№ 31 | ЯКСТЕРЕ ТЕШТЕ. | 3 |
Сентябрянь кавксоце чистэ эрзянь мокшонь прумксонь делегатнэ Московсо эриця эрзятнэнь марто якасть Ленинэнь калмонзо лакс. Ленинэнь калмозо Кремлянь стена ваксцо, Красной площадьсэ. Ламо эрьва чистэ народ яки Ленинэнь калмонзо ланкс. Сыньдерей Московов трудия ломань, Лениннэнь апак молть кудов мекев а туи.
Эрзятнэнь нолдызь икелев-очередсэ апак кирть. Ютасть эрзятнэ састыне седеень ризназь Ленин ялганть вакска. Суликань пачк прок удозь ащи неяви Ленин ялгась. Весе пингензэ Ленин путызе трудицятнэнь, ди угнетенной нациятнэнь кис. Ней сон кулось, но кадовсть сонзэ валонзо. Сонзэ тонафтуманзо кувалт минь карматано строямо од пингень эрямо.
Наркомпросонь председатель совнацмен Мухитдинов ялгась ЭРЗЯНЬ — МОКШОНЬ ПРОМКСОНТЕНЬ ЕФТАСЬ ПРИВЕТСТВИЯ. |
Предсовнацмен Мухитдинов ялгась эрзянь мокшонь промксонть кортась, што те васенце промксось нефти ки кода тонафтума тевенть эряви ветямс эрзятнэнь ды мокшотнэнь юткова. Те промксось нефти кодат ульнесть шибкат центрань бюронь ды губернянь роботасость
Тынк икеле ащить покш тевть: эряви эрзянь школатнэва ушодомс тонафтуманть эсинк кельсэ. Эряви анокстамс кинигат, учебникт эрзянь мокшонь кельсэ. Эряви тевенть нолдамс истя, штобу школасонть минек пакшатнэнь эйстэ анокстамс коммунист од пингень чис стараицят. Мон кеман тынь не тевтнень парсте тесэ арцесынк—думасынк и тонафтума тевенк кода центрасо истя жо губернясо таркава путсынк вадрясто.
Тевенть ушодынек анцяк 1921 иестэ. Таркасо эрзятнэ помога а максыльть. Бюронтень савсь роботамо од экономической политикань пинкстэ, знярдо пек стака ульнесь получамо кодат как ярмакт. Стака ульсь панжомс од педтехникумт и лия тонафтнимань заведеният и школат. Вана не условиятнэнь лангс эряви ваномс ды а эряви центрань бюронь роботазо эстянек сялдомс ды роботниктнэнь а эряви чумондомс.
М. И. Кручинин. Тесэ ялгатне пек чумондыть центрань бюронь роботыцятнэнь. Миненек тевенть эйс эряви неемс аволь анцяк берянь енксозо, эряви ваномс паро енксозояк. Неень центрань бюронь роботникнэ роботасть анцяк вейке не. Минь те иестэнть, анокстынек вете учебникт. Панжовтынек аволь вейке педтехникумсо эрзянь—мокшонь отделения. Бюронь роботанть сялдумстонзо а эряви стуфтомс, што васенце иетнестэ таркава эрзятнэ ды мокшотнэ лездасть пек аламо. Роботамс ульнесь стака.
Деров — Ульяновск. губ. Вансынек, ялгат, кода тонафтуманть тевесь моли лия нациятнэнь минек эрзянь бюронть коряс. Саемс хоть чуваштнэнь. Сынст тевест моли парсте. Минек, эрзетнэнь, роботась ков гак а маштови. Ульяновский губернясо эрзянь учительтнень таркастост пансть чуваштнэнь жо таркастост а токить. Истя ульсь секс, што минек бюрось Московсто те тевенть кувалт мезеяк эзь серматт. Минэк ялгатнэ удость Наркомпросонь трокс эряви хлочамс штобу пекстазь эрзянь школатнэнь одс панжовлезь.
Эряви хлопочамс. Алатырень рузонь педтехникумонть теемс эрзянь педтехникумс — те ено эрить ламо эрзят, а тонафтнемс тенст а косо.
Московкин. Сайгушкинэнь докладонзо ды вана весе ялгатнэнь кортамост кувалт миненек неяви, кода берянстэ роботась минек Наркомпросонь эрзянь мокшонь бюрось. Сон а соды зняро минек од ломатнеде тонафтнить ВУЗ‘-тнэнь эйсэ. Пензань губернясо эрить весемезэ 20% эрзят ды мокшот. Сынст эйстэ покш учебной заведениятнэс тонафтнить анцяк вейке процент, мокшонь цератнэнь таркасо тонафтнить руст. Те тевенть ланс бюронтень эряви варштамс седе парсте.
Ламо эщо ялгат кортасть центрань бюронть роботанзо кувалт. Прениятнэ лоткасть позда чокшнэ.
Прениятнэде мейле Сайгушкин ялгась ефтась заключительной вал.
Сондензэ мейле таркасто сазь делегатнэ ефтнесть кода тевесь моли эрьва губернясо.
Седе мейле промксось центрань бюронь робота и таркав роботанть кувалма тейсь истямо резолюция.
Резолюция |
Центрань эрзень-мокшонь Бюронь ды таркава роботыцетнень евтнемаст кувалт, кода ащи тунавтума тевесь зрзя-мокшо ютксо. |
Кулцономадост мейле промксось мерсь: |
1) а) Эрзень-мокшонь народонть коряс, тонавтома тевсэнть роботыцянок пек аламо. б) Те шкас тевень ветямо аракшность кить понксть. в) Аламо пандсть жаловнянть. Центрасо ды таркава тонавтума тевень ветицетне пек эсть бажак (стараяк) эрзень-мокшонь ютксо тонавтуманть кувалт. д) Центрасо тевень ветицетне парсте эсть сода таркава тевень ветямодонть, тонавтума тевденть. Тень кувалт эрзя-мокшо ютксо тонавтума тевесь мольсь берянстэ.
2) Те шкас апак ловт зняро школанок, ды эрьва тонавтума тарканок.
3) а) Аламо школанок, эрьва кодат тонавтума тарканок. Конат улить, нетькак эль каладыть. Эрявить витемс-петемс. Асатыть киниганок, ды лия эрьва мезенек, конат эрявить тонавтума тевсэ.
б) Кона-кона губернятнень эзга ламо пекснесть эрзень-мокшонь школатнеде, да эрьва лия тонавтумань таркатнеде. Неень шкане те велть берянь тевь. Истя эрзя-мокшо ютксо танавтума тевесь курок а витеви ды парсте а тееви.
в) Эрьзянь-мокшонь школатнень эзга ламо рузонь учительть. Эсь кельсэ тонавтума тевесь рузонь учитель марто а витеви. Эрьва народонь эсинзэ кельсэ тонавтумась паронзо невтизе. Эсь кельсэ тонавтумась седе чождыне.
4) Аламо мезе ульнесь теезь эрзень-мокшонь учителень переподготовкань ды промкснэнь кувалт, косо бу весе тонавтыцетне арсевлизь думсевлизь тонавтума тевенть эрзень-мокшонь школасо.
5) Арасть покш школанок (семилеткат, II ступ), арасть сюро-видицянь од ломанень школанок. Лия вишка народтнэнь эйстэ тень кувалт минь кадовинек удалов.
6) Совпертшколав, рабочей факультетов, ды высшей учебной заведенияв тонавтницянь пурналчсто аваныть истялю тев ланкс: минек эрзятне-мокшотне весемеде пек удалов кадовсть, сынст пельде эряви седе ламо пурнамс тонавт неме, седе курок анокстомс юткстост тевень ветицят.
Весе нетне берянь таркатнень витиманть кувалт промксось мере теемадо истя: |
I. а) Центральной эрзень-мокшонь Бюрос аравтомс тевень ветямо колмо ломать. Пурнамс седе паро тевень ветицят, тевень содыцят. Пандомс тест паро жаловня. Эрямо чисэст нужа иляст ней.
б) Уездга, нар обр. отделтнэнь эзга арафнемс эрзень уполномоченнойть, косо эрзетнеде 10% (сядо ломансь кемень эрзят-мокшот).
в) Центральной Бюросо тевень ветицетненень эряви иестэнть ютамс губернятнень эзга. Губернясо тевень ветицетнень тердемс иенть весть тевест ефнеме центрав. Иенть кавксть губерняс пурнакшомс весе уездной эрзень-мокшонь уполнолчоченнойтнень. Губернясо тевень ветицетненень иенть перть ютамс уезнэнь ланга.
г) Эрьва иене уездга, губернява ды центрасо тейнемс эрзянь-мокшонь тонавтыцень промкст.
д) Таркасто кармить кучнеме центров сермат, козой сермадсызь кода косо молить тонавтума тевтне. Центрасо тевень ветицятне не серматнень кувалт кучнест эрьва губерняв сермат, косо эряви ефнемс кода косо ветить тевь, мезе арсить тееме, мезе и кода эряви теемс.
II. а) Содамс зняро весе эрзя-мокшо ютксо роботыцятнеде, кие кодамо роботникесь. Центральной Эрзянь-мокшонь Бюрось содазо эрьва роботыценть эйстэ.
б) Ловомс весе эрзень-мокшонь тонавтума таркатнень, школатнень, пакшань кудотнень, ловнома кудотнень, библиатекатнень ды лият кодат тонавтума таркатнень.
в) Содамс зняро весе эрзетнеде ды мокшотнеде эрьва губернява, ды уездга. Тень кувалт карми неявомо зняро козой эрявить эрьва кодат тонавтума таркат.
III. а) Содамс зняро весе школатнеде. Пекстасьнень панжовтомс.
б) Кода ней, истя мейлеяк эряви паншнелчс одс школат, витемс-петемс ташнэнь. Хлопочамс Наркомпросонть икеле, эрьва кодат велень кудотнень максневлизь школьной советс, тонавтума кудо алов.
в) Истят таркатнень эзга, косо ламо эрить эрзят-мокшот, панжомс покш школат (семилетка, II ст., сюро-видицянь од ломанень школат, эрьва кодат техникумт).
г) Косо ламо эрзят-мокшот паншнемс раионной библиотекат, покш школат, косо танафневельть аволь анцяк пакшат, покшт-как.
д) Эсь кельсэ тонавтомась паронзо невтизе. Минек ламо эрзень-мокшонь школава миньцинек тонавтыцянок. Промксось мерсь:
1) Вешемс Нар. Обр. Отделтнэнь кедстэ весе эрзень-мокшонь учительтнень, конат тонавтыть рузонь школава, кучомс эрзень ды мокшонь школав. Икельгак эряви анокстамс тарка. Беряньде иляст ней.
2) Весе рузонь учительтнень, конат тонавтыть эрзень-мокшонь школава ды содасызь эрзень-мокшонь келенть кучнемс курсов, эрьва кодамо экскурсияв.
3) Сы иенть теемс Центрас курст эрзень-мокшонь учителень переподготовкань кувалт.
Эрзень-мокшонь школава эсь кельсэ тонавтумась — од тев. Тевень ветицетне аволь весе парсте содасызь те тевенть. Центрасо эрзень-мокшонь Бюронтей эряви сеедстэ лездемс те тевсэнть таркава роботыцетненень, косо кода эряви невтемс.
Ней эрявить пек ламо эрзень-мокшонь учительт. Промксось мери; рузонь педтехникумга седе ламине аравтомс тонафнеме од ломать эрзя-мокшо ютксто.
Толкайской эрзянь-мокшонь педтехникумонть аравтомс Самаров. Алатырской педтехникумонть теемс эрзень-мокшонь педтехникумкс.
Починковской, Казанской ды Приуральской чувашонь педтехникумс теемс эрзень-мокшонь отделеният. Весе педтехникумтнень ды отдетелиятнень эзга меньгак сокращеният а теемс. Весек сынст кирьдемс государствань вийсэ.
з) Теелчс седе ламо библиатекат, ловнома кудот, ликпункт. Наркомпрос сермадозо весе губернява народной образованиянь отделтнэнь эзга, кода кармить панжомо эрьва кодат тонавтума таркат (полит-просвет), явшимс истят таркатнень эрицянь коряс. Икелевгак панжомс навтнеме, седе курок анокстамс юткстост тевень ветицят.
истят таркат вишка народтнэнь юткова.
и) Витемс тонавтума таркатнень ды тонавтума тевенть икелевгак истят губернятнень эзга, косо эзь чачо сюро. Ваномс урускинь (сиротань) пакшань пурнамонть мельга. Теемс истят кудот, козой сынст пурнамс тонавтнеме.
к) Путомс вий ды ладямс пионерэнь тевенть. Теемс курст, косто нолдамс пионерской тевень ветицят.
л) Центральной Бюросонть ды губернява витимс научно—методической комисиятнень тевест. Виелгавтомс сынст тевест эрзень—мокшонь тонавтума кинигань нолдамсто.
м) Минек арасть школадо икелень (до школьной) тонафтума тарканок. Истят тонавтума таркатне икелевгак эрявить теемс—панжомс.
у) Эрзетне—мокшотне пек весимеде кадовсть удалов. Совпартшколав, Рабофаков ды ВУЗ-ов пурнамсто а стувтомс эрзетнень—мокшотнень. Аравтомс тонавтнеме седе ламо эрзят—мокшот.
н) Казанской Рабфакс панжомс эрзень—мокшонь отделения.
Весе нетне тевтнень теемстэ—витемстэ лездэзэ Наркомпрос. Мерезэ лездэме весе таркава тевень ветицетнень.
Лия масторга. |
Магдональдонь морозо моравсь. |
Англиской парламентэнть нолдызь. Магдональд министэрэнзэ марто туи отставкас. Парламентс улеме кармить одс пурнамот.
Китайсэ туремась яла вивгады. |
Китайсэ туремась ала виелгады. Ульнесь покш сражения Пекинэнь ды Мукденэнь армиятнэнь ютксо.