряви тень.
Ды ведь, а мези тень кандомс Оксякай, монць вачудан! Оем арась, алтнэнь пакшатне робутамопаксяв сайсызь яла.
Месть пакшатненень (эйкакшненень) макснят, небось сынь косько-кши ланксояк робутыть, вачодо а кулыть а больницав свал молят. Мон вана кеминь годт (иет) эзинь чачне пакшат, а кодак кандынь дохтуронтей цела тувонь бока и кафто понд товзеронь почт, то сеск мон пекийнь и монь мейли сон жи чачтафтымим. А, кабы аволь се кандумась, то се шкамс пакшамгак аволь ули бу.
Арась Оксякей, мон уш, а кандан тест мезияк, а то монць и пакшам вачодо кадовить: А, лечамс небось истяк-как лечасызь ведь сынь жаловня получить сень-гис и лекарстватнэньгак готовойть явшить.
Знаму уш Даря патякай разной ломать эрьцить и превийть, и дуракт, а минь велинь аватне думситан, што коли кандат то седи парьсте лечить; мон ней только чаркидинь Даря патякай, што минь пек чопудасто эрьцитяно.
Истя лечить Борискинской больницясо, Сок кармалин. волости, Буг. уезда, Сам. губ.
Шайтян левкс.
| Ки монень эзь маkст тиkше — весе kулцить. |
| (Ульновской губ, Корсунского уезда, Корожовской волости, ашо ведь веле). |
Минек велесэ середезь кулось эйкакш (пакша) ды Мартын листордак-сыре ломань. Кандызь церкував служавтомо. Попсь служамодост мейле и мери: „Вана не кулозь ломатнень тетяст, родняст монень тикше явшемстэ эсть макст тишке, а мон ялатыки служинь. Тона чистэ пазось сынст пек судясынзэ.
Марятадо месть кортыть ривеськетне? Коли истя эзь манявт тикше кецтест, то ривеське лацо маньчеме кармась.
Илядо манявт тензэ. Попто жадной, маньчиця ломань свет ланксо ломань арась. Панеде эйсэнзэ, саты — маньчесь эснэнек.
Попонь авечкиця.
| Велесь аварьди эстэдест. |
| (Киришкина веле, Бугурусланской уез., Сам. губ). |
Тевенек велесэ молить вельть беренстэ.
Сельсоветсэнек ламо сюпав ломать, конатнэдэ тевесь аварьди. Самогонка велеваньть чудезь чуди, советсэнть теке инязоронь пинкстэ трактирсэ — симить, морыть, кияк эстэдест асоды. Попсонть андыть, теке андума тувосо. Ютась иестэ палс церкувась велесэнть, ней арнить строямо од церькува.
Велесэньть ули комсомольской ячейка, ну ячейканть виезэ асыты бороцямс истят преступник маро. „Якстере Тештэ“ пшкадь кисенэк, „паряк тонть трокс Уком РКП мари Киришикина велестэ парт“ кулят.
Комсомолец.
Издатель: Центр. Издат. Народов СССР. |
| Главлит № 21.702. Москва. | 1-я типография Центр. Изд-ва Народов Союза ССР. Никольская, 10. | Тираж 1000. |
