ಬೊಲಿಕೆದ ಮದಿಪು
![]() |
![]() |
![]() |
ತುಳು ಬಾಸೆದ ಓರಿಯೊಡಾಂಡ, ಬುಳೆವುಡಾಂಡ ನಮ್ಮ ದುಂಬುದ ಜನಾಂಗಗೊ ತುಳು ಬಾಸೆದ ಓರಿಪುಗ್ ಬೋಡಾದ್ ದಾದ ಮಲ್ಪೊಂಡು ಪನ್ಪಿನ ಚಿಂತನೆ ಮಲ್ಪುನಗ ರಾಜಬೂಡು ಬೆಂಗಳೂರುಡ್ ತುಳು ಭಾಷೆ, ಲಿಪಿ ಕಲ್ಪಾವುನ ಸತೀಶ್ ಅಗ್ಪಲ ಮೇರ್ ಕೆಲವೊಂಜಿ ಅಭಿಪ್ರಾಯೊಲೆನ್ ದುಂಬುದಿಯೇರ್.
ತುಳು ಭಾಷೆ ಓರಿಯೊಡಾಂಡ ಎಲ್ಯ ಜೋಕುಲೆ ಮುಖಾಂತರನೇ ಬುಳೆವೊಡು. ದಾಯೆ ಪಂಡ ಇತ್ತೆ ಆಧುನಿಕ ತಂತ್ರಜ್ಞಾನ ದುಂಬುವರಿಯೊಂದುಪ್ಪನ ಈ ಕಾಲೊಡು ಸಾಮಾಜಿಕ ಜಾಲತಾಣಡೊ ಇತ್ತೆದ ಜೋಕುಲೆಗ್ ಬಜೀ ಸುಲಬೊಡ್ ನಮ್ಮ ಬಾಸೆದ ಪೊಲಬು ತಿಕ್ಕೊಂಡು. ಅಂಚಾದ್ ಜೋಕುಲೆ ತುಳು ಸಾಹಿತ್ಯದ ಬಗ್ಗೆ ನನಲಾತ್ ಬುಳೆಚ್ಚಿಲ್ ಆವೊಡ್ ಪನ್ಪಿನ ಉದ್ದೇಶ ದೀದ್ ತುಳುವರೆ ಚಾವಡಿ (ರಿ) ಬೆಂಗಳೂರು ಒಂಜಾತ್ ಕಿರಿಯ, ಹಿರಿಯ ಸಾಹಿತಿಲೆನ ಸೇರಿಗೆಡ್ ಜೋಕ್ಲೆ ಪದ ಸಂಗ್ರಹದ ವರ್ಚುವಲ್ ಕೊಪೆ ಮಲ್ಪೊಡ್ ಪಂಡ್ದ್ ನಿರ್ಧಾರ ಮಲ್ತ್ಂಡ್.
ಜೋಕುಲೇ ಪದ ಸಂಗ್ರಹದ ವರ್ಚುವಲ್ ಕೊಪೆಡ್ ತುಳುನಾಡುದ ಹಿರಿಯ, ಕಿರಿಯ ಸಾಹಿತಿಲೆ ತುಳು ಜೋಕುಲೇ ಸಾಹಿತ್ಯ ಕೂಟದ ಒಡಿಯೂರು ಶ್ರೀ ಶ್ರೀ ಗುರುದೇವಾನಂದ ಸ್ವಾಮಿಲೆನ ಎಡ್ಡೆಪ್ಪುದ ಮದಿಪುದೊಟ್ಟುಗ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾಲು ದಯಾನಂದ ಜಿ. ಕತ್ತಲ್ಸರ್ ಉದಿಪನ ಮಲ್ತೆರ್, ತುಳು ಜೋಕುಲೆ ಸಾಹಿತ್ಯ, ಜನಪದ-ಇತ್ತೆ-ದುಂಬುಗ್ ಎಂಚ? ಪಾತೆರದೊಟ್ಟುಗ್ ಡಾ. ಗಣನಾಥ್ ಎಕ್ಕಾರ್ ತೆರಿಪಾಯೆರ್. ತುಳು ಜೋಕುಲೆ ಸಾಹಿತ್ಯ ಸಂಗೀತೊಗ್ ಸರಿಯಾದ್ ಬರೆಪುನ ಎಂಚ ಪಂಡ್ದ್ ಪುಗರ್ತೆ ಸಂಗೀತ ನಿರ್ದೇಶಕೆ ಸಾಹಿತಿ ವಿ. ಮನೋಹರ್ ತೆರಿಪಾಯೆರ್. ತುಳು ಭಾಷೆದ ವೈಶಿಷ್ಟ್ಯತೆದ ಪೊಲಬುನು ಶ್ರೀ ಪ್ರದ್ಯೋತ್ ಹೆಗ್ಡೆ ಮಲ್ತ್ ಕೊರ್ಯೆರ್. ತುಳು ಲಿಪಿತ ಪರಿಚಯ, ಸುಲಭ ರೀತಿಡ್ ಎಂಚ ಟೈಪ್ ಮಲ್ಪೊಲಿ ಬೊಕ್ಕ ಸುಲಭ ರೀತಿಡ್ ಲಿಪ್ಯಾಂತರ ಎಂಚ ಮಲ್ಪೊಲಿ ಪಂಡ್ದ್ ಆನ್ಲೈನ್ ಕಾರ್ಯಗಾರ ಸತೀಶ್ ಅಗ್ಪಲ ಮಲ್ತೆರ್. ತುಳುನಾಡ್ದ ತುಳು ಸಾಹಿತ್ಯದ ಬೆನ್ನಿ ಮಲ್ತಿನ ಹಿರಿಯ ಸಾಹಿತಿಲಾಯಿನ ಡಾ. ಕನರಾಡಿ ವಾಧಿರಾಜ್ ಭಟ್, ಡಾ. ರಘು ಇಡ್ಕೀದು, ಡಾ. ಸಾಯಿಗೀತ, ವಿಜಯ ಕುಮಾರ್ ಕೊಡಿಯಲ್ ಬೈಲ್, ಗುರುಕಿರಣ್, ಸುರೇಶ್ ರೈ, ಸನತ್ ರೈ ಕುವೈಟ್, ಇಂಚ ಮೊಕುಲೆನ ಪೂರ ಕೂಡಟಿಕೆಡ್ ಕಜ್ಜ ಕೂಟ ಮಲ್ಪರೇ ಶುರುಮಲ್ತ. ಅಂಚೆನೇ ಜೋಕುಲೆಗಾದ್ ತೆಲಿಕೆ ನಲಿಕೆ ಲೇಸ್ ಮಲ್ತ್ದ್ ತುಳು ಭಾಷೆದ ಆಚಾರ ವಿಚಾರ ಕಲೆ ಸಂಸ್ಕೃತಿದ ಪೊಲಬುನ್ ಜೋಕುಲೆಗ್ ಮುಟ್ಟಾವೆರ್ ಪ್ರಯತ್ನ ಮಲ್ತ್ದ. ಜೋಕುಲೆ ಸಾಹಿತ್ಯ ಕಜ್ಜ ಕೂಟದ ಮುಗಿತಲದ ಲೇಸ್ಡ್ ಶ್ರೀ ಶ್ರೀ ಯೋಗಾನಂದ ಸರಸ್ವತಿ ಸ್ವಾಮೀಜಿ ಪಾಲ್ ಪಡೆದ ಎದ್ದೆಪ್ಪುದ ಮದಿಪು ಕೊರ್ಯೇರ್.
ನಮ್ಮ ತುಳು ಕಬಿಕುಲೆಗ್ ತುಳುತ್ತ್ ಪೊಸ ಜೋಕುಲೆ ಪದೊಕುಲೆನ್ ಬರೆವರೆ ಉಮೇದ್ ಪುಟ್ಟಾದ. ಆಕ್ಲ್ ಬರೆತಿನ ಪದೊಕುಲೆನ್ ಸಂಪೊಲಿಗೆ ಮಲ್ತ. ಅಂಚನೆ ಸಂಪೊಲಿಗೆ ಆಯಿನ ಪದೊಕುಲೆನ್ ಒಟ್ಟು ಸೇರ್ಸಾದ್ ತಪ್ಪು ಒಪ್ಪುನು ಸರಿ ಮಲ್ತೊಂದು ಇತ್ತೆ ಪುಸ್ತಕದ ರೂಪ ಬೈದ್ಂಡ್, ಅಂಚನೆ ಇತ್ತೆ ಪ್ರಚಲಿತೊಡು ಇಪ್ಪುನ ಕನ್ನಡ ಬುಕ್ಕ ಇಂಗ್ಲಿಷ್ ಭಾಷೆದ ಜೋಕುಲೆ ಪದೊಕುಲೆನ್ ತುಳುಕ್ಕು ಭಾಷಾಂತರ ಮಲ್ತ್ದ್ ಕವಿಕುಲೆನ ಸಹಕಾರೊಡು ಪುಸ್ತಕ ರೂಪೊಡು ಕನವರೆ ತಯಾರ್ ಮಲ್ತ. ಈ ಮಲ್ಲ ಕಜ್ಜೊಡು
v|i ಜೋಕುಲೆ ಉಜ್ಜಾಲ್