ಕಸುಬು, ಚಿಹ್ನೆದ ಮಾತ್ರೆ, ವಾಯಿದ ಮಾತ್ರೆ, ಕೈಕ್ ಕಾರ್‌ಗ್ ಪೂಜುನ ಎಣ್ಣೆಲು,
ಬೇತೆ ಬೇತೆ ಸೀಕ್‌ಗ್ ಮರ್ದ್‌ಲ್ ಕೊರೊಂದಿತ್ತೆರ್, ಇತ್ತೆ ಕಡಮೆ ಕಡಮೆ
ಆವೊಂದುಂಡು. ನೆಕ್ಕ ಮರ್ದ್ ಕಂಪೆನಿಲೇ ಒಂಜಿ ಕಾರಣ ಅತ್ ಪಂಡ್
ಪನೊಲಿ. ಬೇರ್‌ದ, ಮರೊಕ್ಕೆ ಗುರ್ತ ಮಲ್ಪುನಕುಲು ಇಚ್ಛೆ, ಕಾಡ್ ನಾಶ ಆದ್
ಕೆಲವು ತಿಕ್ಕೊಂದಿಜ್ಜಿ, ಕೆಂಪು ಬೇರ್ ಪಂಡ್ಸ್ ಗೋಳಿ ಮರತ್ತ ಬೇರ್ ಮಾರುವೆರ್.
ಇಂಚಾದ್ ಬಳಕೆ ಕಮ್ಮಿ ಆವೊಂದುಂಡು. ಆಂಡಲಾ ಜಿಲ್ಲೆಡ್ ಕೆಲವು ಅಯುರ್ವೆದ
ಕಂಪೆನಿಲು, ಮರ್ದ್‌ದ ಗಿಡೊಕೆ ನರ್ಸರಿಲು, ಮರ್ದ್ ಅಂಗಡಿಲು ನಮ್ಮ
ಗಿಡಮೂಲಿಕೆ ಮಹತ್ವನು ಒರಿತೊನ್ರೆ ಪ್ರಯತ್ನ ಮಲ್ತೊಂದುಲ್ಲೆರ್.
ತಾರೆದ ತೆಪ್ಪುದ ನಾರುಡ್ದ್ ಬಲ್ತ್. ಪುರಿಬಲ್ಲ್ ಕತ್ತವು ಮಲ್ಪುನವು.ಇತ್ತೆ
ತಪ್ಪು ಗುದ್ದುನಕುಲುಲಾ ಇಜ್ಜಿ. ಆಂಡ ಕೇರಳೊಡು ಈ ಕ್ಷೇತ್ರೋಡು ಬೆನೊಂದುಲ್ಲೆರ್.
ದುಂಬು ಕಸಿ ಕಟ್ಟರೆ ಮಣ್ಣೆನ್ ತಪ್ಪುದ ಕೂರುಡೇ ಕದ್ದೊಂದಿತ್ತೆರ್. ಐತ ಜಾಗೆಗ್
ಇತ್ತೆ ಕಪ್ಪು ತೊಟ್ಟೆ ಬೈದ್‌ಂಡ್.
ಅಂಚಾದ್ ಇತ್ತೆದ ಆಧುನಿಕತೆ ಬದ್‌ಕ್‌ಡ್‌ ಐಟ್ ಲಾ ಹೆಚ್ಚಾದ್
ಗ್ರಾಮೀಣ ಪ್ರದೇಶದ ಬದ್‌ಕ್‌ ಇತ್ತಿನ ಕೈ ಕಸುಬುಲು ಇಜ್ಜಾಂಡ ಕುಲ ಕಸುಬುಲು
ಇತ್ತಿತ್ತೆ ಬರಿಕ್ ಸೇರೊಂದುಂಡು, ನೆಕ್ಕ ಮಸ್ಟ್ ಕಾರಣೋಲುಲಾ ಉಂಡು.
ಆದಾಯ ಕಮ್ಮಿ ಬರ್ಪಿನ ಕುಲಕಸುಬುಲೆಗ್ ಇತ್ತೆದ ಜವನೆ ದುಂಬು ಬರುಜೆರ್. ಕಂಪೆನಿದ ವಸ್ತುಲು ಅಗ್ಗೋಡು ಓಲುಲಾ ತಿಕ್ಕುಂಡು ಪನ್ಪಿನವು ಬೊಕ್ಕೊಂಜಿ ವಾದ. ಬಂಗ ಬತ್ತ್ ದ್ ತಾಳ್ಮೆಡ್ ಬೇಲೆ ಮಲ್ಪುನಕುಲು ಕಮ್ಮಿ, ಮಲ್ತ್ಂಡಲಾ ದೆತ್ತೊನುನಕುಲು ಇಜ್ಜಿ. ಇಂಚಿತ್ತಿ ಪರಿಸ್ತಿತಿಟ್ಸ್ ತುಳುವೆರಾಯಿ ನಮ ನಮ ಉಪಕಸುಬುಲೆನ್, ಕುಲ ಕಸುಬುಲೆನ್ ಒರಿತೊನ್ರೆ ದಾದ ಮಲ್ಲೊಲಿ ಪನ್ನಿ ಪ್ರಶ್ನೆಲಾ ನಮಡ ಬರುಂಡು, ನಮ್ಮ ಪ್ರದೇಶೂಲೆಡ್ ಆಪಿ ಇಂಚಿತ್ತಿ ಕಸುಬುಲೆಗ್ ನಮ ಪ್ರೊತ್ಸಾಹ ಕೊರ್ಕ ನಮ ಪರಿಸರೊಟು ತಯಾರಾಪಿ ವಸ್ತುಲೆನ್ ನಮ ದೆತೊನುಗ, ಅವೆನ್ ಗಳಸುನೆಡ್ ಲಾಭ ದಾದ ಪಂಡ್ಸ್ ತೆರಿಯೊಂದು ಬೊಕ್ಕೊರಿಯ ತೆರಿಪಾಗ ಪ್ಲಾಸ್ಟಿಕ್ ಮೈಸುಡ್ಡು, ಸಿಂಕಿರಿದ ಮೈಪು, ಕಪ್ಪರೊಟ್ಟಿಗೆ ಮಣ್ಣ ಓಡು, ಬಂಗುಡೆ ಪುಳಿಮುಂಚಿಗ್ ಮಣ್ಣೆ ಬಿಸಿಲೆ, ಗಾಣದ ಎಣ್ಣೆ. ಗಿಡಮೂಲಿಕೆ ಮರ್ದ್, ಮಗ್ಗದ ಕುಂಟು, ಕೊಡಪಟ್ಯಡ್ ಮಲ್ಲಿನ ಕತ್ತಿ, ಕಂಡೊಂಡು ಕೊರಂಬು, ಇಂಚ ಒಂಜೊಂಜೆನಾಂಡಲಾ ನಮ್ಮ ಮದಪಂದೆ ಅವೆನ್ ಗಳಸುನ ಪ್ರಯತ್ನ ಮಲ್ಲುಗ, ಉಂದೆನ್ ಮಲ್ಲುನಕ ಬೇಲೆಗ್ ಮತ್ಯಾದಿ ಕೊರ್ಕ ನೆಕ್ಕ ಮನೆಮನ ಸಹಕಾರ ಸಂಗೊಲೆಗ್ ಪ್ರೋತ್ಸಾಹ ಕೊರ್ಕ, ಅಂಚಾಂಡ ಮಾತ್ರ
202 ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
