| № 36 | ЯКСТЕРЕ ТЕШТЕ. | 3 |
тевесь минек калаць. Те чистэнть кортасть, что панчтанок сюро видицянь кудо (дом крестьянина).
Панчжима таркас — торжественной заседанияс ульнесть тердезь представительть Укомсто, Упродбюросто, РЛКС. М-тэ ды кавтонь-кавтонь ломань эрьва волостьстэ.
Сюро видицянь кудонть путызь „Владимир Ильичень Ленинынь лемс“. Заседаниясонть тейсть постановления, кучомс телеграмма Ильичень хозяйкантей Надежда Константиновнанень. Теде мейле Микушкина велень эрзятнэ (пригородной волостинь) максть, Укомонь, уисполкомонь и упродбюронь лемс подарка: пелюма, тарваз ды якстере атякш. Максомстуст представителесь мерць: Монень велень ялгатнэ поручизь пачтямс ды максомс те вишка—подарканть, чтобу улевель кеме связь ошонть веле марго.
Чокшне, заседаниядонть мееле тусть весе театрас, косо налксесть пьеса и морасть морот октябрянь революциень кувалт.
Омбоце чистэнть велень ломатне волостинь представительтне марто пурнавсть вейс, косо кортасть модань, налогонь саимань кувалт. Истямо празднувамо чись, сюро видицянь кудонь панчжимась, велень ялгатнэнень мельц пек тусь, и мерить: Кода мольдянок кудов евтнесынек весеменень мезе неинек и мезе маринек.
Г. Федоров.
| Якстере Тештень редакцияс. |
Вечкима ялгат тыненкак евтаса кода празднувинек октябрянь 7-це иенть.
Ульнесь минек велесэ волостень председатель Киселев ялгась, ульнесь ощо вейке коммунист, коната сакшнось Укомсто Каримов ялга.
Чекшне 7-це ноябрясто тейсть доклад „Народютконь и Россиянь положениязо“, евтнесть мезе максць миненек революциясь. Докладтонть мейле тейнинек спектакля рузонь кельцэ „Великий Коммунар“. Сыре ломатне евтасть пасиба, икелень чопуда тевтнень невтимань кис, а од народось эсинек члентнэнень культ-просветонь мерсть:
Миненек эряви тонафтнемс рузкс, минь мезияк эзинек чаркодь месть тесэ ефтнесть. Тынь бу пьесанть путовлинк эрзякс! миньгак бу чаркодевельнек. Минек арасть эрзянь пьесанок, улить кавто пьесат „Кавто киява“ ды „А мон кединзэ палцинь“ нень уж, путнинек колмонь, колмонь раз.
Вечкилаа ялгат, улитьдерей пьесанк, кучодо монень и сермадодо зняро питнезэ. Ярмакт минь кучтанок. Путтанок платной спектакель редакциянь пользас.
Г. Фадеев.
Редакциянь пельде: Центральной Издательствасо ули вейке пьесань сборник. Те сборниксэнть истят пьесат: „Кавто киява“ „А мон кедензэ палцинь“, „Роки туво“, „Барщинань шкасто“, „Совсем менькшнэсь таго понгсь“, Курок лиси печатьстэ „Захаронь кулома“ (ниле действиясо). Пьесань сборникенть питнезэ 30 коп. „Захаронь куломась“ карми ащеме 15—20 коп. Пьесат тонеть кучтанок.
| Велень корреспондент лезды газетнэнень чопуда чинь панеме, од койсэ эрямонок тееме. |
| Апелить селькортне (велькортне)- |
Кодамо гозет а саят ловномо эйсэнзэ сермадозь: тесэ, тосо чавсть велинь коресподент. Рабкортнэнь эйсо панцить таркастост, чок кискат. Авуль умок ульнись суд Малиновской ялганьть чауманзо кис. Судясть колмо злодейть, велинь кулакт — контр-революционерт ледемс, а конань эйстуст судизь колмонь-колмонь иес острогов. Ней таго селькорт кавто чавсть, секен пельт кемининь кеминь кармить чавнума. А кода а чавумс сынст мартост перадост башка мезияк арась, ды сынь эщо пекь мешеть велинь кулакнинь ды контр-революционертнэнень ды сякуй чумунь тейнитненень, ведь сынст марта акода саламс, симимс ды блудямс. Сынь курок понгафтадызь чок кшнинь крюкас — газет лангс. Те чавнумадонть селькортне а пелить.
Чавить вейке — кемннь таркозонзо арыть. Чавить кеминь — сядо сокиця ды робочей кармить сермадомо не апаро-ломатне ланга, нефнеме кармить рудазост. А ластись нень максцынзе народной правосудиянинь судямс.
Косо тест истямо тарка нефтеть, кода сыньц селкортненень. Пословицанть а истяк мерцезь: мезе видят сень, нуят.
Троцкий ялгась истя мерц: Обижамс Селькортнэнь ды рабкортнень а максцынекь. Чавицетнинь котмерьга якафтумс пси утюг. Коли селькортнэ а пелить, сынь стяфцызь весе сэрист и кармить чаума сынцист пазициясто коневонь снарядца не чопода рудазув контр-революцоной таркатнинь эзга. Курок ли а курук яло теке маштцызь не сексень рудаснынь Советской республикастонть.
П. Кочетов.
| Совэтэнь власть сельkортнэнь обидас а маkссыньзе. |
Покш тев теить селькорт, велень корреспондент конатнэ сермадыть эрямо чиде газетс. Сынь вейкеяк паро тевень вакска а ютыть. Сермадыть эстэдензэ — ловност лия таркава ды теест сынст веле лацо. Вейке як берань тев селькортнэнь кецтэ а мени. Кооперативсэ, сельсоветсэ, школасо юты беряньсэ тевесь, селькор сермады газетс — неессэ Советэнь властесь не берянь тевтнень ды терьдессэ чумо ломатнень ответе. Истя Советэнь власть селькортнэнь марто теи паро эрямо, тарги трудицятнэнь чопуда чистэ, кепеди хозяйстванть эйсэ. Кавксоце ие тусь, кода властесь робочейтнень ды сокицятнэнь кецэ, но те шкамс кадовсть истят ломать, конатнэ эрьва мейсэ, эрьва тевсэ путоволть пильге Советэнь властентень. Кооперативс, сельсоветс понги кодамояк истямо ломань, ды карми аламонь аламонь ташто моронзо морамо, тевенть #адямо. Кармась кулак икелень лацо геднойтнень эйсэ лепштамо. Велень корреспондент, селькор не тевтнен# истяк а кадсынзэ. Понгить не ломатне коневонзо лангс, шочтасынзе сынст газетс. Секс велькоронь велесэ а вечксызь. Улить сонзэ паро ялганзо, седе як ламо улить враганзо, сюдыцянзо. Кулакт пейть порить корреспондентнэнь лангс. Саят газет, ловнат — тесэ тосо чавсть селькор. Ульнесь минек „Якстере Тештень“ корреспондент Бурнайкин ялганок Пензенской губ. Серманзо кис тунда эсть макст тензэ спокойна эрямс. Муевсть истят ломать, конатнэ пирестэнзэ кореном тарксизь ды ертызь весе пире эмежензэ. Марясь не тевтнеде „Якстере Теште“, сермадсь прокурорнэнь. Суд не ломатнень судиньзе ниле месецес.
Ламо таркава велькортнэнь угол экшстэ чавильть ды маштыльть кулакт, бедной ломанень верень потицят. Но не тевтненень Советэнь власть путы пе. Советэнь власть эсинзэ лездыцянзо, бедной трудицятнэнь паро эрямонь ки# бороцицятнэнь обидас а макссыньзе.
Икеле велькоронь маштумань кис судильть 42, 43 и 44 уголовной кодэксэнь статьятнэнь кувалт. Озавтылть сынст кавксо иес тюрьмас. Ней тевесь лиякс ащи. Ноябрянь васеньце чистэнть 1924 годсто Верховный суд весе губернянь суднэнень сермадсь, чтобу селькоронь маштыцятнэнь судяволть уголовной кодексэнь 58 статьянь кувалт. Те статьясь суди весе контр-революционертнэнь, конатнэ оружия маро молить Советэнь влас-
тенть карчо. Те статьянть кувалт селькоронь маштыцянть суд карми судямо ледемс (расстрелс).
Велькоронь лангс кедень кепедеме ней кулактнэнь мелест а ули.
Кеместэ ащеде велень корреспондент, бороцядо чопуда чинть карчо. Лездэде советэнь властентень ды коммунистической партиянтень газетнэнь маро од паро эрямонь тееме. Советэнь властесь обидас а макстадызь.
П. Г.
| ТОНАВТНИМАНЬ ТЕВТЬ. |
| Месть теймекс кода ульмекс якстере учителькс? |
1917 годсто мон да ещо ялгам, кавто эрзят кода а кода авардезь чикордозь понгинек тонавтнеме Казанской Инородческой семинарияс.
Сексня, секе иестэнть ульсь Октябрской револиция. Семинариясонть тоже ульсь революция — ташто учительтнень кармасть полавтнеме анцяк а чистэ, закон божиинть программасто ертызь. Тевсь аламо аламо туеме кармась лац. Стипендия миненек максыльть.
Тусь буржуй маро война, разруха и сякой мень нужда народ ланга, секс стипендиянок кармасть вишкалгавтомо. Тонавтнемс ульсь уж пек трудна, кшесь тяк эзь кармак сатомо.
Истя кодаяк эринек Казаньцэ 1919 иес, семинариянть пекстызь, минек кучимизь Ардатовской уездс (кона уездонть мон). Ульяновской губернияс, — Учительской курсас. Родной уездцынть седе парцте тусь тевись. Ульнесь курснэсэ минцинек пакся, молочной ферма и еще стипендия максыльть. Ульнесь шка и робутамс и тонавтнемс. Монень савсь тонавтнемс тесэ анцяк ве ие. 1920 иестэ 18 майстэ туинь служамо Красной Армиав (как рожд. 1901 г.), тосо служинь, кавто иеть. Врангельской фронцо прынь сэредьме тифсэ; те тифтэнть мейле по слабости нолдымизь кудов овси. Сынь кудов апрелинь 16 чистэ 1922 иестэ.
Тетям братунзо ейстэ явсь самозун. Сатокшнось тензэ скал, кулось и кадовсь колмо стенас кудозонзо.
Мон сынь таго аволь оймсеме а нуждань нейме, да седеем сэрецтемс тетянь-авань да сазоронь ланкс, конат чистэ сэрянь кшеде ярцазь велявцть а неймакс, (монцинь кис уш а истямо мелявкс).
Истя эринь 1923 иес. Кудосо ванса аместь теймекс теле чине, да ещо лишмевтеме.
Поступил Алатырской Педтехникумонь II курсас тонавтнеме.
Цела ие эринь интернацо, получинь стипендия месецынть 1 р. 80 коп. Монцяк а думаван кода мон кадувинь жив. Няро якшамо кирдинь телень кувалт, няро вачо пеке. Ды диван эщо пурнынь превть те иестэнть.
Тунда 1924 иестэ Отчетной конференциясо заведующеинек — Красков радувавтнесь интернацкой эрьзятнень ды бедной рустнэнь: — „Церат те иенть ламо вачо пеке кирдиде, якшамо пултыде пасиба тенк эзиде кадовкшнок ялгастонк. Ней сы иестэнть кармить максмо тенк по 11 р. 50 к. мес.
Минь арситяно ней уш туи тевинек, карматано заботямо, ато вачо пексэ берянь ульнесь.
Учутано кургонь автезь. Хвать „Нумолонтень умок пулонть алтызь, да а курок максцызь“. А умок заведующеенек якась Московов, те тевенть ланга. Минь чинек венек учинек эйсэнзэ. Сась чаво. Стипендия государства миненек а максы, анцяк карми Педтехникумонть кирдеме. Интернатсо эриця цератнэ весе пряст нолдызь.
Интернацоньть ней 12 эрзя (кафто уездань; Ардатовской и Алатырской). Самоуправлениясо весе эрзят, руководительть кружкатнэва больше эрзят. Стипендиявтомо савсь весеменень туемс. Педтехникумсо вачодо а тонавтнима. Кода-жо ульмекс якстере учителькс? Миньценекь средстванок арась, государства а максы. Туемс III курсто учителекс? Охота ощо аламодо седе вадрясто учителинь тевтнень содамс.
Ардатовской и Алатырской уездцэ аламо эрзянь учительть. Минек улить кавто уездэнь эрзят, а минь вачо пекеде оргулитянок Педтехникумсто.
Месть тейнемс, кода теемс якстере учителекс? Ц. К. эрзянь секция и весе эрзянь ялгат, конат эрить Московсо, конань седе валуст виевть, максодо минек кис вал, чтобу минек 12 эрзятнэнень, Наркомпрос пособляволь теникь прядомс Педтехникумонть, эли ковгак кучоволимизь лия училищав, косо максыть стипендия.
Спиридонов.
Редакциянь пельде. Те серманть редакция кучизе Наркомпросонь эрзянь мокшонь бюрос. Бюрось евтась, что Алатырской педтехникумдо Совнацменынь презизиумсо ульнесь бюронть доклад. Ней тевенть кучизь Главпрофобрас. Кода лиси тевесь центральной бюро а соды, икелев алтамс а сави.
