| № 33 | ЯКСТЕРЕ ТЕШТЕ. | 3 |
Истя маньчеме можна ульнесь аволь кувать анцяк крестьянтнэнь. Большевикне февралень революциянь читнестэ те тевденть содасть и сеске кармасть тердеме робочейтнень и крестьянтнэнь эйсэ лия революциянь тееме, буржуйтнень ды помещикнень сявдикс ланга чавомо.
Робочейтне куроксто фатясть и большевикнэнь марто кармасть анокстамо од революция. Октябрень читнестэ весе фабрикатнэва и заводга ульнесть уж анокстазь ружият и патронт. Знярдо сась ульцяв лисима чись сюпавтнень марто тюреме, сынь те оружиянть явшись эсь лангаст.
Октябрянь читнестэ робочейтне салдатнэнь марто вейцэ листь ульцяв и кармасть тюрьме буржуйтнень ды помещикень правительстванть карчо и теизь Октябрской революциянть. Октябрянь 25 чистэ (ташто стиль) робочейтне сокицятнэнь марто вейцэ саизь эсь кедезэст властенть — тейсть Советэнь власть.
Октябрянь революциянть теинек шождынестэ — кавто колмо чис, но мейле ламо ещо савсь тюремс верень потицятнэнь марто. Ламо робочейть и сокицят путызь пряст советэнь властенть кис. Не ломатнень трудицятне знярдояк а стувтсызь.
Робочейтне и сокицятне ламо вий путсть, но эсист Советэнь властенть кирьдизь.
Ялгат! кода Октябрянть теинк робочейтнень марто кетте кец кундазь парсте, истяжо мартост тееде эсинк паро эрямо чинк.
Шабалов.
| Мезе макссь Октябрьской рево- люциясь аватненень? |
Ава ялгат! сисимь иеть топоцьть, кода теник лома ряцо кармасть мода максомо и ломанькс ловоманок. Октябрянь революциясь ве енов айгизе седе икелень пословицаньть: „Авань черь кувака, а превензо нюрьканят“. Чачиньдеряй тейтирь тетязо авазо ней уш а машнить седе икилень лацо: Икеле кой кона аваньтень мирьдинь пельде як сатукшныль тейтерень чачтумга.
Не тефть ульнекшнесть, хуть чачтый
| Октябрянь революциянь читьнестэ робочейть автомобильстэ леднить белогвардеецтнэнь. |
аваньтяк и од чачий тейтирь эйкакшонть чумост арасиль. Ней тейтирь авадо анук кшиде ярцый кияк амере — мода максыть кажнуй мода ланксо трудицятнэнень церанек, аванек мода максыть вейкецтэ.
Равноправия тейтирь ава получась аньцяк Советской Россиясо революциядоньть мейле. Кодамояк лия государствасо те шкамс еще арась аванень истямо права. Революциядонть мейле весе трудиця народось вана уш сисимь иеть теи од эрямо, кода эстензэ эряви и кола тензэ седе паро. Трудицятнеде пелест тейтерть ават, сыненст тожа вэ пэльде ванумс а эряве те тэвеньть ланкс, те тевись эрьва трудиця ломанень тев.
Минь инязоронь властень пельде получинек проклятой наследия — прумксцо аванень а месть тейнимс, веле ютков виськс лисимс. Мезе аваньтень кадувкшнусь тейнимс? Пецька икилькс и лопафнима очко. Косо сон песчуфтодо и каргуць муськимадо башка мезияк а неель.
Октябрьской революциясь аванинь максць вейкить цера марто прават. Аватненень цера лацо эряви прумксув якамо велинь тефть решамо, од эрямонь тееме. Эрьва аваньтень эряве содамс месть велисоньть тейнить.
Кодамода явшить, кода школасуньть роботыть, месть кооперациясоньть теить.
Ленин ялгась ве авань собраниясо мерьць, что социализмась (паро эрямо, кода буржуйть а улить и паро чись ули веси нарадонь) ули сестэ аньцяк, кода веси трудиця аватне кармить од пингень теиме, паро государствань строямо!
Истя, ава ялгат, карматанок од эрямонь теиме, чтоб истяк иляст емсе Октябрьской революциянь максуфт праватне.
С. Архипова.
| Оkтябрень Революциясь паньжиньзе шkолань kенkшнень трудицятнень. |
Сисемь иеть ютасьть се шкастоньть, знярдо сюровидиця марто робочейтне ертызь икелень властеньть, знярдо Коммунистической партиясь ды Советне саизь эсь кедезост Россиянь келес властеньть. Шкась байтяк ютась, а нейгак яло астуфтуфтувить инязоронь властеньть апаронзо. Весе трудицятнень ланга сон нарьгась, а вишка наротнэнь ланга нарьгамозо пезэ-як арасель.
Варштатонок, кода инязороньть пинкстэ мольсь трудицянь тонафтума тевесь Ламо кортамс тень кувалт а сави. Инязаронь правительствась панчлесь сокеця-видицятнень аньцяк велень школат, косо тонафцьть аньцяк ловномо, кой-кода сермадомо ды ловомо и псалтирень ловномо. Сон парьсте содыль, што чопуда народось седе чождине кирдемс ды вересь эйстэнзо потямс.
Секс эзь нолда икелень правительствась трудицянь пакшатнень начальной школадо башка лия школав. А штобу те тофниманьть эйстэ-як кинь-гак сельмест авольть паньжовт, весе вишка наротнэнь (эрьзятнень-гак мартост) тонафцть рузонь кельцэ. Сы эрьзянь пакшинесь школав, ве вал-гак рузонь а соды, дух рускс а чаркоди и попугай лацо учителеньть мельга корты. Ламо апак корта тевесь мольць евксоньть лацо: „Ярцамксоньть нефцызь, а андоманьть а антадызь, аньцяк цют-цют нолцемс теть максыть“. Вана истя пищсть эрьзянь-мокшонь пакшатне. Арцевсь пезэ-як аули те пищеманьть ды народ лангсо нарьгамоньть.
Вана трудиця народонь кежензо топоцть, весе трудицятне паньжизь сельмест и Коммунистической партияньть пособлямонзо марто каизь кецтост-пильгстост кшнитнень. А Советонь властесь чи валдо лацо валдомтызе трудицятнень эрямост.
Весемеде икеле кундась сон народонь тонафтума тевеньти. Нолдась декрет, конань кувалт трудицятненень паньжизь эрьва мезень школань кенькшест. Те декреттоньть мейле удалцитне арасьть икелевь, икельцетне удалов. Эрьва школас кармасть примамо анцяк трудицятнень, беднойтнень.
Кармасть паньжомо оц эрьва мезень школат. Штобу седе вадрясто вишка наротнэ чаркодевлезь тонафтоманьть Советской властесь октябрень 31 чистэ 1918 иестэ нолдась истямо декрет, конань кувалма весе Россиясо эриця виш-
| Франция. |
Французонь буржуйтнэ пеист эйсэ порсть октябрской властинть лангс эрьва киди ламо, сынь ютавсть ярмак советэнть маштомс Англиядо ламо, сынь аньсть Колчаконь, Деникенень и Врангелень армиятне эйсэ, французонь буржуйтнинень акона пельде ульнись самс минек лангс, сынь кучокшнизь флотост Черной моряв и хотели леднемс Одессань робочейтнень, но тесэяк сынст тевист эсть листь. Французонь мотроснэ (робочейтне) эсть кармак леднеме и эзизь кунсолок командирыст, французонь матроснэнь ютксо те тевинть теизе Марти ялгась (Марти ялгась французонь матрос) сон ней аумок сась советской масторов госькс.
И истеняк весе масторонь буржуйтне кружакшнизь минек советской масторонть кшнинь кольцяс (блокада) минек марто эсть кортак и эсть торговак.
| Вачодо 1921 и 1922 иеть. |
Весе, кода минек буржуйтнень истя-жа чи лия масторонцетнень минь невтенек кода машты минек советской богатыресь сынст пряст сезнеме. Эзинек кенирть аламушкадо оймсими, Советской властинтень сась ютавтомс вачодо ие. Комсветие миллион ломать эрясть пельс кулозь. Ульнисть таркат косо-косо ярцасть ломанень сывельде.
Вана ялгат кода варштат удалов и парсте думасак кодамо ульнись эрямусь советской властинтень то мерят, что да!!! Робочеень и сокицянь властись богатырь!
| Мези максь миненек Октябрской революциясь. |
1) Нельгинек бояртнынь, попнень и кулакнень кецтэ модаст и именияст конань явшинек сокицятнень ланга (аньсяк 36 губернява минь нельгинек комськолмово миллион десятинат).
2) Нельгинек весе заводтнень, фабрикатнень, банкатнень, чугунка китнень и ламо лиятнень, аньсяк аволь минек буржуйтнень кецтэ но и заграничной—тнень кецтеяк конат ульнисть Россиянь масторсо, Киненьдяк нетнень кис апантанок янгазь трешникак.
3) Пурдынек пряст весе минек верди симиця генералтнень и сынст офицерэнь армияст, а конат кадовсть живстэ сетнень пургавтынек. Косой нумоло лацо кавто миллион нетьне тандавтозь нумолотне орготсть границянь тона пелев, косо властись буржуйтнень кецэ. Сынь ней авардить и вешить советской властинть кецтэ прощения и ламунь ули мелест велявтомс аньсяк мэкив, но уж ауль инязоронь масторс — советской масторс и роботаму.
4) Теинек и пурнынек—сэрнинек Красной армия конатань эйстэ ливтсть якстере искирькат, коната пурьгиникс ранги ендолокс вярьгиди конатань эйсты буржуйтнень прякедист стить дубошком. Коната кармавтынде весе масторонь буржуйтнень — советской властинть меленде ваномо.
5) Теинек Коммунистической Интернационал коната весе масторга робойчейтнень стявтынде пильги лангс, сынь тейсть эсист масторга минек лацо Коммунистической партият конат пособлить минянек и конатнэ анукстыть пряст эйсэ минек лацо эсист буржуйтнень пряст сезнеме.
6) Ваньскавтынек весе учебной заведениянок косо ней тонафнить минек робочеень и сокицянь эйкакшне, косто курок кармить лисеме эсинек: агрономт, инженерт, докторт, учительть и лия ламо тонавтозь ломать.
7) Нолдынек кемивь ярмакт, конатнэ питнейть буржуинь ярмакниде.
8) Кавксоце и‘е плотнасто кулаконок эйсэ киртянок буржуйтнень карчо и дружнасто мольтянок Коммунистической партиянть марто кияванть, конатань невтезе минянек Ленин ялгась.
| Кармавтынек мартонок кортамо. |
Красной армиясь, Коммунистической Интернационалось и эрьва масторонь робочейтне кармавтызь буржуазной правителстватнень минек советской властенть меленде, ваномо. Советской властенть законнойкс путызь (признали) аньсяк 1924 иестэнть вана зняро буржуазной государстват: Италия, Англия, Норвегия, Швеция, Дания, Греция, Албания, Мексика, Австрия, Венгрия. Те иестенть-жа Китай кучсь минянек посол, и минь кученек тов Карахан ялганть посолкс минек пельде. Япония марто Карахан ялгась-жа вети переговорт, сон истя-жа Советской властенть путы законнойкс. Французонь правительствась октябрянь 28 чистенть 1924 иестенть путызе (признал) Советской властинть законнойкс. Французонь буржуйтне учость сисем иеть Советэнь кулома чинды эйсэ. Но сынь манявсть — Советской властись акулы знярдояк.
Нетне буржуазной государстватнэ куваць учость Советской властенть кулома чиндэ эйсэ, но сынь манявсть пек. Минек виенек касы эрьва иестэ богатырь лацо, Советской властенть эйсэ вете минек стальной Коммунистической партиясь Ленин ялганть киява.
| Мясть эрявить тейме Советской властинтень. |
Сисемь иес теинек тевть ламо а икилев кадувсть тейме седеяк ламо. Ленин ялгась мерсь, что Советской властись ванстуве сэстэ кода плотнасто робочей класось карми кирдеме Союз сокицятнэ марто.
Те союзось кеме карми улиме сестэ, кода сюронть-скотинанть питьнезэ карми улиме вейкитстэ фабричной товаронть марто. Тевись те покш курок атеиви, заводонть витемазо стака, но теимс эряви, седе бойкасто. Дешева кши робочеентень, дешева товар сокицянтень. Коммунистической партиясь терьди робочей класонть, чтобу сонзэ фабричной товарондо улист седе дешеват. Советской властись те тевинтень кундась робочейтненень и сокицятненень эреви соняндэ пособлямс.
Чумбрасто эряк Советской власть — тонь марто кутмордазь молить робочейтне и сокицятне.
Чумбрасто роботак комунистэнь партия тонь эйсэ кунсолыть сокицятне и робочейтне.
Г. Баранов.
