|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| ||||||||||||||||||||||||||||
| № 34. | 16 ноября 1924 г. | № 34. |
| Сокицятнень партияс примамонь кувалт. |
Центральной Коммунистической Партиянь Комитетэсь сокицятнэнь партияс примамонь кувалт кучсь таркава Губкомтнэнень, Обкомитетнэнень, Крайкомтнэнень истямо серма:
Ней велева улить ламо истят ломать, конатнэнь ули покш мелест велень тевсэ роботамо, конатнэ весе виест максовлезь советской роботас, конань ули покш мелест совамс партияс. Истят ломатнень ве енов, ве пелев айгемс а эряви. Эряви сынст аравтомс тевс, максомс кодамояк общественной, велень робота. Ваномс мельгаст, кода сынь роботыть. Бедняктнэнь ды средняктнэнь ютксто се ломатнень, конатнэ вадрясто нефтизь эсь пряст велень тевсэ, кеместэ ащить Советской властенть ды Коммунистнэнь Партиянть кис, эряви примамс эсь юткозонок Коммунистической партияс.
Центральной Комитетэсь тень кувалт сермады:
1) Партиянень эряви парсте ваномс кода роботыть велень ячейкатне, волостень партийной организациятнэ. Нефтемс сыненст, кода седе вадрясто ветямс партияс примамо тевенть.
2) Сокицятнэнь партияс примамсто зряви теемс партиянь кемголмовоце промксонь постановлениятнэнь кувалт. Ламо губернява ульнесь теезь разверстка косо зняро можна улевель сокицятнэнь примамс партияс. Ней те разверстка лангс ваномс а эряви.
3) Партияс примамсто икелевкак эряви терьдемс велень хозяйствань робочейтнень, батрактнэнь, беднойстэ эриця сокицятнэнь. А пекстамс партиянь кенкшнэнь, среднякнэненьдяк, конатнэ ульнесть Красной армиясо, нефтизь тевсэ партиянь ды Советской властень кис кеместэ ащимаст. Седе ламо совавтомс партияс вадрясто роботыця велень комсомолецнэнь ютксто ды эрявить терьдемс авань ютксто делегаткатнэнь. Эряви пек ванозь примамс партияс истямо ломаненть, кона сонсь а соки, а види, косо як служи (писэрекс или счетоводокс).
4) Ламо велесэ улить сокицятнэнь ютксто истят ломать, конатнэ весе виест, весе пингест путовлезь Советэнь властень кис, конатнэнь умок седеест Коммунистнэнь партияст маро, но анцяк не ломатненень эзь невтевть пряст кодамояк велень общественной тевсэ, эсьть кенерть анокстамо пряст партияс. Велень ячейкатнэнень эряви истят ломатнень анокстамс партияс совамо. Ячейкатнэнень максофтомс сыненст эрьва кодамо общественной тев (взаимопомощен комитетсэ, покш ломатнень сермас тонафтума тевсэ, весе масторлангонь обществасо помощи борца революции (Мопр) и лия робота). Ячейкане не ломатненень эряви нефтемс кода сыненст кармамс роботамо ды ваномс кода нефтсызь эсь пряст тевсэ.
5) Од члентнэнь примамо тевенть маро партиянь организациятнэнень (Укомтнэнень, Губкомтнэнень, Волкомтнэнень) эряви весе вийсэ яла паролгафтомс велень ячейкатнэнь, ваномс коммунистэнь мельга кода тонафтнить кода эсь пряст кирьдить. Кона коммунистэсь эс прянзо кирьди беренстэ сень тевензэ ваномс контрольной комиссия маро ды берянь ялганть панемс партиясто.
6) Сокицятнэнь партияс примамо тевенть ды ячейкатнэнь паролгафтума, тонафтума роботанть эряви ветямо эрьва чистэ эрьва шкасто (времасто) апак лотксе. Те роботанть кувалт волкомтнэнень ды велень ячейкатнэнень яла эряви макснемс указаният.
ЦК кармафты губернской и областной комитэнь секретартнинь подробна сермадомо отчетост эйсэ кода ащи роботась велень ячейкатнэва.
| Центральной Комитетэнь серманть. Подписал секретарь ЦК В. Молотов. |
| Задачаст эрзянь-мокшонь ком‘ячейкатнень комсомолонь и пакшань |
| ютксо работанть кувалт. |
Кодамо значениязо велесэ комсомолонть ней весе марцизь и содасызь. Тень кувалт минек партиясь эсь с‘ездсонзо эрьва иестэ веси партиянь члентнэнэнь макссни указаният, кода ячейкатненень ветямс комсомолонть ютксо и веси пакшатнень ютксо роботанть, кода пакшатнень, кода од ломатнень анокстамо коммунизмань кис ащеме трудицятнэнь паро эрямонь кис бороцямо. Городга и рузунь велива комсомолонть покш значениязо культурной, политической и экономической строительствасо. Минек комсомолонь ды пионерэнь организациятнэнь эрзянь-мокшонь велива сонзэ значенияст седеяк покш. Ведь минек пакшатне те шкамс кунцулыть эщо сыре бабань и атянь евкст, кемить, што улить ведунт и пелить эйстэст. Кемить—улить кудо юртонь кирдицят-юртават. Сыре бабань кунцолозь кемить тона чис ды озныть пазнэнь. Сынь тонавтнеме пек а бажить школасо. Тетяст аваст школав эйкакшост а кучить — Иля яка эйдним тонавтнеме, тосо тонадат жуликекс, лучши азю обидняв шкайнень озномо. А тосо вант эщо сыре баба или атине чеворды: „Ней мень тонфтнимат. Школасо пазнэнь озномо ды закон божий атонафтыть“. Вана кода эри минекь пакшась велесэ.
Улить истст пакшат, конатнэ тонавтниме орголить тетяст аваст эйстэ городов и нужа марто бороцить, анцяк истят ялгатнеде аламо. Улить и истят пакша ялгат, конат рад-бу кармаволь кунцуломо коммунистнэнь, но синь ве куцяс апак пурнавт. Минек коммунистнэ те шкамс аламо путыть сынст лангс внимания. Значит минек ком‘ячейкатнень и коммунистнэнь икили ащи тев, минек пакшатнень ютксо седе курок кундамс перевоспитать не одломатнень сайме минценек роботас ды анокстамс сынст эйстэ кеме ды виевь бороцицят. Беднойстэ эрицянь, батраконь и середняконь семиянь пакшатнень пурнамс ве таркас и теемс комсомолонь и пионеронь ячейкат.
XIII-ци с‘ездэсь минек коммунтстической партиянть тень кувалт весе ком‘ячейкатнень максь указаният „Молодежинь ютксо обученианть кувалт резолюциясонть, штобо веси бедной, батраконь и середняконь пакшатнэ уливилть пурназь ве таркас комсомолонь ячейкань перка. Те тевись аволь чождыне, но минек ячейкатнень сонензо эряви кундамо. Ато тень кувалт минь пек аламо теинек. Ведь минек улить ламо истят ком‘ячейкат, косо арасть комсомолонь и пионеронь ячейкат.
Примеркс можна саемс Саранской уездсэ Тавлань, Мокшалеень, Перхля-велень ячейкатнень. Не ячейкатне теезь 1918 иестэ и те шкас эщо эсть тейть комсомолонь ячейкат, эзизь пурна те шкамс эсь перькаст од ломатнень. Умок эряволь кундамс те тевентень. Карматанок ялгат роботамо, чтобу те телестэнть илязо кадовт вейкеяк эрзянь мокшонь веле, косо аволь уль комсомолонь ячейка ды пионерэнь отряд. Пурнасынек од ломатнень, эйкакшнэнь эсь перьканок. Паньсынек од ломатнень ды пакшатнень прястост религиозной дурманонть ды тонафцынекь од ломатнень од койсэ эрямо, Советской властень кис кеместэ ащеме, и коммунизмас ютамо.
Эрьва велесэ улезэ комсомолонь ячейка! Эрьва школасо улезэ пионерэнь отряд!
И. Поздяев.
| Ки седе вадрясто сермадсы Букварьде мейле омбоце ловнума |
| киниганть? |
Центральной Издателства Народов СССР яулявти теи конкурски седе вадрясто сермадсазо эрзянь кельсэ Букварьде мейле омбоце ловнума киниганть.
Конкурсонь условиятнэ истят: Киниганть эряви сермадомс ды кучомс апрелень васеньце чиньтен.
Рукописьнень карми ловномо ды ваномо кинь седе паро комиссия.
Конкурсной комиссиясь улеме карми вете ломаньстэ „Якстере Тештень“ редактор, Ц. К. эрзянь мокшонь секциянь пельде представитель, Наркомпросонь эрзянь мокшонь бюронь заведующей, Центральной Издательствань учебникень отделэнь заведующей и Наркомпроссто ГУС-онь (ГУС — Госуд. Ученый Совет) представитель.
Кинь киниганзо муйсазо комиссиясь сех вадрясто сермадозь сенень улеме карми пандозь 65 целковой эрьва печатной листэнть кис. Теде башка максыть тензэ премия — кавто сят ведьгемень (250) целковой.
Киниганть эряви сермадомс 10—12 платной листэс.
Рукописьнень эряви кучомо конкурсной комисияс фамилияфтома анцяк тешкс маро. Рукописенть маро печатазь канвертсэ кучомс конев лангсо сермадозь фамилиянть, ды тешксэнть.
Кинь кинигазо комиссия примасозо улеме карми сермадозь газетсэ май месецень васеньце чистэ.
Рукописенть эряви кучомс истямо адресэнь кувалт: г. Москва, Никольская, 10 Центральное Издательство Народов СССР отдел учебников, конкурсная комиссия.
| ОД КУЛЯТ. |
| Лия масторга. |
| Китаень масторсо. |
Китаень од правительствась панизе Китай народонь верень потицяньть, каязь инязороньть, дворецестонзо и нолдась приказ, конань кувалт лоткить тензэ жаловнянь пандомо. Англиянь, Голландиянь ды Япониянь представительтне верень потицяньть кис пшкацьть вал.
| Австриянь тевензэ. |
Австриясэ кшнинь килангань робочейтне тяйсть забастовка. Поезтнэ Австриянь келес лоткасть якамо. Правительствась лисьць отставкав.
| Чехословакия. |
Чехословакиясто сермадыть, што правительстваст думась СССР марто мирямо. Аньцяк азды кона пельде совамс Чичерин ялганьти. Пекь уш кувац арцесть.
