| 2 | ЯКСТЕРЕ ТЕШТЕ. | № 34 |
| Кода Октябрень Революцияньть 7-це иензэ |
| ютавтызь лия масторонь наротнэ. |
Весе масторонь келес: Европасо, Азиясо и Америкасо Октябрской Революцияньть 7-це иень чистоньть тейнесть бразникь.
Берлинцэ, Германиянь столицясоньть, немецень коммунистнэ те чистоньть Берлин ошоньть келес тейнисть 17 собраният, конатнень эйсэ ульнесть пекь ламо робочейть.
Французонь Коммунистнэ Парижсэ истя-жо тейнисть робочеень собраният. Не собраниятнень эйсэ робочейтне лифцть постановления: няжадомс эсь правительстваст ланкс, штобу сон теевель седе курок СССР марто кеме мир (дружнасто эрямо).
Эзизь стуфт минекь революциянь бразникенть англиянь покш ошцоньть-как. Лондонсо те чистоньть минек масторонь представителесь тейнись торжественной собрания. Те собраниянти сакшность весе лия масторонь представительтне, каязь английской робочей правительствань министратне и английской робочеень ветицятне.
Австриянь коммунистической партиянь те чистоньть тейнесь Вена ошцо демонстрацият, конатнень эйсэ ульнесть ламо робочейть.
Латвиянь коммунистнэ те бразник чистоньть нолдасьть латыжень ды рузонь кельцэ сермат (воззваният), конатнень эйсэ ефнизь мезень кувалт празновасызь мастаронь келесте чиньть, кодамо лезэ канды Октябрень Революйиясь весе мастаронь трудицятнень. Рига ошцо ламо кудот лифнесть те чистоньть якстере флагт.
Турциясо-як те покш чиньть эзизь катт празновавтома.
Персиянь столицясо, Тегерансо, минекь представительствась те чистоньть тейнесь митинга. Эйзэнзэ прумкшнось ламо народ. Ульнесть митингасоньть эрьва народонь представительть. Митинганьть прядозь, сынь кучсть Калинин ды Чичерин ялгатненень приветствия.
Япониясэ, Токио ошцо, япониянь студентонь союзось тейнись покш митинга. Собранияньть прядомадонзо мейле тейсть пбстановления, конань эйсэ ульнесь ефтазь, что япониянь студентонь союзось ащи большевикень революцияньть кис.
Китаень столицясо, Пекинсо, те бразникенть тожо пекь вадрясто празновезь. Советской посольствасо тейнесть торжественной заседания. Те заседаниянти сакшность весе лия масторонь представительтне Карахан ялганьти чумбра чинь ефтамо. Сакшность весе китаень министратне.
Китаень правительстваньть Карахан ялгась вастызэ вано кодамо валсо: Китаень масторс токатець ней стака шка. Китаень народоньти сави бороцямс эсь паро эрямо чинзэ кувалт, те бороцямось стака.
А лия масторонь державатне, эсь судост марто Китаень тевс неркснезь, те бороцямоньть седеньгак стакалгафцызь. Аньцяк пелемс аэряви, Ванодо Советской Рбссияньть* ланкс! Зняро ульнесть апаро арцицянзо ды карчо молицянзо. Весе сон изниньзе. Китаесь—как истя-жо изнясынзе карчонзо молицятнень. Карахань ялганьти отвечась Китаень правительстваньть прязо, совет министрань председатель, Ван-Фу. Сон кортась, што китаень правительствась надие получамс советской властеньть пельде паро превть, паро советт.
Китаень империализма марто бороцямо обществась кучс СССР-онь Совнаркомоньти телеграмм. Те телеграмсоньть сынь кучить Советской властеньти чумбра чи и сыньць—как надиить минекь лацо изнямс весе карчост молицятнень ды Китай масторсоньть уставамс паро эрямо.
Нейсынькь, ялгат, кода масторонь келес, эрьва иестэ прибавить Советской властеньть паро арцицянзо. А васоло ней уш се чись как, знярдо Советонь властесь саи вий масторонь келес.
М. К.
| Кода эрзятне празднувизь Оkтябрянь бразниkеть. |
Ноябрень вейксоце чистоньть Московсо Марьина роща маласо эрзянь студентне Октябрской Революциянть бразникенть кувалт тейнисть эрзянь спектакля-концерт. Спектаклядоньть икеле Васильев ялгась тейсь эрзянь кельсэ доклад: „Октябрской революция ды национальной политика“.
Докладонть мейле налксесть эрзянь пьеска: „Васьня менекшнэнь, таго понгинь“.
Спектаклядоньть мейле ульнесь концерт: морасть эрзянь морот:
1) Лугава яки сыре алаша.
2) Вирь чирисэ эрзянь церась пенк-кере.
3) Кодамо моро минь моратано,
4) Маря ащи чаво банясэ.
5) Самсон леляй ков якить?
Спектакляньти сакшность ламо эрзят — угулья микшницят. Спектаклясь ды концертось мелезэст пекь тусь.
Секе чинь чокшнестоньть эрзянь-мокшонь студентнэ морцесть эрзянь-мокшонь морот Угро-финской вечерсэ, косо эрзя-макшодо башка лиснисть эсь морост марто: вотякт, мари и чувашт.
| Эрзянь - мокшонь тонафтыцятнэнь промксонь резолюцият. |
| РЕЗОЛЮЦИЯ Эрзень - Мокшонь Издательской Секциянь тевензэ кувалт. |
Промксось мерсь: Эрзякс-мокшокс кинигань ды газетэнь еермадума* тевесь покш тевь тонафтумасонть. Те шкас те тевесь мольсь берянстэ. Парсте эсть сода мезе эрэви эрзенень-мокшонень печатамс Нолдасть истят кинигат газет, конань пек аламо ульнесть ловныцяст велева.
Промксось мери парынестэ витемс-ладямс газетнэнь. Пурнамс таркава газетс сермадыцят (корреспондент). Аравтомс уполномоченнойть губернява, уездга, волостьга ды велева. Редакциянтень сынст юткова эряви теемс паро связь.
Газетас сермадомс ламине велень тевде. Сермадомс велень чарькодевима кельсэ. А эряви сермадомс переводной статьят. Эрьва газетсэнть улезе неень эрямо пингень евтнимат (расказт) ды морот.
Газетсэнть улест эрьва кодат картинат. Сестэ газетэнть седе кармить ловноманзо.
Газетэсь берянь тевень паниця, паро превс путыця. Центрасо ды губернява газетнэнень эряви пурнамс перькаст весе тонавтниця ялгатнень ды эрьва тевень ветицятнень, конат эрьва тевсэ кармить превс путомо.
Сермадомс газетс эряви декрет.
Кадомс газетс таркине, косо сермадомс антирелигиозной тевде. Нолдамс кинижка, „кода лемдизь эрзетнень-мокшотнень“.
Центральной эрзень-мокшонь Секциянть тевензэ те шкас мольсть аволь пек парсте.
1] Нолдазь кинигатне пек питнейть, веленень а рамавить.
2) Кинигань пурнамсто парсте эсть ван, мезе эряви ней велев.
Парсте витемс тевенть — промксось мери тейнимадо конкурст (кие седе парсте сермады, сень нолдамс киниганзо). Конкурст эрявить тейнемс тонафтума кинигань (учебникень) ды эрьва лия кингань сермадомсто. Знярдо эряви капшавтомс кодамояк кинига, эряви зняроненьгак вейцэ анокстамс.
Кодат анокстамс печатамс кинигат, эряви сынст кувалт сермадомс газетс. Эрьва тевень ветицясь ды куш кие эрзя мокшо ломань евтавлизе, кода сон арси нетне кинигатнень кувалт.
Печатамс зняро, зняро эрявить велев.
Кода нолдыть кинигат велень хозяйствань кувалт, эряви содамс, месть кортыть агрономт коське кизэтьнень кувалт, ды ташто сокамо видима койтнень кувалт.
Эряви икелевгак нолдамс истят кинигат, косо улест сермадозь евтнимат (рассказт) пьесат, морот, кода седикелень истя неень. Те тевентень эряви седе ламине нолдамс тарка, лучи лия кинигат седе аламо нолдамс.
Эрьва редакциява (центрасо ды губернява) пурнамс литературной (сермадыцень) кружок.
Центральной Издательской Секцияв аравтомс тевень тееме колмо ломать.
Тердемс сермадомо газетс, ды тонавтума (учебникень) кинигань сермадомо учительтнень.
Те шкас аламо нолдазь общественно-политической кинигат. Эряви седе ламине нолдамс.
Седе курок нолдамс полной эрзень—ды мокшонь словарь.
Ваномс кода нолдыть стенной газетнэнь эйсэ эрзень—мокшонь велева.
Нолдамс листовкат эрьва кодамо компаниясто (покш тевень теемстэ) эрзень-мокшонь кельсэ.
Седе парсте ладявозо эськельсэ тонавтума тевесь школава, ды весе тонавтыцятне содавольть кода седе парсте ладямс те тевенть, эряви нолдавтомс „тонавтумань лист“ (педагогической листок) эрзень ды мокшонь кельсэ.
| ЯКОВ АТЯ. |
I.
Аволь нузякснэде ульнесь Яков атя. Роботамодо сонзэ коряс велесэнть кияк арасель. Знярдояк истяк аштемадо, а нейсак. Семиязо ульнесь аволь покш. Урьвакстозь церазо Вася, ды соньць. Бабазо Яков атянь уш умок кулось. Сонць знярдояк эзь серэле, ды сэредицяткак эзь вечк.
— Роботамост нузялдыть, сэредеме педить — мурнесь сон бабанзо эйсэ, куломадо икеле. Бабась кавто чиде мейле кулось.
Тень кис тензэ мерильть кевень седей.
Калмизе козяйканзо, буто навуз куця ливсь кардайстэ. Вейкеяк сельведь эзь правт.
Семиясонзо севнумат эсть эрьце.
Вася ульнесь тетянзо кондямо роботыця. Анцяк седе ломань юткс лисниль. Яков атянь промкс кудов панезь а паньцак. Вася службадо мейле комитетсэ служась. Эзь тук Яков атень мельс тень кувалт Вася.
— Роботамот нузялдат. — начальниекс эцят — кармасть тетят церат севкномо.
Весть истя чокшне кепетець шум. Ульцянь келес пижнесь Яков атя.
— Варштакая, — пиженесь Васянь ланкс — Негодяй. Тетять грабамо анцяк тонадыть.
— Те апарц — кортасть шабратне, — коли Яков атя лисць терпениясто парт иля учо. Вот теть советской власть.
Вася тетянзо ланкс путьсь контрибуция, тень кис севнозевсть чокшне. Эрьаа* чине кармасть севномо. Мейле Вася тусь доброволецекс Красной Армияс.
— Кадык, тосо бокатьнень езасызь аламодо. Кудосо нузякснэнь а месть тейнемс ней — кортась сон шабрань икельде Васянь туимадо мейле.
Васянь низэ курок чачтась. Яков атя эзь радуваяк нуцькантень. Пек уш кежензэ Вася ланкс састь контрибуциянть кис.
Шкась ульнесь стака. Маласо ульнесь фронт.
Паньцесть весек сень эйсэ улавс.
— Монь церам тосо Совэтэнь кис служи — кортыль Яков атя, кода евтыльть тензэ улавс.
II.
Ютась ие. Васянь пельде сермат чуросто сакшныльть. Поклондо башка тосо мезеяк арасель сермадозь. Васянь порава цератнень саизь войнав. Васянь низэ лоткась ризнамодояк.
Омбоце кизэ Яков атя роботы урьванзо марто. Покш семиядо а кадовильть.
Кармасть нуевеме нуимат. Остатка пулт уш вачкить скирдас. Ламонь машсть нуимате, Те тосо анцяк кадовсь апак нук лентынеть. Коткудав лацо бузмулдыть ломатне паксясо. Паксясь буто наразь пря. Ки ланга ютыть кудов.
— Ней вачо чиде пелеме а месть, — корты Яков атя шабранзо марто — Анцяк бути саеме ламо кармить. Нетне комунистнэде тюк савкшны. Ков зняро сюронть тейсызь?
Пролка песэ учось эйсэст Ванька, нуцьказо, няньканть марто. Дедазо озавтызе крандайс.
— Вася сермат кучни? — кевкстизе шабрась.
— Умок уш арасель пельдензэ серма. Кежсявсь сестэ — укстазевсь Яков атя.
Машсь течинь тевесь. Пурнасть ужинамо.
Ванька уш вете кото раз полавтызе деданзо марто пеньчензэ.
— Яков леляй! Вана теть серма пронкс кудосто — серьгець вальмалдо Сидор, велень десятник.
— Пакетэнь коньдямо мезе бути.
— Адя совак, монсь ловномояк а маштан.
Васянь низэ весе сорномо кармась, пеньчензэяк правтызэ.
Паньжизь серманть.
— Ох авакай, печат марто Яков леляй, букватнеяк печатнойть.
Тандац атясь: Аволь сюро ли вешить — думась сон. Сидор кармась ловномо.
— 1-й Мусульманский полк... 22 дивизи...
Оймась аламодо Яков, атя аволь налог. Васянь низэ оймензэ як а тарксесы.
Сидор ловны састо, буто пенькат тарги, натой конязо псилгаць. Яков атя веньстизе нерензэ Сидоронь ловтонзо трокс ваны сермантень.
— Гражданину... Якову... Потапычу... Брагину...
Яков атя кармась кирганзо езамо.
— Ваш сын... Василий — Лоткась ловномадо Сидор, буто кирга парензэ трокс мезе бути арась, а нилеви.
Седеньгак пек пильге сур вельде Сидор удалдо ваны сермантень Яков атя.
— Убит под — киргастозь мерьсь Сидор.
Васянь низэ пулт лацо ертовсь. Яков атя нолдызе нерензэ, горбунгаць, буто весе эрязь иетне лепштесть эйсэнзэ. Сидор ертовсь Васянь нинзэ кепедеме. Габордызе ведра веденть мастордо, валыксылизе Васянь нинзэ. Мейле габордызе эзем лангсто узеренть, напустесь ушов. Ванька кармась пижне-
