№ 32 | ЯКСТЕРЕ ТЕШТЕ. | 3 |
Минек велень кулят. |
(С. Н.-Ичалки, Кемлянск в., Лукоян. у.). |
Сех покш тев велесэ советэнь д‘председателень путома. Те иестэ 28 сент., весе Горась, чокшнэ пуромсь—теемсь, велень кудонть ваксс — путомо од совет. Теде икеле, озадо ащимстэ атетьне кортнить ташто председателенть эйстэ, сондо паро роботамодо, конань сон тейсь кафто месецень службастондо эрезь. Весенень сон маряви пек ён т. к. сондо эйстэ икеле Горасо арасиль мезеяк, сон-жо т.-е. Чистозвонов Ив. Ив. — ялгась, кодак сась весе, велень хозяйстванть, стявтызе пильге лангс. Сельскоинть теевтизе паро кудокс, козонь ней можна совамкс, штызь сондо мерезь весе кудонть, вальматнень путовтынде, рамсись потмозондо эрьва-мезень эрявикст вещьть. Пожарной обозонть теизе, весе, мезе эйзынзе эряви теивсь, ну мерьмекс весе тевтне сондо молильть парсте. Только Чистозвонов ялгась — аламодо ломанесь писе и пурды аванть кеждямо шкастондо, сень-гисэ сондо—районозо апек вечксэ.
Кармасть ветямо пуромкс. Горань ломатьне, конатнень кецтэ сон сайсь эрьва-мезень Государств. сборт, мезе тенст пек авечкеве — Чистозвонов ялганть, мекив председателекс эзизь пут. Сеске предВИК, Рыбенков А. П. ялгась — конась нейсэ и содасы сондо роботандо — арць Горав и 1 окт. чокшнэ-жо тейсь пуромкс конань лангсо весе эрьзетнень евтнизе роботандо Чистозвонов ялганть, весе паро тевендэ сондо и ён чиндэ, алкстась весенень то если сон карми апарсте обращаться ломань марто сондо сень-гисэ кирьхтясызь (укротят). Чарькутсть эрзетне кодамо паро ломань сынь меньстекшнесть и ве-вальгийсэ путызь мекив сондо весе райононть лангсо эсист-покшокс.
Паро роботыценть, весе несызь и астувсызь колияк и сынь чарькутсть што весе налогнэнь и сбортнынь пандомкс ерьва-шкасто и кош-кининь эряви.
Секретарь Н. С. Горбунов.
Вирьтеме эрзят. |
Кодак пачкудят ош пандопрянтень ровна таркасо чок кедь лангса икилеть неявить мень бути олго куцят ды раужо поколть турба марто. Те мень истямо, веле чтоли? Или ощо мезеяк? Отвечеть карчузут: Те эрьзень велить мейльцикь аштить-Ташто-Демавеле ды Ташто-Захар веле. Ютамоткак пелят ульцяванть. Кругом анцяк олго. Порядкасонть паро кудот аламо — муят анцяк колонькеминь кудо ютазь вейке паро кудо. Кудотне сякой формасо аштить эрьва енов чиримизь чок ирицтэ ломать. Вакскаст пелькс ютамсак — секень вант сяуре лангузут и чавуват алонза. Конат мода поц чувсть варят. Тосо эрить чок кажваршт. Беда не эрзетнинь эрямост ды палцть ощо. Пожарсто остаткаст розорявсть. Кода а палумскак? Кругом таго-жа яла олга. Толось олгонть пекь вечксэ. Кодак кирвазе, то мерть велинть пелеза арась. Кевкстимс вирист, можоть, арась не эрзетнинь? Вирист ряц мартуст. Тинге пиристкак вирцэть — анцяк пек уш вирись покш а керяве. Вирцэнть дажи овт улить пешкс роштя прява эрить ды пештеде ярцыть... Ловныця, аздан кемат арас тон? Пешкс роштя ланкса офтось аштэва или арась? Наверно, мерят те алясь кенгели али пеиткшны. Не эрзетнинь вирист вишка рощынеть, кона анцяк тенстекс ды илеекс маштови. Хлопочеть эрзетне 15 али 20 вальейпе эйстуст Сурань вирь — Пензань губернянь. Тосо тенст а максыть вирь. Лесничий мере: Тест тынь авуль миникь ломатне — лия губернень. Миненик тынь апак крепакт. Монь тыненк фондом арась. Ступайте амаксан тенкь вирь. Эрзетне чарыть чарыть ды туить. А се виринть максы маласо эрицянень, конань кудост истякак покшт ды парт. Икилист валяхт бунтонь бунт. Пичэнь балкатнинь эйсэ керцить пенгикс ды усксить Пензав базарув микшнеме. Минекь эрзятне центраваяк хлопочеть. Центра максы тенст разрешения. Г.Л.О. тожа а отказы, а лесничий седе курок Леонидовской лесничестваста явшизе виренть лиянень. Эрьва канцелярской волокитат ефни эрзятнининь. Бедной эрзятне таго истяк туить. Эрзянь газет „Якстере теште“ и эрзянь центрань роботникть, пособлядо бедной эрзятнининь ведь теленть сынь кельмить кудофтомо и пенгефтеме.
Веленьэриця Кочетов и |
робочей ст. Пенза Р. У. ж. д. Архипов. |
Кооперациядо. |
Кода велесэнек теевсь кооперация. |
(с. Напольное, Алатырского уезда, Ульяновской губернии). |
Тедиде тельня февраль месец. Напальновской комсомол, культкружоконь члент волостень председатель партийной Смирнов ялгась кармасть кортамо кооперациядо. Истя жо сестэ секе читнестэ сась кооперациянь организатор Алатырсте Гурин ялга. Сеяк покш поддержка максь. Берянстэ эрзятне совасть организациясте, но зато весе комсомолецтнэ и драмкружэоконь члетнэ совасть тозой. Канцть взност и кармасть тейме потребительской кооперация. Пуцть тензэ лем „Ключь“. А ерзятне кортасть:
— Комунистнэнь тевест теке а карми молеме. Вот ульнесь уж минек велесэ истямо кооперация. Заведующейсь как ульнесь тосо Прибыловской поп. Уж поп тевсусть ветясь, теке мезеяк арасель. А ней тосо председательсь кодамо бути легачь Ваня...
— А карми лисиме тевесь, мери омбоцесь. Но тевензэ кооперациянь пек молить и эрзятне стяко кортасть. Товар ней тосо муят ерьва мезе и ней уж эрзятнеяк кортыть лиякс:
— Ваныка кооперациясь кода вий кармась саеме да ведь мезестэ? Ерьва кодамо тосо ней товар. Легачь Банясть сялдынек, да стяко — сон тевсэсть вети пек парсте. Еряви членкс совамс монень гак!.. Нев минек велень кооперациясь теевель сонцинзэ средствасо эрзяне библиотека и ловнумо кудо. Еше велень ячейкатненень гак, косо коперация арась пароль, бу теемс истя жо!
Куторкин.
Эсть вано атятнень лангс. |
Умок думсисть ташто демат тееме кооператив, ды яла пельсть икилинь кооперативтнень кувалма. Кодак лецтят кооперативде, атетне мереть: „Ламо минек велесэ ульнисть кооперативть, ламо взнос каинек, а толк арась, весе тукшность пряст лангс„.
Эсть ван од цёратне атетнень лангс, пурнасть 60 пай и тейсть лавка. А козонь эсть сато ярмакост — каясть сюросо, кона 10, кона 5 понт, а ве ялга каесь 46 пондо 23 фунт розь зернанзо пес.
Ней кооперативенте усксть товар. Торговлесь пока моли парсте. Улить оц совицят пайс.
Сокиця.
Кить эщо? |
Казаньсэ эрзень роботникне пурнасть кружок „Друзей газеты“. Те кружоксонть тонавтнить газетс сермадомо. Ламо кучсть редакцияв статьят.
Нетне кружокне кармить лездэме газетнэнень.
Кружоконть пурныцязо Калганов ялгась.
Паро тев ушудыде ялгат.
Кить эщо?
Сокамо-видиман тевть. |
Илядо кола озименк эйсэ. |
Илядо ван озим ланга скотинат. Скотинань ваномась пек гади озимтнень эйсэ. Секс сюронокак эрцить берять. Илядо нолтне озим ланкс реветь. Ревесь озименть кореном таргасы.
Веленек тееде приговор, анолдамс озимь ланкс скотинань ваномо.
Кие нолды — сень пельде штраф саемс.
Акулцоныцетнень велесь куш знярдо ноцковцынзе. Анцяк веленек меремс, озим лангов анолдамс скотина. Кияк а карми велень карчо молеме.
Паро сюро видиця анолдасы скотинанзо озим ланкс. Анцяк сюпавт, конань ламо скотинаст, мерить ваномад озим ланга.
Скотинась пек ламо тапи ды вали озимь. Арседе весенек тень кувалт. Илинк кат озименк тапамс.
Скотинась ламо зыян теи озиментень.
Скалось ламо озимь тапи. Ревесь седеньгак ламо гади. Сон озименть кореном таргасы. Мейле уш одс те озимесь а туи. Знярдояк илядо нолтне реветь озим ланга.
Скотинась човорясы озименть рудаз марто. Копытасо теить следт. Нетне следтнэнень пиземене пурнави ведь. Ведесь прядцы озименть.
Лият арсить (думить), озим ланга ваномась пародо башка мезеяк а теи. Лия иене озимтне сексня пек касыть. Сэрей озимтне лов ало курок преить. Секс, мери, эряви нолтнемс озим ланкс скотина, кона а кацы озименть пек касомо, ды сееде таркатнень чуролгавсынзе.
Тевесь аволь истя ащи.
Скотинань ваномась ламо зыян теи озиментень. Секс, косо озимь ланга ваныть скотинат, тосо паро сюро знярдояк а пурнакшныть. Косо скотинат а ваныть, тосо сюрояк кавксть седе ламо саить.
Кода теемс, знярдо озимтне пек касыть.
Кода озимтне пек касыть, сестэ сынст эрявить ледемс, анцяк аволь пек алга.
Кода пры кельме, озимтне лоткить касомадо, сестэ нолдамс анцяк скалт.
Начко пиземе чине аэряви нолтнемс. Сестэ модась пек чевте ды рудазов. Истямо чине ламо скотинась гади озим.
Жадной скал лиясто куломазонзо ярцы.
Таркава таркава ламо скалт кулцить озимтнеде. Знярдояк лучи а эряви нолтнемс озим ланкс скотина.