| 27 | ЯКСТЕРЕ ТЕШТЕ. | 3 |
— Автономиянть марто миинк седе ламо школанук уливелть бу — корты эрзя-учитель.
— Автономиянть марто седе бу а обижавлимизь моданть кувалт — корты эрзя.
— Автономиянть марто седе бу паро уливель. Сестэ минек кельне кортавулть советсэ и вейкинек вейкинек седе парсте чарькудивлинек.
Ламо приговорт сермацть эрзянь и мокшонь велива, чтобу сыненст максуволть автономия.
Васильев.
| Эрзянь мокшонь келенть кувалт. |
| Эрзянь мокшонь сермадума ке- ленть эйстэ[1]). |
Ламыксто эрзянь-мокшонь газетнинь потсо кортнекшнесть эрзянь-мокшонь келенть эйсто. Кодамо кельсэнть, эрзянь али мокшонь, эряви сермадума, кодамо келенть эряви тяиманза литературный келекс? Эрзянь ялгатне кортасть, што, эряве молемс сермадума тявсынть эрзянь-кель киява. Сермацть тень эйсто и учисть тень кувалма мокшонь-ялгатнинь валост. Мокшотне мякс бути тень эйсто эсть сермадт и минь асодатано, кода арнить мокшотне тень эйсто. А робутань, тявинь, коесь те иенте ульнись истямо, што сермалисть газетт и литература и эрзянь кельсо и мокшонь кельсо. Арасиль-гак врема (шка) арцимс парыниста те тявинть эзга. Вяте-кото ийсто минь арциник седе покш тявинь кувалт, кода бу эрзянь-мокшонь сокецятнининь ефнемс од государственный тявинть, политиканть. Ведь миникь народысь ульнись пекь чопуда и эрявсь сонза потса вятямс покш агитация. Минь ефненекь тенза весе не тефнинь весе кельтнень эйсо, конань сон содасынзэ. Ульнись сестэ пси робута пора, аконашкане ульнись кортамс, арцимс келенть кувалма. Ней миник тяфне аштить лиякс: келенть кувалма эряве ауль только кортамс, но и тяимс мясть-как. Минь государстванть марто мольдяно ней мирный пиньгинь тяима киява, седе ламо карминик ванума колмоце фронтынть (тонафныме тевенть) лангс. Секс-как ней эряве муимаст весе виде китнинь, кона ланга молезь, эрзянь-мокшонь народысь седе курыкста таргасынзе потстынза сыре-пара виинза, кона пекь кувать ульнись тапардазь инязырынь пиксца. Истямо виде кикс эрьва народынть аште и келезо. Од пиньгитне истятт, што культурась, весе тевись моле келень пачк и сонць келесь нефте, кодамо народынть культуразо. Весе эрьва валось кортэ тень эйсто. Миникь эрзянь келесь ауль пекь сюпав валтнынь эйсо, можна меремс миникь келесь бедныйгаць; ташта вал прумкснынь эйсо (словарь) понгонеть истятт валт, конат ней арасть кельсэнть. Рузынь правительствась, рузынь инязырынь пикснэ тяизь тявист, бедныйгафтызь и келенок. „Кортак хушь беряньсто, да рузкс“ — вот кода кортнесть миньдяник рузынь тонафницятне эрзянь учильнясонок. Ней минь содатано, што миникь эйдинек-какшонык те порас кротэть ванькс эрзякс-мокшокс, миникь эрзянь-мокшонь аванок вятьгяминь процент (50%) кортэть ванькс эсь кельсыст, миникь велитнинь эзга маряве эрзянь-мокшонь кель. Секс-как витста эряве меремс: эрзянь-мокшонь вийтне лисить эрзянь-мокшонь келень пачк. А не вийтнинь пурнамаст можно только сеста, кода минек келенок карми улиме авуль анцяк кортама кель, а и сюпав сермадума кель (литературный), сеста келенть пачк молеть вясе тявтнэ, вясе арциматне. Миникь кафто кортамо келенок — эрзянь и мокшонь. Ауль только эрзятнинь истя аштить тявист, лама наротнэнь (рузонь чуважонь, мари-народынть) потсыст аштить кафта-колма кельть, но литературный келест вейке, и весе маштыть ловномо те кельсэнть. Литературный келесь вяйке чис, али пес атееви, но эряви аламонь-аламонь молемс вейке кель мельга. Кортнеть, буто мокшось ачарькытьсэ эрьзянть, а эрзясь — мокшонть, а мон арцян, што тявись аяште истя берянсто. Виде тявись аште вот кода: Эрзясь ауль пекь курок и ауль весе валтнень эйсо чарькытьсэ мокшонть, мокшось-как истя: а бути кармат ловномо ауль пекь курок и чарькытьсак, мясть ломанись сермадэ. Мон арцян истя, бути карматано седе сяитьсто ловномо, седе куроксто карматано чарькыдиме. А литературный келенть тяифтимасто, кинть эряве ветямонзо эрзянь келенть малав и вот мякс:
1) Эрзянь кельсэ кортэ ⅔ миникь народынть.
2) Эрзянь кельсонть мольсть миникь пиньгис седе-ламо печатный эрзянь народынь произведеният, эрзянь вал-прумкст (словарть).
3) Эрзянь кельсонть революция пораванть появасть седе ламо сермадувкст.
4) Эрзянь келесь седе благозвучный, а кере истя пиле, кода мокшонь келесь, конань эйсо авастат кафта рядс аштийть гласной звукт и лама валсынть пурумить согласнойть.
Мокшокс: „Кда тефце аф моли“.
Эрзякс: „Кода тявись амоле“.
Мокшонь: „Сьормадышть“ „да мезсновок аш“.
Эрзянь: „Сермадыть“ „да мязе-як арась“.
Кадыкь кортэть мокшо ялгатне, бути эряве, мон карман спорямо мартыст, а не ниле положениятне кармить кортама монь валум кис седе ламо. Эрзянь келенть тонадыть чарькыдиманза курок и мокшонь пакшетне учильнятнинь эзга. Басинь тявикс кадыкь уле валынь-прумкс (словарь) пурнама тяв. Эряве тяимс вал прумкс (словарь) эрзянь и мокшонь, а сеста уж арциманза сермадума келенть.
| Сермадума кель.[1] |
Ламо минек кортыть, сермадыть эрзянь литературной келенть кувалт. Эрьва ломанесь корты и сёрмады теде эсь майсэнзэ. Веенст кортыть — эряви литературной келекс таргамс ташто эрзянь кортамонть омбонст мерить — эряви миненек сермадомс истя, кода ней кортыть ломатне, штобу седе чарькодевикс улевель.
А вана Маркелов ялгась эсь статиясонзо „Мокшонь и эрзянь келенть кувалма“ сермады, што миненек эряви эрзятнень ды мокшотнень юткова муемс вейке литературной кель. Литературной келекс сонзэ майсэ седе паро ули путомс эрзянь келенть. Мокшонь келенть сон сялды. Аволь анцяк Маркелов ялгась истя арци (думи). Сонзэ улить ламо ялганзо, тевенть лангс истя жо ваныцят. Васов кирьнявтоволь Маркелов ялгась.
Арсевель бу сон лучше кода миненек, кодамояк лад келенть кувалт теемс эрьзятнень юткова. Эсинек юткова лац а савданок, а сон арци (думси) мокшотнэнь тонафтомо эрьзянь кельс. Маркелов ялгай, мокшотне илизь яжа пильгеть келест сялдумаст кис.
Минек эрзятне эрьва губернява кортыть лиякс ды каждой эрьзясь шны се келенть эйсэ, конасо кортыть сонзэ велисэ. Вейке мери пек паро валонть кортамс „тяйсы“ омбоцентень мазы маряви ефтамс „тяйсы“ колмоцесь весе вийсэнзэ шны эсь велень кортамост ды мери сех вадря кортамс „тейсэ“ — моразь натой лиси, а Чуваш областень кодамояк эрьзя карми тыненк шнамо „тейсазо“! Вана вейке валонть зняро кортавксонзо — кочксекь анцяк. Минек те шкамс каджой ломанесь кочксесь истя кортамо келенть эйсэ ды серматсь, кода сонензэ паро маряви. Каждой (эрьва) книшкась лиякс сермадозь. Истя тевесь ковгак а маштови. Ней минь школатнэнь эзга карматанок пакшатнэнь тонафтомо эсист эрзянь кельсэ. Школатнэва улеме кармить эрзянь учебникть. Коли каждой кинигась сёрмадозь ули лия кортамо кельсэ сестэ минь пакшатнень (эйкакшнэнь) пек а радувасынек. Весе эрзянь учебниктнень, кинигатнень эряви сермадомс вейке кортамо кельсэ. Ефтасы тонафтыцятнень прумксось, кодамо кортамо келенть кирьдезь эряви сермадомс эрзянь учебниктнэнь. Сестэ се карми улеме сермадума кель.
| Эряви праздновамс урожаинь праздник. |
А кенери сексесь само, маштыть паксень роботатне — сыргавсызь попнэ престольной праздникнень, Кузьма Демьянт, Микулат, Михайловт. Попнэ ежовт, содасызь — сокиця ломань сексня седе сюпав, секс и престолтнэнь тейнизь сексня. Таго кармить попнэ пурнамо молебеност марто, трудиця ломань, кона сынест кеми, эсь пренть дурманямо самогонсо эли пуресэ.
Эряви неть праздникненень путомо пе и праздновамо урожаинь праздник. Те миньденек седе ен, минь эрятам робоче-крестьянской республикасо, косо эряви чествовать а эрьва мезинь Кузькат-Демкат, конатнень кияк эзиньде нее, а робота, роботыцянть, кона анды весе масторонть.
Монь койсэ тедиде эряви праздновамондо урожаинь праздникенть докладчик марто, кона евтавлизе, мекс минек эрийть ачачомо иеть, кодамо тедиде, и кода теемс, чтобо лисемс сокиценьте валдо чис.
Эсим велесонть арсян истя праздновамо урожаинь праздникенть. Кода маштыть паксень роботатне, теемс школасо эли народной кудосо покш прумкс, сценанть наряжамс эмежсэ, паксень сюросо, тердемс агроном эли паро докладчик. Докладонть мейле чествовать не сокиця ломатнень, конат невтеть весенень пример, кода эряви роботамс, чтобо саемс паро урожай. Мейле спектакль эли концерт, косо морамс эрзень и рузонь морот. Самагонтомо, поптомо праздновасынек, эсинек родной праздникенть, косо ловсынек, мекс эрятам берянстэ ды кода лисемс валдо чис. Паро улевель, кодабу сермадоволть, кода косо эрзят ютавтызь те праздникенть.
В. Лыткин.
| „50 иень ютазь“. |
А чуросто Волисполкомсо, отделца загс неят, кода явить атят бабат (теить развод) истяжо судцо судить козейка марто явума лангсо. Ульнисть ли седекиле истят тевть эрзя ютксо? Если ульнисть истят тевть, то только сюпав эрзят сынст тейнизь, а беднойть истят тевть эсть тейне. Значит од пинге сась, значит ломатне истя кармасть эрямо, кода мелест. Ванцынек, кода од коенть ваксцо, од пингенть ваксцо, чумбрасто эре ташто коесь.
— „А сайса Фединькань Матень, лангузунзуяк авулинь вано! Матень саимадо, мон лучи ощо сисем иеть а урьвакстан“ — кортэ Ларкинунь Ортень церазо Андрей.
— Мон нефтян теть а урьвакстат! Ождетьнинь саинь дерясынь — монь урьвакстат! — кеждеде рангстась лангузунзо тетязо. — Мезьде берень Матя? — Тетянзо-аванзо боярт теке, роботэ алашакс, котстонзояк, ломать кортыть, цела парь. А Киринькань Поля мезе? Мезизэяк арась — штапо! Коренц розоряват истямо свадьбанти. Вот мезе: сыргак мерить теть, чиявцинек Матень ды паро. Тундо сы, ки карме роботамо? Монгак урьвакстынь кемсисиме иесэ“ — чек буто кармась вашниманзо Ортя.
Церазо урнэ-аварьди, од цера прясонзо, Матень эйсэ а сае. Сон сае Полень, Поля вечкеве тензэ, Поля тусь мелезэнзэ. Но Ларькинунь семияс ощо эзь тока валдо чись. Ларькинунь семиясь эри истя, кода эресть 50 иеть икелев. И Ортя урьвакстызе церанзо, кода тензэ, Ортенинь, эрявсь, — саизе Матень.
Яке Андрей нерень нолдазь, чок ки буте обежизе.
— Тон мекс, Андрей Артемич? — кевксцызь ялганзо.
— „Истяк“ — отвече Андрей, кувакасто устазь. А ванат, косто косто и мере, кода седиизэ налкстэ: „Жизнеськак тень надоел, кулумс бу пароль“.
Истя жо аварьди—энялдэ аванстэнь Оря, омбоце велинь тейтирь, сон а моли Мартимнинь. Но авазо несэ, што Мартиминь тетянзо аванзо сюпавт, сюро видить ламо — максы Орень эйсэ. Оря аванзо карчо мезияк не может тейме.
Вана кодат тевть те шкас тейнить эрзень семиясо. Мезинь од жизнень и од коень теиця истямо ломанесь, конанинь „жизнеськак надоел“ кемсисиме или кемкавксово иесэ. Дедам евтникшне тень, што истя урьвакснисть седекиле и седе мейле ютась уж 50 иеть. А минек эрзятне эзть лиякстомт. А уж пораль, эрзят ялгат. Революциесь максць оля и кадык се олесь ули семиясояк!
А. Е.
| ВЕЛЕНЬ ХОЗЯЙСТВА. |
| Видедо рядовой сеялкасо. |
Рядовой сеялкасо видефт сюротне седе парт эрьцить. Сынь кеце видефтнень коряс 10—15 пондодо седе ламо макснить десятинастонть.
И рядовой сеялкасо видемась видьмексонтькак пек ванцсэ. Сон может ванцтоманзо десятинастонть 2—3 пондо. Если кеце видезь десятинантень, мерцынек, 10 понт, то рядовой сеялкасо — 7 понт.
| Илядо виде кеце. |
Кеце видемстэ седе стака видьмексось лифте видеця эйстэ седе васов, а шождыне зернатне прыть седе малав. Ве
